Nehemaea 12:30 - Buka Blahi Ka Cheke Holo

³⁰ Aonu mae pris nei mae Livaet teu igre ne fagaedi thedi ka tathagna God, eghuteuna ke leghugna igne, naiknogna namono na, nei gringni thina na, baludi grengatha re mala jaola gae ka tathagna God.

Nehemaea 12:30 Referans Kwoze

Thoutonu Eigna Mae Job 1:5

Hamerane boibongi ke leghudi gaghamu igre, mae Job ne gahu fafara mala klino ka tathagna God na maladi mae thugna re. Leuleghu fata na, mana eni koba igne naugna te ghathoni mana na, na glahu kaisei ka mare tapla jafra ka nakhibo ranghini God ba cheke faparini mana ka nagnafadi re.

Esra 6:21

Eghume naikno Jiu teke pulo mei funudi Babilonia igre, mare ne kafe ghamu nafnahi gna fafara Ghasa-Polho igne. Eghuteuna naikno teke au faleghu teku, nu theome magnahaghei leghudi puhi te diꞌa te edi naikno bongihehe te au faligohodi teu mare igre teure, mare jaola ne mei mala tufru soru ka Lord, nodi God mae Israel, eghuteuna mare te gnafa na ne kafe ghamu ka fafara igne.

Fapea Kronikols 29:5

Aonu mana ne cheke eghu ka mare: “Ghotilo ka vikegna mae Livae ra famane fanomho mei. Nogna Sugablahi Lord nodi God kuꞌeda tahati tifa ra, theome gae ka tathagna mana na. Ghotilo fagae ghami themi ka tathagna God, eghuteuna ghotilo mala blahi ka Sugablahi. Hata fadelei gobigna lepo fateote'o te thona nei unha te theome magnahaghedi mana re.

Eksodas 19:10

Eghuteuna Lord ne cheke eghu ka mae Moses, “Iagho ke pulo ka naikno ra mala cheke ranghidi gognaro nei nathuꞌu iagho ginauna fablahidi, mala tangomana mare te pogho soru ka iara na. Mare mala jaola titihi fagae nodi pohere,

Hibru 5:3

Naugna te nigra na mana nabagna te fafara ka God mala atha fadeleidi God nakhibogna thegna re, nei jaola fafara mala atha fadelei nakhibodi naiknore.

Hibru 5:1

God tangomana te vavahi mae pris biꞌo maladi naiknore. Mana kegra ke ulugna God mala kilo fnaknoni mana balu fafara mala hata fadeleidi nakhibodi naiknore.

Nehemaea 13:30

Eghume gognarona iara faklinodi mae pris nei mae Livaet ka tathagna God na eidi gobigna lepo teke theome mei funudi ka God, eghuteuna iara lisa lao ka mare mala eni nodi gloku na.

Nehemaea 13:22

Iara cheke ka hatimare mae Livaet mala tei fagaedi thedi ka tathagna God. Gnafa teuna, mae Livaet mala reireghi grengatha igre tei ne filo ka grengatha tuare, mala laseni naiknore te leghu fakelini vetulagna narane Sabat gne ba theo. Nogu God, naugna glepo igne iara jaola ne eni igne, ghatho ghau nei keli ranghi ghau eghu iara, naugna iagho ne ghatho tahu ghau iara fara.

Fapea Kronikols 29:34

Nu mae pris igre theome kmana, eghuteuna mare theome naba te mala aknu falehe nei ligi koko gulidi teu buluka, sipu, sua sipu nei nanigot teu igre, aonu mae Livaet te kheradi mare igre toghodi mare ne ghilei gnafa gloku igne. Eghuteuna keha pris jaola ne gae ka tathagna Lord. Ka narane tuana, mae Livaet ne ghatho tahuni fara te mala fagaedi thedi ka tathagna Lord salaꞌudi hatimare mae pris.

Eksodas 19:15

Aonu mae Moses ne cheke eghu ka naiknore, “Ghotilo tarabana malagna nauriha. Eghuteuna ghotilo thosei thuru baludi khetomi are ghilei thokeni narane te gnafa tarai na.”

Jenesis 35:2

Aonu mae Jekop ne cheke eghu ka khetogna nei thugna nei naikno eghu teke au balugna re, “Koko mumuju te tufru sorudi ghotilo are. Ghotilo apu mala gae nei pipichi pohe te majaghani eghu.

Nehemaea 12:29

nei Bet-Gilgal, nei Geba, nei Asmavet. Mae te au ka kwaea na igre neke ei namono ikodi faligohoni Jerusalem, mala tangomana mare te au namo ka Sugablahi igne.

Ululahu Kronikols 15:14

Aonu hatimare mae pris nei hatimare mae Livaet eghu ne fagaedi thedi ka tathagna Lord mala tangomana mare te pala te mei Bokis Blahi igne.