Proveb 26:27 - Buka Blahi Ka Cheke Holo

²⁷ Mae te dokha khora na, ginauna snoꞌo tagna. Mae te pili thina biꞌo na, thina na ginauna soru tagna.

Proveb 26:27 Referans Kwoze

Proveb 28:10

Ihei te batuni naikno te doglo na te mala eni puhi te diꞌa na, mana ginauna khale ka phighoro teke eni thegna na. Nu ihei te theome eni kaisei najafra na ginauna atha glepo te keli ka khamegna God.

Nodi Khoje Hatimare Mae Jiu 9:15

Hatimare mae bongihehe gre neke dokha kaisei khora malami ghehati neku, nu ke snoꞌo kolho thedi. Phigoro malami ghehati teke lilisei mare na neke khale kolho thedi.

Nodi Khoje Hatimare Mae Jiu 10:2

Naikno te diꞌa gre mare neke dokha khora mala snoꞌo naikno te kuma gre neku. Nu iara magnahaghei nigho te snakre laodi ka khora tuare mala snoꞌo thedi. Naugna mare ne fahaehaghe fara ne ngolhi tafridi naikno te kuma re.

Eklesiasti 10:8

Mae te dokha huha mala snoꞌo naikno tagna teuna, mana ginauna snoꞌo thegna. Mae te horo khora ka gringnigna suga na, phanaga ginauna kathini mana.

Nodi Khoje Hatimare Mae Jiu 57:6

Nogu naoka iara gre mare lilisei kaisei fangna mala fakhale ghau iara teuna, eghume iara gne thofno au diꞌanagnafa fara. Hatimare dokha kaisei khora ka nabrou na mala snoꞌo iara teuna. Nu iara theome snoꞌo kolho tagna eghu, mare thedi nga kolho teke snoꞌo tagna na.

Nogna Buka Esta 7:10

Aonu mare ne fagefe hagheni mae Haman ka gaju teke lisei haghe mana malagna mae Modikae teku igne. Kate eni te gnafa mare igne diꞌatagna mae king na ne hui.

Nogna Buka Esta 9:25

Nu kate nomhini King gaoghatho te diꞌa te eni mae Haman igne, mana neke fatei cheke ka nogna kantri na. Eghuteuna gaoghatho te diꞌa teke eni mae Haman ranghidi mae Jiu gre igne neke figri ka thegna. Aonu mare ne fagefe hagheni mana baludi nabotho mae thugnare ka gaju na.

Proveb 5:22

Nakhibogna naikno te diꞌa na tangomana te haru famakuni mana na, jateula phighoro te haru famakudi nanghaji ra eghu.

Profet Isaia 3:8

Puhi igne ginauna thoke mei tutuani ka naiknodi Jerusalem nei Juda, naugna nodi cheke nei nodi gloku teure faparini nei goigonini eghu Nanghagna Lord mae ihei te haghe fara. Mare edi koba puhi te diꞌa igre jateula naikno te thaviru tela ukahi pari ra eghu ka tathagna mana na.

Profet Isaia 3:11

Nu kokhonidi fara iheire te leghuni puhi te diꞌa na! Lord ginauna tughu fapulo ka mare glepo te diꞌa fateote'o teke edi mare ra.