Proveb 16:1 - Buka Blahi Ka Cheke Holo

¹ Naikno na tangomana te ghaoghaho ka nagnafagna na. Nu Lord kolho tangomana te chekeni uve teuna.

Proveb 16:1 Referans Kwoze

Proveb 19:21

Naiknore tangomana te gaoghatho te mala edi kmana nafnata glepo. Nu glepo te ghathoni Lord mala eni teu igne ngala nate kegra na.

Proveb 16:9

Tahati tangomana te ghathoni unha te magnahagheni na. Nu Lord saghe leghudi puhida tahati re.

Filipae 2:13

God na loku balumi ghotilo nei togho ghami ghotilo eghu naugna mana magnahaghei te edi ghotilo unha te magnahaghedi thegna re.

Proveb 20:24

Lord na lasedihi puhidi naikno te gnafa re. Nu theo kaisei naikno te thofno laseni nakarhagna thegna na.

Profet Jeremaea 10:23

Lord, te laseni iara na, theo kaisei naikno ka ghehati te naba te mala batu ghami te mala leghuni nabrou te magnahagheni ghehati na.

Proveb 21:1

Lord na batuni khoꞌu na mala tei ka vido aheva te magnahagheni mana na. Jateula tuana eghu, mana batuni gaoghathogna mae funei na.

Nodi Khoje Hatimare Mae Jiu 119:36

Togho ghau iara sagho mala sasaꞌa iara te leghudi nou farirhiu iagho re, ke kelignai te magnahaghei glepo kmana iara na.

Eksodas 4:15

Iara ginauna togho ghami ghopa mala cheke, eghuteuna iara ginauna fagriu ghami unha te mala eni ghopa na. Iagho ginauna chekedi cheke igre ka mana, iagho jateula God eghu ka mana. Eghuteuna Eron ginauna mala cheke ka naiknore tughu nigho iagho, mana mala jateula foflomu eghu iagho.

Esra 7:27

Aonu Pris Esra ne cheke eghu, “Tahati cheke fakelini Lord nodi God kuꞌeda tifa ra! Mana loku ka gaoghathogna king, mala ghatho tahuni king nogna Sugablahi Lord Jerusalem.

Nodi Khoje Hatimare Mae Jiu 10:17

God, iagho ginauna na fanomho ka nou naikno tela goigonidi mare igre, iagho ginauna fameomegodi mala ke keli nagnafa fapulo mare.

Nehemaea 1:11

Lord, fanomho ka nogu tharai iara gne nei ka nodi tharai nou naikno gloku iagho te magnahaghei ghatho tahuni nanghamu iagho gre. Togho ghau gognarogne, mala tangomana king te kokhoni ghau iara na, nei mala eni mana unha te toreni iara na eghu.” Ka narane tuare, iara kaisei nogna mae biꞌo king mae ihei te rouronu ghau iara fara, eghuteuna iara thegu kolho te tangomana te reireghidi ghegna waen mana re.

Fapea Kronikols 18:31

Aonu kate filoni King Jehosafat igne, nogna komanda king gna Siria igre gaoghathodi mare na ne king gna Israel neu nodini ne tei magra ka mana. Nu King Jehosafat ne eha fabiꞌo ka Lord, eghuteuna Lord ne toghoni mana. God brue teidi mare ne tei kokoni mana.

Fapea Korin 8:16

Ghehati tegio ka God naugna mana ne snakreni mae Taetus u nagnafa namha jateula ghehati teu te togho ghami ghotilo.

Proveb 15:33

Mae te ghatho tahuni Lord na, mana leghuni nabrou te mala hata famane gaoghatho te keli nei glalase. Te theome nhaꞌa fapari nigho iagho themu na, iagho na theome fnakno nanghamu na.

Fapea Samuel 7:5

“Iagho tei cheke eghu ka mae Devet, nogu mae gloku iara ia, ‘Theome iagho mae ihei te mala horo nogu suga iara na.

Thoutonu Eigna Mae Job 17:11

Nogu narane iara re la salaꞌuhi. Nogu grouronu iara re la dofidi. Eghuteuna nagnafagu iara na theome glealeꞌa.