Nodi Khoje Hatimare Mae Jiu 102:3 - Buka Blahi Ka Cheke Holo

³ Thinigu na fobo jateula khaꞌaghi eghu, eghuteuna iara na theome raugha lehe jateula gagahu te flalo ka nuri ia eghu.

Nodi Khoje Hatimare Mae Jiu 102:3 Referans Kwoze

Jemes 4:14

Tore, nu ghotilo theome laseni unha nate eni nathuꞌu na! Eghuteuna ghotilo theome laseni unha nafnata nakarhagna nate hata ghotilo na. Ghotilo na jateula khoveo te filoni tahati katha vido ikoi hamerane nu kela dofi nila teu ia eghu kolho.

Lamentations 1:13

“Mana kuru soru khaꞌaghi funu kligna ne gnhubra glamnagu iara na. Mana ne lilisei kaisei phighoro malagu iara, mala uka iara. Mana tei koko ghau iara, mala glaꞌe soru iara.

Nodi Khoje Hatimare Mae Jiu 37:20

Nu naikno te diꞌa na ginauna lehe. Nogna naoka Lord na ginauna dofidi jateula chechenge gaju eghu. Tutuani fara, mana ginauna jateula gagahu khaꞌaghi eghu kolho dofidi aheva te tei na.

Thoutonu Eigna Mae Job 30:30

Thinigu na brana fara ka fagrutu. Eghuteuna guligu iara na jateula te thunu ka naprai ra lau.

Nodi Khoje Hatimare Mae Jiu 31:10

Diꞌanagnafa te eni iara gne fakmoꞌeni nakarhagu iara na. Iara tanhi nogu fara, eghuteuna iara theome nabagu te au faraugha na. Nanhetagure la hui, eghuteuna nhubragure la jaola salha hi.

Lamentations 3:4

Nafnahigu nei guligu teu iara re jateula thini khuekuꞌe neu, eghuteuna mana ne lolhopa nhubragu iara re.

Nodi Khoje Hatimare Mae Jiu 119:83

Neubane diꞌa fara ngau iara nakarhagu na, iara theome ghatho ihoni kolho nou vetula iagho na.

Nodi Khoje Hatimare Mae Jiu 38:3

Iara au khabru biꞌo ka thinigu na, naugna iagho ne diꞌatamu ka iara eidi nakhibo teke edi iara igre.

Nodi Khoje Hatimare Mae Jiu 27:9

God, thosei poru ka iara, naugna iagho mae ihei te fakarhi ghau iara na. Iara nou mae gloku iagho, thosei diꞌatamu ka iara. Iagho neke togho ghau iara kmana fata, thosei tei koko ghau iara.

Nodi Khoje Hatimare Mae Jiu 31:3

Tutuani fara, iagho jateula nogu vido keli eghu mala poru iara. Iagho au ke ulugu iara mala baubatu ghau iara ka nabrou te keli, jateula teke nhaꞌa chekenihi iagho ia eghu.