Proveb 19:21 - Buka Blahi Ka Cheke Holo

²¹ Naiknore tangomana te gaoghatho te mala edi kmana nafnata glepo. Nu glepo te ghathoni Lord mala eni teu igne ngala nate kegra na.

Proveb 19:21 Referans Kwoze

Proveb 16:9

Tahati tangomana te ghathoni unha te magnahagheni na. Nu Lord saghe leghudi puhida tahati re.

Profet Isaia 14:24

Lord mae ihei te au nolaghi fateote'o igne ne eni kaisei nhaꞌa cheke, ne cheke eghu, “Glepo teke ghathoni iara igne ginauna thoke mei tutuani fara!

Proveb 16:1

Naikno na tangomana te ghaoghaho ka nagnafagna na. Nu Lord kolho tangomana te chekeni uve teuna.

Profet Isaia 46:10

Funu tifa te mei na, iara neke chekedi unha nate thoke mei na. Funu tifa na iara neke chekenihi unha nate thoke mei ke leghu na. Uve, nogu gaoghatho iara na ginauna thoke mei tutuani, eghuteuna iara ginauna edi unha glepo te magnahaghedi iara re.

Proveb 21:30

Gaoghatho te keli, nei glalase te keli eghuteuna iagho laseni puhi te keli te mala horo glepo na teuna, igne theome naba te mala togho nigho kakatha na, jame te naoka iagho ka Lord na.

Efesus 1:11

Gobigna lepo igre God neke edi leghuni nogna gaoghatho nei glalase teu thegna na. Mana ne leghuni nogna gaoghatho thegna na neke vahi ghita tifa mala nogna naikno Kraes.

Thoutonu Eigna Mae Job 23:13

“Mana theome tangomana teke tughu na, eghuteuna theo kaisei naikno tangomana teke tughu gaoghathogna mana na. Eghuteuna theo kaisei naikno tangomana te lhotini ka mana unha te magnahaghei eni mana na.

Proveb 21:1

Lord na batuni khoꞌu na mala tei ka vido aheva te magnahagheni mana na. Jateula tuana eghu, mana batuni gaoghathogna mae funei na.

Eklesiasti 7:29

Igne ngala unha te laseni iara na, God neke toghodi naiknore mala doglo, nu tahati leghudi kolho thua nafnata puhi te diꞌa re.

Profet Daniel 4:35

Naikno te gnafa ka nauthoglu igne theome glepo ulu ka tathagna mana na. Tothoghei engel te gnafa te au kligna nei naikno te gnafa te au ka nauthoglu pari igne au kolho ke parigna nogna nolaghi mana. Theo kaisei naikno ka nauthoglu igne te kegra fothini mana na, jaola theo kaisei naikno tangomana te ghusna eghu ka mana na, ‘Unha gne te eni iagho na?’

Nodi Khoje Hatimare Mae Jiu 21:11

Mare na edi keha gaoghatho te diꞌa te mala goigoni nigho iagho na. Nu mare ginauna theome tangomana di kolho eghu.

Ululahu Pita 2:8

Eghuteuna ka keha grioriso te blahi na cheke eghu, “Naiknore ginauna totokhei ka thina igne. Eghuteuna mare ginauna na uka ka thina igne.” Mare uka naugna mare ne theome leghuni unha te chekeni God na. Igne unha te ghathoni God te maladi mare na.

Jenesis 50:20

Tutuani, ghotilo neke au nomi gaoghatho nheta teke mala goigoni ghau iara na. Nu God neke snakreni ka ghotilo puhi igne, naugna mana neke eni gaoghatho igne mala toghodi naikno te kmana re mala theome lehe ka rofo.

Proveb 12:2

Lord na kelitagna fara te toghoni mae te leghuni puhi te doglo na. Nu parani mae te ghaoghatho te mala eni puhi te diꞌa na ka keha naiknore.

Letas Teke Rioriso Mae Jud 1:4

Iara chekeni igne ka ghotilo naugna keha naikno te tirodi leghuni God re poru la ruma meihi ke lamna khiloau. Naikno igre cheke fadiꞌani koba chekegna God na. Mare chaghi nei cheke eghu koba, “Neubane edi tahati puhi te diꞌare, theome fadiꞌa ka God naugna God namha ghita fara.” Eghuteuna mare tirodi fatutuani ni noda funei kaisei ngala mae Jisas Kraes. Nu tifa na hatimare mae profet neke kulu chekenihi u fate biꞌo nate thoke mei ginau ka nafnata naikno igre.

Nogna Buka Esta 9:25

Nu kate nomhini King gaoghatho te diꞌa te eni mae Haman igne, mana neke fatei cheke ka nogna kantri na. Eghuteuna gaoghatho te diꞌa teke eni mae Haman ranghidi mae Jiu gre igne neke figri ka thegna. Aonu mare ne fagefe hagheni mana baludi nabotho mae thugnare ka gaju na.

Nodi Khoje Hatimare Mae Jiu 83:4

Hatimare mae naoka gre cheke eghu, “Ari si tahati mala goigoni tahati nodi kantri mare tuana! Uve, mala theo kaisei naikno te ghathoni Israel gne!”

Proveb 19:22

Naiknore magnahaghedi keha naiknore te mala thofno leghuni unha teke nhaꞌa cheke ni na. Tutuani, jame te mae keli mae te kuma na, mana ginauna uluni mae te chaichaghi na.

Profet Jeremaea 44:29

“ ‘Iara ginauna tusu ari ka ghotilo kaisei fagaglana mala laseni ghotilo nate para ghami iara agne na.’

Fapea Samuel 17:14

Aonu mae Absalom baludi mae soldia di Israel gre ne nomhini igne ne cheke eghu, “Nogna cheke mae Husae igne thofno keli fara salaꞌuni nogna cheke mae Ahitofel tuana.” Mare ghaoghatho eghu naugna Lord la au nogna gaoghathohi te mala goigoni ni nogna gaoghatho keli mae Ahitofel igne mala thoke mei puhi biꞌo ka mae Absalom.

Profet Esikiel 20:32

“ ‘Ghotilo cheke eghu koba, “Ghehati magnahaghei te jateula naiknodi keha kantri te tarai ka gaju nei ka thina teu are.” Nu unha te ghathoni ghotilo igne, ginauna theome tangomana nate thoke mei na.