Proveb 6:32 - Buka Blahi Ka Cheke Holo

³² Nu mae ihei te tapla jafra ka khetogna keha mae na, mae igne fameomekro eghuteuna mana goigonini thegna.

Proveb 6:32 Referans Kwoze

Proveb 7:7

Iara ne filodi kmana mae majaghani ne fiti nolo tafri kolho. Aonu iara ne filoni kaisei mae ka mae igre, mana theome au tagna glalase te keli.

Hibru 13:4

Naikno te gnafa gre mala ghatho tahuni puhi tholaghi na. Mae tholaghi nei gaꞌase tholaghi teure mala reireghidi thedi jateula teke nhaꞌa cheke thedi repa ia eghu, naugna God ginauna na fatedi naikno te theome leghuni vetula gna tholaghi na baludi iheire te eni tafri puhi te diꞌa are.

Profet Jeremaea 5:21

Ghotilo fanomho fakeli ka nogu cheke iara igne! Ghotilo iheire te fameomekro nei theome laseni kaisei glepo teura. Ghotilo iheire te filo, nu theome filo glani kaisei glepo teura. Ghotilo iheire te fanomho, nu theome nomhi fakelini kaisei glepo teura.

Eksodas 20:14

“Thosei huhughuni vetula gna tholaghi.

Jenesis 41:39

Aonu mae king ne cheke eghu ka mae Josep, “God na la falalasehi ka iagho glepo igre, eghume theo kaisei mae te au gaoghatho te keli nei lalase teu jateula iagho teuna.

Profet Esikiel 18:31

Ghotilo koko puhimi te diꞌa te figri tagru ghau iara are, eghuteuna ghaoghathomi nei puhi ka nakarhami teu ghotilo are mala ke majaghani fapulo. Ghotilo naiknomi Israel ra! Naugna unha si ghotilo te magnahaghei lehe kolho gnea?

Profet Jeremaea 5:8

Ghotilo jateula hose nalhaꞌugna te magnahaghei apla ka hose gaꞌasegna na ia neu ne magnahagheni khetogna mae kherami fofodu na.

Proveb 9:4

“Ghotilo iheire te theome lalase ra, ghotilo mei! Ghotilo iheire te theome au gaoghatho te keli ra, ghotilo mei!

Proveb 8:36

Nu mae ihei te theome dei ghau iara na, mana goigoni ni kolho thegna, eghuteuna ihei te tirogna ghau iara na, mana magnahaghei fara te lehe na. Eghume igne ngala gaoghatho te keli nei doglo teuna.”

Profet Hosia 13:9

“Ghotilo Israel. Iara ginauna roꞌe ghami ghotilo, naugna ghotilo ne figri tagru ghau iara mae ihei teke togho ghami ghotilo ia!

Proveb 6:33

Mare ginauna purini nei famamajani eghu mana ka tathadi naiknore, eghuteuna nanghagna mana na ginauna diꞌa fabrahu.

Proveb 10:13

Naikno te autagna gaoghatho te keli na tangomana te cheke fajiflai gaoghatho te keli na. Nu naikno te fameomekro na nabagna na au papara.

Proveb 10:21

Nogna cheke naikno te doglo na toghodi kmana naikno. Nu naikno te theome autagna gaoghatho te keli na, ginauna lehe, naugna nagnafagna na thono diꞌa fara.

Proveb 11:12

Ihei te fameomekro na, cheke fadiꞌadi naiknore. Nu ihei te au tagna gaoghatho te keli na, mana au kmu.

Proveb 12:11

Mae ihei te loku heta ka nagare na, mana ginauna au ghegna kmana gano. Nu mae te theome gaoghatho fakeli na, mana ginauna na fiti loku heta ka thua nafnata gloku nate theome toghoni mana na.

Proveb 24:30

Iara tei ne filoni nogna nagare mae te thodo na. Eghuteuna iara ne tei salaꞌu ka nogna nagare grep mae te theome ghaoghatho na.

Proveb 2:2

Iagho mala fanomho ka famane cheke igre eghuteuna fariuriu mala hata glalase.