Proveb 8:10 - Buka Blahi Ka Cheke Holo

¹⁰ Ghotilo mala vahini glalase te keli na, naugna nogu cheke iara na keli fara uludi silva ghe gol.

Proveb 8:10 Referans Kwoze

Nodi Khoje Hatimare Mae Jiu 119:127

Iara thono magnahagheni fara nou famane farirhiu iagho igne ke uludi sileni te gnafa ka nauthoglu igne.

Nodi Khoje Hatimare Mae Jiu 119:72

Iara magnahagheni fara nou famane farirhiu iagho igne ke uludi sileni te gnafa kau nauthoglu igne.

Proveb 23:23

Hata unha te tutuani nei keli. Fariuriu mala hata famane farirhiu nei glalase te keli. Eghuteuna thosei koko puhi te keli igre.

Eklesiasti 7:11

Gaoghatho te keli nei sileni eghu teke hata kasa iagho ka mae kmamu na tangomana te togho ka nakarhamu na.

Proveb 10:20

Nogna cheke naikno te keli na, jateula silva eghu. Nu nagnafagna naikno te diꞌa na, theo nafugna kolho.

Mae Khuru 3:6

Nu mae Pita ne cheke eghu ka mana, “Iara theo sileni. Nu keha glepoi ngau te au ka iara na, tuana nate tusu ari iara ka iagho na. Te cheke nigho iara na, ka nanghagna mae Jisas Kraes gna Nasaret, kegra haghe, nonolo tafri!”

Proveb 16:16

Famane gaoghatho te keli balugna glalase na, thofno keli fara salaꞌudi gol ghe silva.

Nodi Khoje Hatimare Mae Jiu 119:162

Iara keli tagu fara ka nou cheke iagho te tutuani gre. Uve, iara keli tagu fara, jateula mae ihei teke atha kmana glepo te keli ka vido te uluni magra ra eghu.

Fapea Korin 6:10

Mare tangomana te fadiꞌa nagnafa ghami na, nu ghehati gleale'a fabrahu kolho. Ghehati kuma fara ka nauthoglu igne, nu ghehati toghodi kmana naikno mala dedei kligna. Ghehati theo kaisei nomi glepo ka nauthoglu igne, nu ghehati thofno khotodi glepo te gnafa te au kligna.

Proveb 8:19

Glepo te tusu ari iara na, keli fara salaꞌudi silva ghe gol.

Thoutonu Eigna Mae Job 28:15

Theome tangomana kaisei naikno te foli silva ba gol te mala hata gaoghatho te keli na.

Thoutonu Eigna Mae Job 28:17

Neubane gol ba kaisei famane glas, glalase te keli na keli salaꞌudi gol nei famane thina. Eghuteuna theo kaisei naikno tangomana te tughu famane gol na te mala hata glalase te keli na.

Proveb 20:15

Nogna cheke mae te fodu ka gaoghatho te keli na uludi fara gol, buli nei daemon.