Nehemaea 6:17 - Buka Blahi Ka Cheke Holo

^17-19 Ka narane tuare, nodi mae biꞌo mae Jiu gre rioriso tei kmana letas ka mae Tobaea, eghuteuna mana cheke tughu tei ka mare. Mae biꞌo igre te cheke ka iara na mae Tobaea gne kaisei mae keli fara, ke leghu mare ke tei cheke ka mae Tobaea unha te cheke iara ka mare re. Mare eni koba nafnata puhi igne naugna mae Tobaea gne tolaghi ka thugna gaꞌase mae Sekanaea thugna mae Ara. Eghuteuna mae Jehohanan thugna mae Tobaea gne mana tolaghi ka thugna gaꞌase mae Mesulam, thugna mae Berekaea. Eghuteuna mae Tobaea gne rioriso letas mei koba ka iara mala mhaghu iara eghu koba.

Nehemaea 6:17 Referans Kwoze

Nehemaea 13:28

Kaisei thugna pris biꞌo Joeada, thugna mae Eliasib, mana tolaghi ka thugna gaꞌase Sanbalat, maegna ka namono Bet-Horon. Ka puhi igne iara neke khi fajiflani mana Jerusalem.

Nehemaea 5:7

hironi kaisei nabrou te mala fadoglini puhi biꞌo igne, aonu iara ne cheke faheta eghu ka mae biꞌo nei mae mala baubatu teu igre, “Ghotilo paradi fara kherami themire ka puhi te hata ghotilo nodi nagare nei thudi teu are!” Aonu iara ne kilo meidi mae igre mala mei ka kaisei faidu biꞌo mala fadoglini puhi biꞌo igne.

Nehemaea 3:5

Maedi Tekoa igre neke babana fapulo keha vidogna na, nu goro mae biꞌo gna namono igne tirodi eni kaisei gloku, naugna te ghathoni mare na nafnata gloku igre theome nabadi goro mae biꞌo te edi re.

Nehemaea 6:16

Kate nomhini mae naoka gre tela gnafahi gringni thina igne na, gaoghathodi mae naoka gre ne glaꞌe soru, naugna mare te gnafa baludi kantri te au faligoho ghami ghehati igre filo glani God te togho ghami ghehati te ghilei gnafa gloku igne.

Nehemaea 13:4

Tifa te mei na, Pris Eliasib teke reireghidi chogho te mala lilisei glepo ka nogna Sugablahi God na igre, eghuteuna mana kheragna mae Tobaea. Aonu mana snakreni mae Tobaea mala hata kaisei chogho biꞌo ka Sugablahi na. Chogho igne neke sughu lilisei glepo blahi mare tagna. Nafnata glepo teke lilisei mare jare na igre: famane flaoa, nei insens, nei keha glepo mala tarai. Chogho igre jaola au wit, nei waen, nei oliv oel teke hata teke mei naiknore ka hatimare mae Livaet, nei ka hatimare mae te koje, nei ka hatimare mae te reireghi grengatha. Chogho igre mala jaola lilisei ghedi gano mae pris.