Proveb 24:16 - Buka Blahi Ka Cheke Holo

¹⁶ Neubane thoke mei kmana fata puhi biꞌo ka mae te keli igne, nu mae te keli igne ginauna kegra heta. Nu puhi biꞌo ginauna goigonini mae te diꞌa na.

Proveb 24:16 Referans Kwoze

Nodi Khoje Hatimare Mae Jiu 34:19

Kmana glepo te diꞌa thoke mei ka nogna naikno Lord re, nu Lord na toghodi mala theome tangomana glepo te diꞌa igre te tapla sorudire.

Nodi Khoje Hatimare Mae Jiu 37:24

Neuba mana ne uka, mana na theome thuru fabrahu pari, naugna Lord ginauna na loku ka khamegna na nake korho hagheni mana.

Thoutonu Eigna Mae Job 5:19

God ginauna fakarhi nigho ka puhi biꞌo. Neubane thoke nigho kmana glepo te diꞌa, mana ginauna reireghi fakeli nigho.

Ululahu Tesalonika 5:3

Kate chekeni naiknore, “Pharikeli nei nasnagla,” God ginauna ghosei roꞌedi, jateula khabru ghosei te mei ka gaꞌase te namo karha sua ia eghu. Eghuteuna naikno tuare ginauna theome rikha.

Proveb 14:32

Mae te diꞌa puhigna na ginauna au papara kate thoke mei puhi biꞌo na. Nu neubane lehe mae te doglo na, mana au nogna vido mala poru ka God.

Proveb 13:17

Jame mae funei na kuru teini kaisei mae te lase cheke diꞌa na, mana tangomana te eni puhi te biꞌo na. Nu mae te doglo koba nogna chekere, mana toghodi naiknore mala au ka pharikeli.

Profet Emos 5:2

Khoje na igne: “Gaꞌase majaghani gna Israel, naꞌa la ukahi pari, eghuteuna naꞌa theome tangomana na teke kegra haghe na. Naꞌa thuru pari ka glose na, eghuteuna theo kaisei mae nabagna te mala toghoni naꞌa te mala ke kegra haghe na.”

Nodi Khoje Hatimare Mae Jiu 52:5

Nu God ginauna na tapla soru nigho mala theome tangomana iagho teke kegra haghe na. Mana ginauna na loku famaku nigho, nei na khi fajifla nigho ka nou suga na. Eghuteuna mana ginauna na koko soru nigho kau namonodi iheire te au ka glehe ra.

Ululahu Samuel 26:10

Te chekeni iara ka iagho na, Lord mae ihei te karha te tifa na ngala nate laseni narane nate lehe mana na, ka vido te kuekuꞌe ba ka vido te tei mana ka magra.

Nodi Khoje Hatimare Mae Jiu 7:16

Eghume, najafra teke eni mare igne ginauna nake figri ka thedi. Eghuteuna magra teke eni mare ranghidi keha naiknore igne ginauna jaola nake figri neke fakokhoanadi kolho thedi.

Nogna Buka Esta 7:10

Aonu mare ne fagefe hagheni mae Haman ka gaju teke lisei haghe mana malagna mae Modikae teku igne. Kate eni te gnafa mare igne diꞌatagna mae king na ne hui.

Mae Khuru 12:23

Eghuteuna mae Herod ne snakredi naiknore mala cheke fakelini thegna kolho nei theome cheke ranghidi mala kilo fnaknoni God. Aonu kaisei engel nogna God ne fafograni mae Herod. Eghuteuna momogo ikodi ne ghamu ka thinigna mana na ne ghilei lehe.

Profet Emos 8:14

Iheire ka ghotilo te nhaꞌa cheke ka nanghagna nodi god maedi Samaria igre, te cheke eghu na, ‘Iara nhaꞌa cheke ka nanghagna mumuju god gna Dan’ ba cheke eghu, ‘Iara nhaꞌa cheke ka nanghagna mumuju god gna Bereseba teuna,’ mare ginauna mala kafe lehe.”

Ululahu Samuel 31:4

Aonu mae Sol ne cheke eghu ka mae majaghani te pala nogna glepo mala magra mana re, “Iagho atha nou naflahi mala magra na mala aknu falehe ghaula iara. Theome keli te au teu iara agne te mei mae bongihehedi Filistia igre te mei maꞌe ghau nei falehe ghau teu iara na.” Nu mae majaghani igne ne thono mhaghu nogna fara, ne theome leghuni unha te chekeni mana na. Aonu mae Sol ne korho fajifla nogna naflahi mala magra thegna na ne uka soru ke kligna gna ne lehe.

Nodi Khoje Hatimare Mae Jiu 34:21

Naikno te diꞌa na faleheni thegna ka puhi te diꞌa teke edi thegnare. Eghuteuna jame ihei te tirognadi nogna naikno Lord re naikno tuana ginauna au papara fara!

Nodi Khoje Hatimare Mae Jiu 79:12

Lord, naiknodi keha kantri are cheke fadiꞌa nigho iagho. Paradi fabrahu sagho eidi cheke te diꞌa tuare.

Proveb 6:15

Nu hoholo biꞌo ginauna megei nga thokedi mare, eghuteuna mare ginauna lehe eidi.

Proveb 24:22

Phiamare ginauna ghosei ei puhi biꞌo kolho ka mare. Eghuteuna iagho theome laseni unha nafnata puhi biꞌo nate thoke mei na.

Profet Jeremaea 8:4

“Lord ne cheke eghu, ‘Jeremaea, iagho tei toutonu cheke igne ka naiknore, Iara Lord te chekeni igne. “ ‘Jame ihei te uka na, mana tangomana teke kegra haghe na. Eghuteuna jame ihei te snivi na, mana tangomana teke figri teke deni nabrou na.

Profet Jeremaea 18:17

Iara ginauna snakredi hatimare mae naoka mala ngolhi tafridi nogu naikno iara re, jateula nuri biꞌo te mei ke maghati te flalo te tei chara ra eghu. Kate thoke mei puhi biꞌo igne ka mare na, iara ginauna figri lao thagrugu na, eghuteuna tirogu toghodi mare.”

Jenesis 19:35

Aonu ka grafi igne repa neke fakoꞌuni mae kmadi na ne dranga fara, eghuteuna gaꞌase ke iko na tei ne thuru balugna mana. Mana ne dranga fara jateula teke eni ulu lahu ia neu ne theome laseni unha te eni thugna gaꞌase na ka mana na.

Naba 32:23

“Nu jame te theome edi ghotilo na, ghotilo jateula te eni puhi te diꞌa ranghini Lord eghu. Eghuteuna ghotilo jaola thofno laseni eigna Lord te ginau para ghami ka puhi te diꞌa te edi ghotilo re.

Proveb 13:21

Puhi biꞌo leghuni naikno te diꞌa na. Nu nakarha te keli na leghuni naikno te doglo na.

Profet Esikiel 7:5

Lord neke cheke eghui, “Puhi biꞌo! Puhi biꞌo la mei, nafnata glepo teke theome filoni kaisei naikno tifa na la mei!