Proveb 12:13 - Buka Blahi Ka Cheke Holo

¹³ Mae te diꞌa na khale ka nogna cheke thegna te diꞌa na. Nu puhi biꞌo na theome thokeni mae te doglo na.

Proveb 12:13 Referans Kwoze

Proveb 21:23

Ihei te ghaoghatho fakeli ka nogna cheke na barani thegna ka puhi biꞌo.

Proveb 11:8

Naikno te doglo na karha ka hoholo. Nu hoholo na thokeni naikno te diꞌa na.

Nodi Khoje Hatimare Mae Jiu 64:8

God ginauna paradi mare eidi nodi cheke mare te diꞌa tuare. Iheire te filodi mae igre na mare ginauna maꞌedi mare.

Profet Daniel 6:24

Aonu mae king ne cheke ka nogna mae glokure mala hata meidi mae iheire teke fateni mae Daniel ra. Aonu mare hata ne mei mae igre baludi khetodi nei thudi teure mala koko soru ka khora lion igne. Naikno igre theome tei thoke neu pari ne hui ka lion.

Proveb 6:2

Nou nhaꞌa cheke iagho themu igne ginauna fakhale nigho iagho jateula phighoro teke eni kolho iagho ia eghu.

Fapea Pita 2:9

Thoutonu igre falalase ranghi ghita Lord ginauna fakarhidi iheire te fatutuani ni mana kate thoke meidi hoholo. Nu iheire te theome doglore, Lord ginauna paradi ghilei thokeni narane te mala fatedi naikno te gnafare.

Eklesiasti 7:18

Te keli na iagho famane ghaoghatho fakeli eidi phei farirhiu igre. Jame te ghatho tahuni iagho God na, iagho ginauna thofno keli fara.

Matiu 27:25

Naiknore ne kafe cheke eghu ka mana, “Uve, glehegna mae igne nomi puhi ghehati themi nei vikemi ghehati ginaure eghu!”

Proveb 15:2

Nogna cheke mae ihei te autagna gaoghatho keli na, tufa glalase ka naiknore. Nu nogna cheke mae te fameomekro na, theo nafugna kolho.

Nodi Khoje Hatimare Mae Jiu 34:19

Kmana glepo te diꞌa thoke mei ka nogna naikno Lord re, nu Lord na toghodi mala theome tangomana glepo te diꞌa igre te tapla sorudire.

Nodi Khoje Hatimare Mae Jiu 5:6

Iagho tapla sorudi nafnata naikno te cheke chaichaghi re. Eghuteuna iagho tiroudi naikno te falehe porudi keha naiknore, ba naikno te maomajora.

Ululahu Kings 2:23

Aonu King Solomon ne nhaꞌa cheke ka nanghagna Lord ne cheke eghu, “Naugna mae Adonaeja te toreni glepo igne, mana mala lehe! Jame te theome eni iara igne na, God ginauna tangomana te falehe ghau iara na.

Fapea Samuel 4:9

Nu mae Devet ne cheke eghu ka phiamare thabusigna igre, mae Rekab ghe mae Bana, “Ka nanghagna Lord, mae ihei te karha te tifa, nei hata fajifla ghau iara ka puhi te biꞌo igre, iara cheke kate tutuani fara ka ghopa.

Jenesis 48:16

Iagho neke thakle ka iara jateula kaisei engel neku neke fakarhi ghau iara ka hoholo ra. Gognaro gne iagho fablahidi phei mae sitei igre. Iagho mala jaola mala fablahidi thudi phia mare re mala kaisei vike biꞌo fara ginauna. Mare ginauna mala theome ghatho ihoni nanghagu iara na, nei nanghagna mae Ebraham nei nanghagna mae Isak.”

Nodi Khoje Hatimare Mae Jiu 59:12

Nakhibo na au fabrahu ka foflodire eigna nodi chekere thono diꞌa fara. Te keli na nodi puhi fahaehaghe thedi tuare mala ke fakokhoanadi kolho thedi. Eigna mare tibri ghami ghehati na nei chaichaghi koba eghu.

Proveb 18:21

Glapi na tangomana te falehe nigho ba fakarhi nigho. Nu jame te reireghi fakelini iagho glapimu na, iagho ginauna na theome lehe.

Nodi Khoje Hatimare Mae Jiu 34:20

Lord na famane reireghi fakelidi thinidire, nei na theome snakreni kaisei nhubradi klopa na eghu na.

Nodi Khoje Hatimare Mae Jiu 59:13

Eghume te keli na iagho diꞌatamudi nei falehedi eghu. Fahui aridi sagho naikno te diꞌa tuare. Te eghu iagho na, naiknore ginauna laseni te iagho ngala God na, mae ihei te funei fruni ni Israel, nei nou nolaghi iagho na tei posa ka namono te gnafa ka nauthoglu igne.

Proveb 10:8

Naikno te autagna gaoghatho te keli na fanomho ka cheke na. Nu naikno te cheke fameomekro na, ginauna goigoni nakarha gna na.