Proveb 19:18 - Buka Blahi Ka Cheke Holo

¹⁸ Farirhiuni thumu na mala leghuni puhi te doglo na. Thosei lisa laoni mala faleheni thegna ka puhi te diꞌa.

Proveb 19:18 Referans Kwoze

Proveb 13:24

Mae te theome purini thugna na, mana theome namhani thugna na. Nu mae te namhani thugna na, mana farirhiuni thugna na.

Proveb 29:15

Jame te fadoglini iagho sua na te purini na, sua igne ginauna hata gaoghatho te keli nei glalase eghu. Nu sua te theome fadoglini na, ginau famamajani idogna na.

Proveb 22:15

Gaoghatho fameomekro na fodu ka thiꞌagna sua na, nu te keli na puphuri ngala mala gnafa nafnata gaoghatho te fameomekro tuana.

Proveb 29:17

Jame te fadoglini iagho thumu na, iagho ginauna au blagna nei glealeꞌa eghu.

Proveb 19:19

Mae te ghosei te diꞌatagna na, mana ginauna au ka puhi biꞌo fabrahu. Jame te ghosei te fadoglini iagho puhi biꞌo igne na, iagho ginauna eni fabrahu igne.

Diutronomi 21:18

Mae Moses ne cheke eghu, “Jame kaisei mae au kaisei thugna mae ihei te theome leghudi idogna kmagna re, neuba repa ne purini ngau mana.

Proveb 25:28

Iagho theome tangomana te saghe leghu nigho themu kate diꞌatamu na, te eghu iagho na, iagho jateula kaisei namono te theome bara te ligoho ka thina ia eghu.