Proveb 20:13 - Buka Blahi Ka Cheke Holo

¹³ Te thuru fabrahu iagho na, iagho ginauna kuma. Nu jame te dofra te loku iagho na, iagho ginauna au kmana gano.

Proveb 20:13 Referans Kwoze

Proveb 19:15

Naikno te thodo te thuru fabrahu ka suga na ginauna theo gano.

Letas Teke Riso Tei Mae Pol Ka Khiloau Rom 12:11

Thosei thodo kate loku ranghini God na, nu taji fakeli ghami themi mala au heta fabrahu ka nomi fatutuani. Uve, loku ranghini Lord ka nagnafami fateo.

Proveb 12:11

Mae ihei te loku heta ka nagare na, mana ginauna au ghegna kmana gano. Nu mae te theome gaoghatho fakeli na, mana ginauna na fiti loku heta ka thua nafnata gloku nate theome toghoni mana na.

Proveb 10:4

Mae te thodo na, ginauna kuma. Mae te sasaꞌa na, ginauna dedei.

Proveb 13:4

Mae te loku heta na, mana na hata unha te magnahagheni mana na. Mae te thodo na, mana theome tangomana te hata unha te magnahagheni mana na.

Fapea Tesalonika 3:10

Kate au balumi ghotilo ia, ghehati neke cheke eghu ka ghotilo, “Jame ihei te tirogna loku na, ghotilo thosei faghamuni.”

Letas Teke Riso Tei Mae Pol Ka Khiloau Rom 13:11

Iara chekeni ka ghotilo eigna nabrou te doglo te mala karha na, naugna ghotilo laseni tahati gognaro na au ka narane te ulu tulao. Uve, gognaro na thokeni narane te mala dofra fakeli tahati na jateula iheire te theome thuru. Naugna gognaro na la namo fara te mala mei God te mala fakarhi ghita na, uluni narane teke funu fatutuani tahati ia.

Profet Jona 1:6

Kate filoni mana na, kapten ne cheke eghu fabiꞌo ka mana, “Sei! Thuru unha sagho ia? Dofra, tarai balu eha fabiꞌo ka nou god na! Glahu kokhoni ghita mana, eghuteuna tahati ginauna theome lehe.”

Ululahu Korin 15:34

Ghotilo mala ke funu ghaoghatho fakeli, eghuteuna ghotilo mala thosei ke edi puhi te diꞌare. Keha ka ghotilo, mare theome laseni God, eghuteuna iara chekeni igne mala mamaja ghotilo.

Proveb 20:14

Kate foli mana kaisei glepo na, mana na khuru cheke fara gna glepo te haghe fara igne. Nu kate folini na, mana ne cheke fahaehagheni fara eigna glepo igne ka mae kheragnare naugna ne pari fara foli gna na.

Proveb 28:19

Ihei te loku heta ka nagare na, ginauna au ghegna kmana gano. Nu ihei te theome eni kaisei gloku na, mana ginauna kuma fabrahu.

Proveb 31:15

Naꞌa tangomana te dofra haghe hamerane boibongi mala tarabana gano malagna tharaknagna na, eghuteuna nhaꞌa soru gloku ka nogna gaꞌase glokure.