Nogna Buka Esta 1:10 - Buka Blahi Ka Cheke Holo

¹⁰ Ka fafitu narane na, king Sekses ne thofno keli tagna fara, naugna mana ne koꞌu waen ne salaꞌui. Aonu mana ne kilo meidi fitu nogna mae gloku igre: mae Mehuman, mae Bista, mae Habona, mae Bikta, mae Abakta, mae Seta nei mae Kakas.

Nogna Buka Esta 1:10 Referans Kwoze

Nogna Buka Esta 7:9

Eghuteuna kaisei mae, nanghagna na mae Habona, mana ne cheke eghu, “King, mae igne neke kulu tarabanahi kaisei gaju mala falehe naikno rhegna nogna suga na, brahugna gaju igne jame nabagna varadaki glima mita. Mana neke kulu eni igne malagna mae Modikae. Nu mae Modikae gne neke fakarhi nigho iagho ka mae Biktana ghe mae Teres ra.” Aonu king ne cheke eghu, “Uve, ghotilo hata gnarho mala haru graragna mae igne mala fagefe haghe ka gaju teke eni mana thegna tuana mala lehe mana jare!”

Jajis 16:25

Ka narane tuana, mae funei re ne glealeꞌa fara aonu mare ne cheke eghu, “Tei hata fajifla mei Samson ka sosolo, mala maꞌe nodani!” Mae funei igre hatani mana ne mei, eghuteuna mare maꞌe ne maꞌeni mana. Aonu, mare ne fakegra mana farihoteidi khegra biꞌo ke lamnagna nodi Sugablahi na.

Proveb 20:1

Mae te koꞌu kmana beer na ginauna eha tongana, cheke diꞌa nei magra eghu. Mae te snakreni beer na te funei fruni nakarhagna na, gaoghatho te keli na theome au ka mana.

Fapea Samuel 13:28

Mae Absalom ne cheke eghu ka nogna mae glokure, “Kate ghamu teu tahati na, ghotilo filo fakelini mae Amnon. Kate filoni ghotilo te koꞌu te salaꞌui mana na, iara na eni kaisei fagaglana ka ghotilo. Eghuteuna ghotilo tei mala faleheni mana. Ghotilo thosei nanga nomi. Naugna iara te cheke ghami ghotilo te mala faleheni mana na. Eghume ghotilo famamhaku nagnafami re mala thosei mhaghu!”

Jenesis 43:34

Hatimare mae gloku gre mei hata ghedi gano hatimare mae thabusigna gre ka tevo mae Josep na. Kate hata gano te mala faꞌimadi hatimare mae thabusignai igre na, mare hata fananaba kolho. Nu ghegna mae Benjamin na mare hata fabiꞌo fara naba te mala ima glima mae. Aonu mare ne ima nei ko'u nei glealeꞌa neu balugna mae Josep ne ghilei dranga.

Eklesiasti 10:19

Gano te keli na mala maꞌe naikno na, eghuteuna waen na mala fagleꞌa naikno, eghuteuna sileni na mala edi thua nafnata gloku.

Jajis 19:6

Aonu phiamare gnokro fodu ne ghamu nei koꞌu neu. Nu kate ghamu te gnafa na, kmagna gaꞌase gne ne cheke eghu ka mana, “Te keli na iagho na aughu bongi na mala gleꞌa noughu themu.”

Thoutonu Eigna Rut 3:7

Ke leghugna ima nei koꞌu teu te boho na, mae Boas ne keli tagna ne tei ne thuru soru rhegnai bukrei bali na. Rut thoghei ne tei ne pagli haghe thotoku na ne tei thuru rhedi ghahegna mae Boas re.

Nogna Buka Esta 1:9

Kuin Vasti jaola ne eni kaisei gaghamu maladi langau goro gaꞌase te au ka sugagna king.

Nogna Buka Esta 3:15

Aonu mae te mala hata nonomho igre mare ghosei ne hata ne tei nonomho igne ka namono biꞌo Susa, nei ka kantri te gnafa te funei frunidi king Sekses. Kate nomhini cheke igne, naikno te gnafa te au ka namono biꞌo Susa ne funu nanga nodi fara, naugna naiknore theome laseni te eni mare vetula igne. Nu King ghe mae Haman ne thofno keli tadi fara ka vetula igne ne kafe gnokro pari ne koꞌu waen ka narane igne.

Proveb 31:4

Lemuel, theome doglo mae lida na te koꞌu te thaviru na, eghuteuna jame theome doglo mae biꞌo na te magnahaghei koꞌu beer fara na.