Profet Jeremaea 1:2 - Buka Blahi Ka Cheke Holo

² God neke cheke ka mae Jeremaea ka fabotho thilo finogha te funei fruni king Josaea thugna mae Amon. King Josaea neke funei ka kantri Juda nabagna varadaki finogha.

Profet Jeremaea 1:2 Referans Kwoze

Profet Maeka 1:1

Igne nogna cheke Lord neke mei ka profet Maeka maegna ka namono Moreset. Lord ne falalase nogna cheke re ka mifi kate King Jotam, nei ka narane King Ehas, nei ka narane King Hesekaea, mae igre neke kafe king Juda. Mifi igre cheke eidi naikno gna namono Samaria, nodi namono biꞌo naiknodi Israel, nei naikno gna namono Jerusalem, nodi namono biꞌo naiknodi Juda.

Profet Jona 1:1

Lord ne cheke eghu ka mae Jona, thugna mae Amitai,

Profet Hosia 1:1

God ne cheke lao cheke igne ka mae Hosia, thugna mae Beri ka finogha te king mae Iusaea, nei mae Jotam, nei mae Ahas, nei mae Hesekaea ka kantri Juda. Ka finogha igre mae Jeroboam thugna mae Jehoas ne jaola ne king Israel.

Profet Jeremaea 1:11

God ne cheke eghu ka iara, “Jeremaea. Unha te filoni iagho gognarona?” Iara ne cheke eghu, “Iara filoni kaisei grege gaju te kiloi amon.”

Profet Jeremaea 1:4

Igne nonomho teke chekeni God ka iara na. Mana neke cheke eghu ka iara,

Ululahu Kings 13:20

Kate ghamu gnokro teu phiamare na, chekegna Lord na ne mei ka profet khuekuꞌe igne.

Profet Jeremaea 36:2

“Jeremaea, funu ka narane gna King Josaea te mei posa gognarogne, iara neke cheke ka iagho eidi phei kantri Israel ghe Juda baludi keha kantri igre. Gognarona iara magnahaghei nigho iagho te atha kaisei pepa brahu mala rioriso soru cheke te gnafa igre.

Profet Jeremaea 25:3

Lord cheke fabrahu ka iara ke lamnadi varadaki thilo finogha tela salaꞌu ari ra. Lord neke vahi ghau iara mala kaisei mae profet. Funu ka fabotho thilo finogha te funei fruni King Josaea, thugna mae Emon ka kantri Juda igre, iara toutonuni chekegna Lord na ghilei mei posa gognarogne. Nu leuleghu fata na ghotilo tiromi fanomho ka iara.

Fapea Kings 21:24

Nu naiknodi Juda igre tei ne aknu falehedi mae iheire teke aknu faleheni mae Amon, eghuteuna mae Josia thugna mana igne neke king tughuni mana.

Ululahu Kings 13:2

Eigna Lord ne diꞌatagna fara ka olta igne ne cheke ranghini mae profet igne mala tei cheke eghu mana. “Iagho olta! Igne unha teke chekeni Lord na, ‘Kaisei mae sua ginauna karha mei ka vikegna mae Devet, nanghagna na mae Josia. Mana ginauna hata mae pris teke fafara ke klignamu iagho ra mala falelehe ke klignamu iagho. Eghuteuna mana ginauna gahu nhubradi re ke klignamu iagho.’ ”

Fapea Kings 21:18

Kate lehe mana na, mare ne giugiluni mana ka nagare rhegna nogna suga na. Nagare igne mare kiloni, “Nogna Nagare mae Usa.” Eghuteuna mae Amon thugna mana na neke king tughuni mana.

Fapea Kings 22:3

Ke lamnadi nabotho nhana finogha te king mae Josia Juda igre, mana ne kiloni mae Safan, nogna sekretri na mala tei ka nogna Sugablahi Lord na. Mae igne thugna mae Asalia, thugna mae Mesulam. King ne cheke eghu ka mana,

Profet Jeremaea 3:6

Ka narane teke funei mae king Josaea ka kantri Juda igre, Lord neke cheke eghu ka iara, “Jeremaea, iagho la filodihi thua nafnata puhi te diꞌa te edi naiknodi Israel igre? Mae igre theome tajini nodi nhaꞌa cheke teke eni mare ka iara na, nei mare jaola tei koko ghau iara. Naikno igre tei tarai tafri ke kligna thogele te gnafa nei ke pari gaju jateula mae ihei te tolaghi pedo ra eghu.

Profet Jeremaea 28:12

Keha fata ke leghu gna te kina lopi mae profet Hananaea vido thaba ka grara gna profet Jeremaea na igne, Lord ne cheke eghu ka mae Jeremaea,

Profet Joel 1:1

Lord ne cheke ka mae Joel thugna mae Petuel.

Profet Sefanaea 1:1

Lord ne cheke ka mae Sefanaea ka narane te king mae Josaea, thugna mae Emon ka kantri Juda. Mae Sefanaea igne neke karha ka vikegna mae king Hesekaea. Mae Sefanaea gne thugna mae Kusi, eghuteuna mae Kusi gne thugna mae Gedalaea. Eghuteuna mae Gedalaea gne thugna mae Amaria, eghuteuna mae Amaria gne thugna king Hesekaea.