Proveb 26:20 - Buka Blahi Ka Cheke Holo

²⁰ Jame te theo gaju na, khaꞌaghi na ginauna lehe. Jame te theo kaisei cheke te diꞌa na, faripholai na ginauna theo.

Proveb 26:20 Referans Kwoze

Jemes 3:6

Eghuteuna cheke te jifla mei ka foflogna naikno na jateula kaisei khaꞌaghi eghu, naugna tangomana te roꞌedi glepo te kelire. Neubane kaisei vido ikoi fara ngala ka thinida tahati na, u foflo ngala nafugna te mala jifla mei glepo te diꞌa na, eghuteuna tangomana te roꞌedi nakarhada fateo tahati re. Glepo te diꞌa igre tangomana te para ghita funu ka karhada na ghilei lehe tahati. Eghuteuna cheke te diꞌa igre neke mei funudi ka mae Satan.

Proveb 22:10

Ki teini mae te magnahaghei cheke fadiꞌadi keha mae na. Faripholai na ginauna gnafa, magra na ginauna gnafa, eghuteuna cheke diꞌa na ginauna gnafa.

Proveb 16:28

Mae te diꞌa na faꞌeiꞌei puhi mala faripholai ka keha naiknore. Eghuteuna mae te cheke faꞌikoi na mala fasopa gaghadi kheragna re.

Proveb 26:22

Mae te magnahaghei fanomho fara ka mae te lase buiburi naikno na, tuana jateula famane gano te roda ghamu ra eghu.

Jemes 3:5

Jateula tuana eghu glapigna naikno na. Neubane kaisei vido ikoi kolho ka thini na, tahati tangomana te edi tagna kmana nafnata glepo biꞌo te fahaehaghedi tahati re. Nu tahati ghatho nila eigna u khaꞌaghi ia. Neubane ikoi fara ngala ka fufunu gna na, naꞌa na tangomana te biꞌo te ghilei gnubra fahui namhata tongana na.

Levitikas 19:16

“Eghuteuna ghotilo thosei cheke fadiꞌani ba chaghi eigna ihei. Eghuteuna jame kaisei kherami tei ka kot, eghuteuna iagho laseni unha teke eni mana na, iagho mala cheke fajiflani igne ka kot eigna puhi te tutuani na mala toghoni mana. Naugna iara Lord.