Naba 28:2 - Buka Blahi Ka Cheke Holo

² “Iagho na tonu lao nogu cheke iara gre ka naiknodi Israel: Leuleghu fata kate mala edi fafara re, ghotilo mala fafara nogu fafara blahi iara na mala mei sisiri gna te keli na nei gleꞌa iara eghu.

Naba 28:2 Referans Kwoze

Jenesis 8:21

Lord ne gnanghini u fafara te famane sisiri keligna igne ne keli tagna fara ne cheke eghu, “Iara ginauna nake theome goigoni u nauthoglu igne ke tughugna puhi diꞌa teke edi naikno igre neuba iara kulu lasedihi naikno igre neke diꞌa neke mei ngala funu suadi. Nu iara ginauna nake theome goigonidi gobigna lepo te karha ka nauthoglu na igre jateula te eni iara gognaro gne eghu.

Filipae 4:18

Iara la kafe hatahi gobigna lepo teke magnahaghedi iara re. Tulao mae Epafrodaetus hata neke mei ka iara thotogho teke famei ghotilo ra. U thotogho te famei ghotilo igre jateula u fafara te sisirigna nate keli tagna God ia eghu.

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Fapea Korin 2:15

Ghehati na jateula nogna insens Kraes eghu mala kilo fnaknoni God ke lamnadi iheire God teke fakarhidi nei iheire te snivi fabrahu.

Profet Malakai 1:12

“Nu ghotilo cheke fadiꞌani nogu olta iara na, eghuteuna ghotilo atha mei gano te tiromidi themi re mala fafara.

Profet Malakai 1:7

“Filo si ghotilo, ghotilo cheke eghu, ‘Ba? Niha ngala si teke cheke fadiꞌani ghehati nanghamu iagho naia?’ “Nu te chekeni iara ka ghotilo na, ‘Leghu fata na, ghotilo loku fadiꞌa ke kligna nogu olta iara.

Profet Esikiel 20:41

Ka teke hata fapulo ghami iara ka keha kantri aheva teke tei au tafri ghotilo tadira, iara ginauna kelitagu ka ghotilo jateula teke kelitagu iara ka teke gahu ghotilo insens te famane sisiri keligna fara kate mei tarai ghotilo ka iara. Eghuteuna naiknogna kantri igne ginauna filoni iara ngala te blahi na.

Profet Esikiel 16:19

Gano jateula te famane flaoa te keli, nei oliv oel, nei jurukuli eghu teke faꞌari iara ra mala ghamu, iagho na fafara lao kolho ka mumuju are mala kelitadi mare ka iagho. Igne nogu cheke iara Lord God.

Nodi Khoje Hatimare Mae Jiu 81:3

Kau gaghamu khafa nei kau gaghamu glaba rane teu igre tahati kufli mala fufunu tharai na.

Naba 15:24

Eghuteuna ne ghatho ihodi ne theome leghudi nga mare kaisei vetula ka igre nu, mare ginauna fafara te gahu te knoro kaisei buluka majaghani te magnahagheni Lord balu flaoa nei waen eghu, eghuteuna mare jaola mala fafara kaisei nanigot nalhaꞌu gna mala atha koko nakhibo.

Naba 15:7

eghuteuna mana jaola mala atha mei kaisei vido lita waen mala tofa ka olta. Tuana fafara te siri famane te gle'ani iara na.

Naba 15:3

ne magnahaghei edi fafara te blahi nga ghotilo jare nu, ghotilo tangomana te atha kaisei buluka, ba sipu nei nanigot. Ka glepo te tautagu igre ghotilo ginauna tangomana te eni fafara te knoro ia, ba fafara naugna ghotilo neke eni kaisei nhaꞌa cheke, ba fafara mala edi ghotilo unha te magnahaghedi ghotilo re, ba keha fafara te magnahaghei edi ghotilo ka nomi gaghamhu re.

Naba 9:13

Jame kaisei mae theome mei ka gaghamhu tuana, nu mana gae ka tathagu iara nei theome tei au ka namono delei teuna. Mana theome kaisei naikno gna Israel, naugna mana ne theome fafara mei ka iara. Mae tuana nabagna kolho te au papara ka nakhibo gna thegna na.

Naba 9:7

“Ghehati gne theome gae ka tathagna Lord na naugna ghehati neke habo ka thinidi naikno te lehe re. Ba, theo keha puhi te tangomana ghehati te eni gaghamhu nei fafara ka Lord teuna?”

Levitikas 21:8

Ghotilo naiknomi Israel ra mala ghatho tahudi mae pris gre mae blahi, naugna mare mala fafara gano blahi. Naiknore mala laseni mae pris te gnafa igre blahi naugna iara Lord, iara blahi, eghuteuna iara fablahidi nogu naiknore mala blahi.

Levitikas 21:6

Mare mala au blahi malagu iara nodi God mare, eghuteuna mare mala theome goigoni ni nanghagu iara na, naugna mare mala ei fafara mala tangomana gano re te kaisei glepo blahi na. Naugna igne mare mala blahi fara.

Levitikas 1:17

Eghuteuna mana loku ka phei baghigna re, eghuteuna korho mala klopa kakatha thinigna na, eghuteuna mana gahu ka khaꞌaghi ke kligna olta. Mana gahu balhu igne mala kaisei glepo blahi, eghuteuna sisirigna na kelitagnani Lord.”

Eksodas 29:18

Eghuteuna iagho gnubra fahui vidogna sipu igne ke kligna olta, mala pogho soru ka iara Lord. Igne kaisei glepo blahi te famane sisiri keligna iara Lord nate gleꞌani fara.

Eksodas 23:15

“Ghotilo mala khapru ka Gaghamu biꞌo eigna Bret te Theo Isi gna igne mala tarai jateula teke chekeni iara ka ghotilo ia eghu. Ghotilo mala ima bret te theo isi gna igne nabagna fitu narane ka narane teke lilisei iara ka nhigra Abib, naugna ka nhigra igne ngala teke jifla ghotilo Ijep na. “Eghume kate mei ghotilo ka iara na, ghotilo mala atha mei balumi kaisei famane glepo mala fafara ka iara.

Naba 28:1

Lord ne cheke eghu ka mae Moses,

Esra 3:3

Neuba mare ne mhaghudi keha naikno te au ka namono te au faligohodi re, neke horo fapulo olta igne ka thofno vido aheva teke au olta tifa na. Aonu mare ne funu gahu ke kligna gna olta igne fafara te krono fara na hamerane grafi mala tufru soruni Lord.

Naba 29:39

“Eghume tuare ngala bukrei fafara te mala fafara mei ka iara Lord ka nomi gaghamu ghotilo re. Ka fafara tuare, ghotilo ginau ke edi ngala keha nafnata fafara kate edi ghotilo re, naugna ghotilo neke eni kaisei nhaꞌa cheke, ba fafara unha te magnahaghedi ghotilo re, ba fafara te gahu te knotho, ba fafara wit nei waen, ba fafara mala faglaglanagna te au fakeli ghotilo balugu iara Lord na.”

Ululahu Kronikols 23:31

Mare eni nafnata puhi igne kate gahu fafara ka narane Sabat, nei ka Gaghamu Khafa, nei ka keha narane biꞌo mala tarai. Mae igre edi gloku ka Sugablahi na leghuni thofno naba te magnahagheni mare na nei leghuni kastom gna gloku na.

Fapea Kronikols 23:18

Eghuteuna Jehoada ne vahidi keha mae pris ka vikegna mae Livae mala filodi gloku ka nogna Sugablahi Lord. Nodi gloku mare na mala edi gloku teke tusu lao King Devet ka kuꞌedi mare tifa ra. Aonu mare koje nei glealeꞌa fara neu kate gahu fafara ka Lord jateula te chekeni ka nogna Vetula mae Moses naia neu.

Fapea Kronikols 31:3

Aonu king ne famei sipu ba buluka mala gahu fafara leuleghu hamerane nei grafi, nei ka narane Sabat, nei ka Gaghamu Khafa, nei ka keha gaghamu te au ka nogna vetula Lord.

Esra 3:2

Aonu pris biꞌo Jesua, thugna Jehosadak, nei keha mae pris nei mae Serubabel, thugna mae Sealtiel baludi kheragna mana re, mare neke horo fapulo nogna olta God gna Israel, mala tangomana mare teke gahu fafara tagna. Igne thofno leghuni unha te au ka nogna Vetula mae Moses, nogna mae gloku God.

Nehemaea 10:34

“Ghehati mae pris ra, mae Livaet ra, nei mavitu ra teuna ginauna lalahu khale, mala laseni gaoghathogna God na, tharakna aheva gne nate hata gaju te mei ka Sugablahi na mala gahu ke kligna nogna olta Lord nomi God, leghuni unha te chekeni ka vetula na.

Profet Esikiel 45:17

King igne ginauna hata mei fafara te thofno krono fara na, eghuteuna fafara ka flaoa ka famane wit, nei fafara teke tofa waen naikno rhegna olta na. Fafara igre ginauna mala Gaghamu Khafa, nei narane Sabat, nei keha narane biꞌo te vavahi iara malami ghotilo naiknomi Israel. King ginauna famei glepo igre mala fafara mala ke doglo naikno na ka tathagu iara na, eghuteuna flaoa ka famane wit, nei fafara te thofno krono, nei fafara te mala laseni te au fakeli naikno na balugu iara. Jame te eni ghotilo igne na, ghotilo naiknomi Israel te gnafa igre ginauna doglo ka tathagu iara na.”