Proveb 18:18 - Buka Blahi Ka Cheke Holo

¹⁸ Jame te theome tangomana kot te fadoglini fapholai farihoteidi phei mae biꞌo igre na, kot tangomana te lalahu khale mala laseni ihei te uluni fate na.

Proveb 18:18 Referans Kwoze

Proveb 16:33

Mae te lalahu khale te mala laseni unha te mala eni na teuna. Nu cheke tughugna na mei funu ka Lord.

Nehemaea 11:1

Aonu ka narane igre, mae lida di Israel igre mei ne au Jerusalem, eghuteuna keha naiknore ne lalahu khale mala laseni gaoghathogna God na, tharakna aheva gne nate tei au ka namono blahi igne. Ka nabotho tharakna igre, mare vavahi kaisei tharakna mala tugha tei ka namono, eghuteuna keha nhevai tharakna re au kolho ka nodi namonore.

Ululahu Kronikols 24:31

Mae biꞌodi tharakna te gnafa nei thabusidi mare te majaghani igre eghu ne lalahu khale mala laseni nodi gloku mae igre jateula te edi mare ka kheradi pris ka tharaknagna mae Eron tifa ra. King Devet, Pris Sadok, Pris Ahimelek, nei mae biꞌo ka tharaknadi hatimare mae pris, nei hatimare mae Livaet, mare te gnafa na ne filoni te lalahu khale mare igne.

Ululahu Kronikols 6:63

Eghuteuna mare neke lalahu khale neke tusu lao nabotho phei namono ka vikegna mae Merari. Namono igre au ka nodi vido glose mae igre: mae Ruben, mae Gad, nei mae Sebulun.

Ululahu Samuel 14:42

Eghuteuna mae Sol ne cheke eghu ka mae pris, “Iagho hironi mae ihei ka ghepa te eni glepo te diꞌa igne.” Eghuteuna Lord ne falaseni mae Jonatan.

Josua 14:2

Mare ne fofota glose igne leghui unha teke chekeni Lord ka mae Moses tifa na. Mare ne lalahu khale mala laseni vido glose aheva Lord nate snakre lao ka nheva vike mare igre, baludi keha vido vikegna mae Manase, te theo kaisei nodi vido glose.

Proveb 18:17

Kate kegra kaisei mae te cheke ka fate na, keha naiknore te ghathoni na ne ginau uluni mana fate gne eghu. Nu kate ghusnani mare mala lase fakelini cheke igne teuna, mare theome laseni ihei te uluni fate igne.

Proveb 18:19

Ninhigrana fara te tei namo ka mae thabusigna te diꞌatagna ka iagho na, naugna mana jateula namono biꞌo te bara te lithui ka thina ra eghu. Nogna fapholai mana igne jateula grengatha aean te loki mare ra eghu.

Ululahu Samuel 14:41

Eghuteuna mae Sol tarai ne cheke eghu, “Iagho nodi Lord God mae Israel, iagho cheke tughu fadoglo mei ka iara.” Eghuteuna cheke tughu te mei na, king ghe mae Jonatan te eni na glepo igne, nu mae soldia gre mare doglou kolho.