Proveb 27:22 - Buka Blahi Ka Cheke Holo

²² Neuba iagho ne parani fara naikno te fameomekro na, iagho theome tangomana te koko puhigna mae te fameomekro na.

Proveb 27:22 Referans Kwoze

Profet Jeremaea 5:3

Lord, iagho magnahaghedi iheire te cheke kate tutuani koba. Neuba iagho ne paradi, nu mare theome haimini te kabru ghedi na. Neuba iagho ne goigonidi, nu mare theome snakre nigho iagho te mala fadoglidire. Phaꞌudire maku fara jateula thina eghu. Eghuteuna mare thono tirodi te tughu nagnafa na.

Proveb 23:35

Eghuteuna iagho ginauna na cheke eghu, “Jau mare puri ghau iara, nu iara theome fnera. Jau mare magri ghau iara, nu iara theome haimini.” Eghuteuna iagho ginauna cheke eghu, “Iara magnahaghei dofra mala ke drangai.”

Profet Isaia 1:5

Naugna unha si ghotilo te tiromini chekegna God ignea? Ba, ghotilo magnahagheni God te para ghami fabrahu sia? Puhimi ghotilo re jateula mae te au nafnera biꞌo ka phaꞌugna na te theome ghaoghatho fakeli ra eghu.

Eksodas 12:30

Ka bongi tuana na, mae king na baludi nogna mae funei re nei naikno te gnafa teu Ijep na ne kafe dofra. Naikno ne kafe tanhi fabiꞌo, naugna ka suga te gnafa igre kaisei mae sua nalhaꞌu na leheu jare.

Eksodas 14:5

Kate nomhini mae king gna Ijep na tela rikhahi naiknodi Israel re, mana nei nogna mae funei re eghu neke tughu gaoghatho ne cheke eghu fari thedi, “Tore, tahati thono fameomekro fara! Filo si ghotilo, tahati snakredi mae Israel ra la rikha la tei nodi. Eghume gognaro na tahati la theo noda mae sneka te mala edi noda gloku tahati gre eghu.”

Eksodas 15:9

Nou naoka iagho na fahaehaghe ne cheke eghu, ‘Ghehati ginau na ngolhi leghudi mala tei lokidi. Eghuteuna ghehati ginau na atha nodi dedei mare re mala tufa ka vikemi re. Ghehati ginau na falehedi ka naflahi biꞌo mala atha unha teke magnahaghedi ghehati ka mare re!’

Proveb 26:11

Mae te fameomekro teke eni fapulo puhi fameomekro na, jateula khuma teke figri teke ghamu gluꞌagna thegna ra eghu kolho.

Profet Jeremaea 13:23

Ba, mae te pipito na tangomana teke tughu thinigna na teke vegha na? Ba, phusi mata na tangomana teke tughu thinigna te thuthunu na? Thono theo fara. Ghotilo jateula tuana eghu theome tangomana te koko puhimi te diꞌare mala teke eni puhi te keli na.

Ululahu Samuel 19:21

Kate nomhini mae Sol igne, mana neke kuru tei keha maei. Nu kate posa mare ka namono na, mare jaola ne loku fodu baludi mare ne ragi nei koje neu mala kilo fnaknoni God. Aonu mana ne fatilo fata kuru tei keha mae, nu glepo igne jaola ne thokedi mare.

Ululahu Kings 13:33

Neuba glepo igre ne thoke mei ngau, nu King Jeroboam theome tughu puhigna te diꞌa na. Mana vahidi thua nafnata mae ngala te mala pris te mala loku ka vido blahi na. Ihei te magnahaghei pris na, Jeroboam faꞌuveni ngala.

Proveb 14:24

Te lalase iagho na, iagho ginauna dedei. Nu te fameomekro iagho na, naiknore ginauna laseni te fameomekro.