Naba 4:12 - Buka Blahi Ka Cheke Holo

¹² “Nu keha glepo teke edi thilomare ka olta blahi igne, thilomare nake pipiha ka kaisei pohe blu, eghuteuna ke pipiha lao kaisei guli vena tagna, aonu nhaꞌa lao ka gaju mala pala.

Naba 4:12 Referans Kwoze

Ululahu Kronikols 9:29

Nu keha mae Livaet mala fiofilodi keha glepo blahi te mala loku ka Sugablahi na igre, nei famane flaoa, waen, oliv oel, insens nei keha glepo te mala edi te mala famane siri kelidi oel blahi igre.

Fapea Kronikols 4:22

Eghuteuna glepo mala falehe juta, nei dis mala hata insens, nei sevol mala krisu sisibe khaꞌaghi te phae fabrahu, nei dis mala lilisei dadara buluka ba sipu. Nei gol te toku tafrudi phei grengathagna Chogho te Thofno Blahi Fara na, nei phia grengathagna chogho biꞌogna Sugablahi na.

Fapea Kronikols 4:19

Aonu King Solomon neke chekedi mae glokure mala edi glepo te mala lilisei ke lamnagna Sugablahi na. Glepo teke edi mare ka famane gol igre: Olta mala Gahu Insens. Tevo mala lilisei Bret Blahi.

Fapea Kronikols 4:16

Baket mala nanhaꞌa nakrofu khaꞌaghi, nei sevol, nei foke mala churu nafnahi. Mae Huram neke edi glepo igre ka bras malagna nogna Sugablahi Lord na ranghini King Solomon.

Fapea Kronikols 4:11

Eghuteuna mare jaola edihi baket mala lilisei nakrofu khaꞌaghi, sevol nei dis. Aonu mae Huram ne loku fahui gloku mala edi mana teku King Solomon teke kilo meini mana mala horo mana nogna Sugablahi God na tekuna.

Naba 4:9

“Thilomare nake atha keha pohe blu, eghuteuna toku lao ke kligna glepo mala lisei juta nei keha glepo mala falelehe juta, keha tapera brahu, nei botol oliv oel.

Naba 4:7

“Eghuteuna ke atha keha pohe blu mala toutoku lao ke kligna gna tevo mala lisei bret blahi na. Thilomare mala atha keha tapera, dis, kapu nei keha botol waen eghu, mala nanhaꞌa lao ka tevo na. Eghuteuna bret blahi igne mala au fabrahu ka tevo tuana.

Naba 3:8

Leuleghu fata na mare mala fiofilodi gobi lepo te au ka nogu Suga Tapuale te blahi iara na, eghuteuna ghotilo jaola edi gloku teke chekedi iara ra eghu.

Eksodas 31:10

Eghuteuna mare jaola mala edi pohe blahi malagna Eron nei maladi thugna mana re mala fahaghe kate eni mare nogna gloku pris na,

Eksodas 25:9

Eghuteuna ghotilo mala horo Suga Tapuale te Blahi igne nei gobigna lepo te mala au ke lamnagna suga igne, thofno leghuni unha nate falalase iara ka iagho igne.”

Eksodas 25:5

nei guli sipu nalhaꞌugna te eni faꞌukru, guli vena, thaba gaju akesia,

Naba 4:6

Thilomare na atha kaisei guli vena mala toku lao ke kligna bokis blahi tuana. Eghuteuna ke leghugna tuana, ke atha thilomare kaisei pohe blu mala ke toku lao ngala ke kligna. Aonu ke lisei fapulo phei gaju mala pala gna bokis blahi na.

Naba 4:11

“Eghuteuna keha glepo na igne, thilo mare na atha kaisei pohe blu mala toutoku olta teke eni mare ka gol, eghuteuna ke atha kaisei guli vena mala toku lao ka olta na. Aonu ke lisu fapulo phei gaju mala pala gna olta igne.

Naba 4:13

“Eghuteuna ke atha koko thilomare nakrofu teke au ka olta na, eghuteuna ke toku lao olta na ka kaisei pohe ngonge.

Ululahu Kronikols 9:28

Keha mae Livaet mala fiofilodi glepo teke hata teke tei hatimare mae pris ka vido te tei ka tarai na. Eghuteuna ka teke hata teke pulo mei glepo igre, mae Livaet gre kaha fakeli koba glepo igre ame ke lisei fapulo nga eghu.