Nehemaea 12:44 - Buka Blahi Ka Cheke Holo

⁴⁴ Ka narane igne, mare ne vahini kaisei tothoghei ka hatimare mae Livaet mala fiofiloni chogho stoa ka Sugablahi na. Jare te lilisei mare gano majaghani teke hata mei ka nagare nei fabothodi nodi gobigna lepore teuna. Glepo igre maladi hatimare mae pris nei hatimare mae Livaet, ka puhi igne mare tangomana te au ghedi gano nei glepo teuna, leghuni unha te chekeni ka nogna Vetula God na. Mae Livaet igre, mare jifla tei ka nagare te au faligoho ka namono na igre mala salo glepo igre, nei hata mei ka chogho te mala lilisei glepo ka Sugablahi na. Naiknodi Juda igre thofno kelitadi fara te eni igne, naugna mae pris nei mae Livaet teu igre mare loku fakeli fara.

Nehemaea 12:44 Referans Kwoze

Letas Teke Riso Tei Mae Pol Ka Khiloau Rom 12:7

Jame te hata tahati u khokofakasai te mala toghodi naiknore, tahati mala toghodi naiknore. Jame te hata tahati u khokofakasai te mala farirhiu na, tahati mala farirhiu.

Profet Isaia 40:31

Nu iheire te rouronu ka Lord na, ginauna nake rheta fapulo. Uve, mare ginauna flalo ka maloa jateula gaghata eghu. Mare ginauna na lase chari, nu mare na theome tangomana te babaꞌo na. Eghuteuna mare ginauna nolo tei kate khaba, nu mare na theome tangomana te nigra na.

Proveb 8:34

Mae ihei te fanomho ka iara na, mana mei ka nogu suga iara na mala farirhiuni iara. Eghuteuna ihei te au balugu iara na, mana ginauna gleale'a.

Ululahu Kronikols 23:28

Nodi gloku mae Livaet gre mala toghodi mae pris teke karha mei ka tharaknagna mae Eron te mala tarai ka nogna Sugablahi Lord. Eghuteuna mare mala filo faligohoni Sugablahi na nei chogho ke lamnagna Sugablahi igne. Eghuteuna mare mala jaola mala fagagae glepo blahi re.

Ululahu Kronikols 9:26

Nu fati mae Livaet te batudi mae mala reireghi igre, mare mala fiofilodi chogho te au ke lamnagna nogna Sugablahi God na, eghuteuna mare jaola fiofilodi glepo te lilisei hatimare mae pris ka chogho igre.

Naba 3:10

Mae Eron baludi thugna re eghu kolho te mala loku jateula mae pris teuna. Jame keha mae delei te mei lamna ka vido blahi igne na, ghotilo ginauna faleheni mae tuana eghu.”

Diutronomi 18:8

Eghuteuna mana tangomana te au thufagna ka gano teke fafara re jateula keha mae pris gre eghu, neuba mana ne hata thotogho ka kheragna re.”

Ululahu Kronikols 26:20

Hatimare thabusigna te Livaet ka tharaknadi mae Kora ghe mae Merari igre mare te fiofilodi re gol nei silva teugna Sugablahi na, eghuteuna mare reireghidi chogho te mala liliseidi gobigna lepo teke tusu laohi naiknore ka Lord.

Nehemaea 10:36

“Eghuteuna ghehati ginauna hata mei ka hatimare mae pris thumi nalhaꞌu teke kulu karha, nei buluka teke kulu karha, nei sipu teke kulu karha, nei nomi nanigot, mala fablahidi, leghuni unha te chekeni ka vetula na.