Proveb 14:11 - Buka Blahi Ka Cheke Holo

¹¹ Nogna suga ihei te diꞌa puhigna na ginauna groꞌe theo tokagna. Nu nogna suga ihei te keli puhigna na ginauna kegra maku fabrahu.

Proveb 14:11 Referans Kwoze

Proveb 3:33

Lord snakreni hoholo na mala thokeni tharakna gna mae te diꞌa na, nu mana fablahi ni tharakna gna mae te doglo na.

Proveb 12:7

Mae te diꞌa te gnafare ginauna ari dofidi, na theo kaisei te au faleghu na. Nu mae te keli te gnafare ginauna au fabrahu, eghuteuna vikedi mare igre ginauna vuragha.

Profet Sekaraea 5:4

Igne unha te chekeni Lord mae ihei te au nolaghi fateote'o. Mana ne cheke eghu, ‘Iara ginauna fatei cheke ka sugadi mae mala blau, nei ka sugadi mae ihei re te chaichaghi kate nhaꞌa cheke. Eghuteuna puhi biꞌo igne ginauna goigoni thaba te gnafa nei thina ka suga igre, ghilei thono diꞌa fara.’ ”

Proveb 21:12

God mae ihei te doglo fara na filo glanidi naikno te diꞌare, eghuteuna mana ginauna paradi mare.

Thoutonu Eigna Mae Job 21:28

Ghotilo ghusna eghu fabrahu, ‘Aheva si namono gna mae biꞌo na ia? Aheva nogna suga tapuale mae te diꞌa na?’

Proveb 21:20

Mae te autagna gaoghatho te keli na au kmana glepo ka suga na, mae te fameomekro na fahuhui gobigna lepore.

Proveb 11:28

Ihei te rouronu kolho ka sileni na, mana ginauna gnhagha jateula buburu eghu. Nu nakarhagna ihei te doglo na ginauna jateula khakla gaju te karha keligna ia eghu.

Thoutonu Eigna Mae Job 8:15

Kate rouronu mana ka nogna gobigna lepore te mala sekuriti ni nogna suga na, mana jateula te gefe teu ka gnarho ka sugagna khakafre na te ghilei khusu eghuteuna uka teura eghu kolho.

Nodi Khoje Hatimare Mae Jiu 128:3

Khetomu iagho na ginauna jateula gaju te ure sisi ia eghu na au kmana thugna, eghuteuna goro sua igre ginauna na jateula gaju ikodi te kotu faligohoni pesigna gaju biꞌo na ia eghu na gnokro faligohoni tevo na balumu iagho.

Thoutonu Eigna Mae Job 18:21

Puhi biꞌo ginauna thokeni naikno te diꞌa igne. Uve, mare ginauna cheke eghu, ‘Igne namonodi iheire teke tirodini God ra.’ ”

Thoutonu Eigna Mae Job 15:34

Kheragna mae ihei te theome fatutuani ka God na, mana ginauna theo thugna. Eghuteuna khaꞌaghi ginauna goigoni nogna suga mae ihei te magnahaghei chaghidi naiknore ka sileni.

Thoutonu Eigna Mae Job 8:6

Eghuteuna jame te keli nei doglo teu nakarhamu iagho na, mana ginauna funu togho nigho. Eghuteuna gobigna lepo teke kulu au ka iagho re, mana ginauna nake tusu fapulo ka iagho.

Proveb 15:25

Lord ginauna roꞌeni nogna suga mae ihei te nheta nei te fafnaknoni nanghagna thegna na. Nu mana ginauna toghoni naikno biꞌo tela lehehi khetogna na.

Thoutonu Eigna Mae Job 8:22

God ginauna famamajadi nou naoka iagho re, eghuteuna mana ginauna goigoni fahui nodi namono naikno te diꞌa re.”

Nodi Khoje Hatimare Mae Jiu 37:10

Mae te diꞌare na theome raugha dofidi. Iagho ginauna na hirodi mare ka vido aheva teke au dire na, nu iagho ginauna na theome tangomana te filodire.