Proveb 29:9 - Buka Blahi Ka Cheke Holo

⁹ Jame mae te autagna gaoghatho te keli na athani mae te fameomekro na ka fate, mae te fameomekro igne na theome au kmu, nu mana na cheke faparini nei naghoni eghu kolho mana. Eghuteuna theo kaisei pharikeli jare na.

Proveb 29:9 Referans Kwoze

Eklesiasti 10:13

Kate funu cheke mae igne na, thua cheke fameomekro kolho nate chekedi mana re. Eghuteuna kate gnafa nogna cheke na, nogna cheke mana igre thofno diꞌa fara salaꞌui, jateula nogna cheke mae te fagoigoli ra eghu.

Proveb 26:4

Jame te cheke tughu fameomekroni iagho nogna cheke mae te fameomekro na, filogna na iagho jaola fameomekro.

Matiu 7:6

“Thosei tusu lao glepo blahire ka naikno te diꞌare. Naugna mare jateula bukrei bosu te goigonidi glepo te blahi ra eghu, ba jateula bukrei khuma te mei kathi ghami ghotilo ra eghu kolho.”

Proveb 17:12

Iagho mhaghuni idogna sua khuma te blau mare thugna na. Nu te keli na iagho mala mhaghuni tulao puhigna mae te fameomekro na.

Proveb 29:8

Ihei te cheke fadiꞌadi koba keha naiknore tangomana te eni puhi biꞌo ka namono na. Nu ihei te autagna gaoghatho te keli na tangomana te fabeatani nagnafagna naikno te diꞌatagna na.

Proveb 29:10

Mae te aknu poru na theome magnahaghedi naikno te keli re, eghuteuna mana fariuriu mala falehedi naikno te doglo re.