Proveb 13:20 - Buka Blahi Ka Cheke Holo

²⁰ Te fofodu balugna mae te autagna gaoghatho te keli na, iagho ginauna hata gaoghatho te keli. Nu te fofodu balugna mae te fameomekro na, iagho ginauna au papara.

Proveb 13:20 Referans Kwoze

Proveb 15:31

Mae te fanomho fakeli ka cheke te mala fadoglini mana teuna, mana kaisei mae glalase fara.

Proveb 9:6

Lilisei puhimi te fameomekro are leghuni puhi te doglo na, ghotilo ginauna hatini u nakarha na.”

Thakle 18:4

Aonu iara ne nomhini keha cheke na ne cheke eghu mei funu kligna, “Ghotilo nogu naikno iara ra, jifla Babilon! Naugna iara theome magnahaghei ghami ghotilo te gnognoro jateula te edi naikno igre eghu. Iara theome magnahaghei te para ghami ghotilo jateula naꞌa eghu.

Nodi Khoje Hatimare Mae Jiu 119:63

Iara kaisei loku fodu baludi iheire te ghatho tahu nigho re, nei iheire te leghudi nou famane cheke iagho re.

Hibru 10:24

Tahati mala ghaoghathodi koba unha te mala faheta ghita theda kau namha nei gloku te keli.

Profet Malakai 3:16

“Ke leghu na, naikno te ghatho tahuni Lord igre ginau cheke fari thedi, eghuteuna Lord ginauna fanomho ka unha te chekedi nogna naikno te ghatho tahuni Lord igre, nei mhaghu teu igre ginauna rioriso soru ka buka mala ghathodiu.

Mae Khuru 2:42

Eghuteuna naikno igre ne keli tadi fara ne fanomho fabrahu ka nodi farirhiu hatimare mae khuru, nei mala toghodi mare ka nodi tothoghei thedi na, nei ghamu fodu, nei tarai fodu.

Ululahu Kings 12:8

Nu mae Rehoboam ne tirogna fanomho ka nodi cheke goro mae biꞌo igre, aonu mana tei ne filodi goro mae majaghani teke biꞌo haghe balugna te loku ranghini igre.

Proveb 7:27

Nabrou te tei ka sugagna naꞌa na tuana nabrou biꞌo te soru ka beku na.

Ululahu Kings 12:10

Eghuteuna mae majaghani igre ne cheke eghu ka mana, “Iagho cheke eghu ka naikno te cheke eghu ka iagho igre, ‘Kmamu iagho King Solomon ia neke huhuru ghami ghehati neke loku heta fara, nu jame te keli na iagho ke edi glepo te tahu fara igre ke roi bligi kakatha ka ghehati.’ Nu cheke te mala chekeni iagho ka mare na igne, ‘Kmagu iara na kaisei mae nheta, nu geghesugu iara te ikoi igne nheta salaꞌuni mana.

Fapea Kronikols 19:2

Ka narane tuana kaisei profet, nanghagna na mae Jehu thugna mae Hanan, mana tei ne thafoni King Jehosafat, ne cheke eghu ka mana, “Ba? Ka gaoghathomu iagho na, puhi doglo te tei toghoni iagho mae te diꞌa na nei fofodu balugna mae ihei te tirognani Lord na teuna? Uve, Lord na diꞌatagna fara ka iagho eigna glepo igne!

Ululahu Kings 22:4

Aonu mana figri ka mae Jehosafat ne ghusna eghu ka mana, “Ba, iagho tangomana te tei balugu iara te mala magra ka king gna Siria jare Ramot-Gilead na?” King Jehosafat ne cheke eghu ka mana, “Uve, iara tarabana fabrahu ngala baludi nogu soldia nei nogu hose teu igre mala tei baludi nou soldia iagho re.

Ululahu Kings 22:32

Aonu kate filoni mae komanda igre te mei mae king Jehosafat te pipichi ka famane pohe na, mae te magra ka hose igre gaoghathodi na jame igne ngala mae king gna Israel na neu ne tei magra ka mana. Nu King Jehosafat ne eha fabiꞌo,

Fapea Kronikols 10:8

Nu mae Rehoboam ne tirogna nomhidi nodi advaes goro mae biꞌo igre, aonu mana tei ne filodi bukrei mae majaghani teke biꞌo haghe balugna re.

Fapea Kronikols 22:4

ne eni puhi te diꞌa na ka tathagna Lord, jateula teke edi vikegna Ehab ra neu. Vikegna King Ehab igre ne farirhiuni mana mala leghuni mana puhi te diꞌa na.

Proveb 13:19

Thofno keli fara te hata unha teke ghathoni na. Nu mae te fameomekro na tirogna koko puhi te diꞌa na.

Proveb 14:7

Iagho au fadelei ka naikno te fameomekro tuana, naugna iagho ginauna na theome filoni kaisei glepo te keli ka mana.

Proveb 22:24

Iagho thosei fren ka mae te diꞌatagna fara na, eghuteuna iagho thosei au balugna mae te ghosei te diꞌatagna na.

Proveb 22:25

Glahu khasi nigho puhigna mana na, eghuteuna khale tagna jateula phighoro eghu.