Proveb 21:25 - Buka Blahi Ka Cheke Holo

²⁵ Naikno te thodo na magnahaghei glepo fara, nu naugna te thodo loku mana na, mana ginauna lehe.

Proveb 21:25 Referans Kwoze

Proveb 13:4

Mae te loku heta na, mana na hata unha te magnahagheni mana na. Mae te thodo na, mana theome tangomana te hata unha te magnahagheni mana na.

Proveb 12:24

Mae ihei te loku heta na, mana ginauna kaisei mae mala baubatu. Nu mae ihei te thodo fara na, mana mala kaisei mae gloku kolho.

Matiu 25:26

“Nogna mae funei na ne cheke eghu ka mana, ‘Ghema, iagho kaisei mae gloku diꞌa fara, nei mae thodo eghu! Uve, te chekeni iagho ia, iagho lase ghauhi iara ne jateula kaisei mae te rouronu te mala tei hata gano ka nagare aheva teke theome joꞌu thegna teuna.

Proveb 26:16

Gaoghathogna mae te thodo na, nogna glalase na ne uludi fitu mae te cheke tughudi thua nafnata faghusna ra eghu.

Proveb 19:24

Neuba mae te thodo na ne nhaꞌa gano ka tapera na, mana theome tangomana te nhaꞌa lao gano ka foflogna na.

Proveb 15:19

Nakarhagna mae te thodo na jateula mae te tei ka nabrou te soro ra eghu. Nu nakarhagna mae te doglo na jateula mae te tei ka nabrou biꞌo ra eghu.

Proveb 12:27

Mae te nolo tafri kolho te theome loku na, mana ginauna na theo kaisei nogna glepo. Nu mae te loku na, mana ginauna au nogna kmana glepo.

Proveb 20:4

Naikno te thodo na theome loku ka nagare. Aonu kate hiro gano na, mana theome deni kaisei gano kolho.

Proveb 26:13

Naikno te thodo na cheke eghu, “Lion na au jare ka nabrou na! Lion na au jare ka nabrou na! Naꞌa magnahaghei te ghamu ghau iara!”

Proveb 22:13

Mae te thodo na fiti au kolho lamna suga, cheke eghu, “Jame kaisei lion na au jare ka nabrou na. Glahu tei iara nu falehe ghau naꞌa eghu.”

Josua 7:3

mare neke pulo mei ka mae Josua, ne cheke eghu ka mana, “Theome nabada tahati te kafe tei magra ka namono Ai. Mare theome kmana kolho. Te keli na iagho kurudi kolho phei ba thilo thogha soldia mala tei magra.”