Nehemaea 3:4 - Buka Blahi Ka Cheke Holo

⁴ Mae Meremot thugna mae Iuraea gragna mae Hakos igne, mana babana fapulo keha vidogna gringni thina igne. Mae Mesulam thugna mae Berekaea gragna mae Mesesabel, mana loku keha vidogna na. Mae Sadok thugna mae Bana, mana loku keha vidogna na.

Nehemaea 3:4 Referans Kwoze

Esra 8:33

Ka fafati narane na, ghehati hata ne tei gol nei silva nei dis teu igre ka nogna Sugablahi God na mala skel tahudi glepo igre. Kate skel te gnafa na, ghehati ne tusu lao glepo igre ka Pris Meremot, thugna mae Iuraea. Balugna mana re mae Pris Eleasa thugna mae Finehas, eghuteuna phei mae Livaet, mae Josabad thugna mae Jesua ghe mae Noadaea thugna mae Binui.

Nehemaea 3:21

Mae Meremot thugna mae Iuraea gragna mae Hakos, mana loku ka keha vidogna na. Mana fufunu loku ke ulugna nogna suga mae Eliasib tei posa ke delagna suga igne.

Nehemaea 10:15

nei mae Buni, nei mae Asgad, nei mae Bebae,

Nehemaea 3:3

Vikegna mae Hasena igre, mare neke babana fapulo grengatha te kiloi Grengatha Sasa aheva te mala foli sasa naiknore igne. Mare lilisei thaba biꞌo ka grengatha na, eghuteuna famaku lao phei bobotho biꞌo igre. Aonu mare lilisei aean biꞌo ka phei bobotho igre, eghuteuna mare jaola hata thaba biꞌo mala bibilakhi phei bobotho igre.

Nehemaea 3:5

Maedi Tekoa igre neke babana fapulo keha vidogna na, nu goro mae biꞌo gna namono igne tirodi eni kaisei gloku, naugna te ghathoni mare na nafnata gloku igre theome nabadi goro mae biꞌo te edi re.

Nehemaea 10:21

nei mae Mesesabel, nei mae Sadok, nei mae Jadua,

Esra 2:61

Eghuteuna keha pris teke figri funudi Babilonia igre neke karha mei ka tharaknadi mae Hobaea, nei mae Hakos, nei mae Basilae. (Mae Basilae gne neke tolaghi ka kaisei thugna gaꞌase kaisei maegna Gilead, nanghagna na Basilae, eghume mana hata nanghagna kmagna khetogna na.)

Nehemaea 3:30

Ke leghugna mana na, mae Hananaea thugna mae Selemaea, balugna mae Hanun, fafamno thugna nalhaꞌu mae Salaf, phiamare ne loku fapea vido na. Ke leghugna mana na, mae Mesulam thugna mae Berekaea, mana loku keha vido gringni thina te au ke ulugna nogna suga na.

Nehemaea 7:63

Eghuteuna keha mae pris jaola neke pulo mei funudi Babilonia, mae igre neke karha mei ka vikedi mae Hobaea, nei mae Hakos, nei mae Basilae. Mae Basilae gne neke tolaghi ka kaisei thugna gaꞌase kaisei mae nanghagna na Basilae maegna Gilead, eghume mana hata nanghagna nanghogna igne.