Proveb 27:10 - Buka Blahi Ka Cheke Holo

¹⁰ Iagho thosei ghatho ihodi kheramure. Kate thoke mei hoholo na, thosei tei ka vikemure. Naugna kheramu iagho te au balumu teu igre thofno uludi fara vike te au delei are.

Proveb 27:10 Referans Kwoze

Proveb 18:24

Mae te au kmana kheragna na mana theo nafugna kolho. Nu thofno kheramu na, keli fara salaꞌuni thabusimu na.

Proveb 17:17

Kheramu iagho na namha nigho iagho fabrahu. Eghuteuna thabusimu na togho nigho ka vido te ninhigrana.

Proveb 19:7

Thabusigna mae te kuma re tirodini mana. Eghuteuna kheragnare jaola tirodini mana. Neuba mana ne hirodi mare mala toghoni, theome tangomana te dedi re.

Fapea Samuel 19:24

Mae Mefiboset gragna mae king Sol, mana theome titihi ghahe, theome ghoighori gremoho, nei theome titihi nogna pohere eghu funu ka narane te jifla king Devet na, neke ghilei pulo mei Jerusalem. Eghuteuna mana jaola ne soru mei mala thafoni king.

Fapea Samuel 21:7

Nu mae Devet neke ghathoni teke nhaꞌa cheke phiamare Jonatan thugna mae Sol ke ulugna Lord tifa igne ne fakarhini mae Mefiboset thugna mae Jonatan.

Mae Khuru 23:12

Hamerane keha mae Jiure ne faidu poru ne hiro phoge mala faleheni mae Pol. Mare ne eni kaisei nhaꞌa cheke mala theome ghamu ba ko'uni eghu kaisei gano ghilei faleheni ghu mae Pol.

Profet Jeremaea 2:5

Lord ne cheke eghu, “Unha neku iara ka kuꞌemi ghotilo tifa ra site tei koko ghau iara ghotilo gnea? Mare neke tarai ka mumuju god te theo nakarha tadi. Eghuteuna mare jateula mumuju god teke sari thedi tura neku neke jaola neke theo nafudi kolho.

Fapea Kronikols 24:22

King Joas neke theome ghathodi famane puhigna Jehoada kmagna Pris Sekaraea na, nu mana faleheni thugna mana na. Eghuteuna kate namo lehe na, Pris Sekaraea ne cheke eghu, “Iara toreni Lord mala filodi glepo te edi ghotilo gognaro igre, eghuteuna God ginauna para ghami ghotilo.” Aonu mana ne lehe.

Fapea Samuel 19:28

Tutuani, iagho nabamu te kafe aknu falehe ghami ghehati teke vikegna mae kuꞌegu iara king Sol. Nu iagho kokhoni ghau iara ne snakre ghau iara te mala mei ima koba ka sugamu iagho na. Iara theo kaisei nogu nolaghi te mala toreni kaisei glepo ka iagho na.”

Diutronomi 22:1

“Jame ghotilo filoni kaisei nogna buluka ba kaisei nogna sipu ba nanigot mae kherami ghotilo te rikha na, ghotilo thofno ke hata fafigri ka mae khotogna na.