Naba 25:4 - Buka Blahi Ka Cheke Holo

⁴ Aonu Lord ne cheke eghu ka mae Moses, “Iagho na kilodi mae biꞌo te gnafa Israel igre nei falehedi mare eghu, eghuteuna fagefe haghe kligna thinidi mare re ke ulugna Suga Thapuale te blahi ana mala filo naiknore. Eni tuana mala nu theome diꞌatagu iara ka ghotilo eghu.”

Naba 25:4 Referans Kwoze

Diutronomi 13:17

Gobi lepogna namono tuana blahi eghuteuna ghotilo thosei hata kaisei glepo tagna. Jame te leghuni cheke igne na, Lord ginauna na theome ke diꞌatagna ka ghotilo, eghuteuna ginauna mana nake kokhoni ghami ghotilo. Kate leghudi ghotilo nogna vetula mana teke tusu ari iara ka ghotilo gognaro igre, nei edi unha te doglo ka tathagna mana na teuna, mana ginauna keli ranghi ghami ghotilo, eghuteuna mana ginauna fablahi ghami ghotilo mala kmana e kmana jateula teke nhaꞌa chekehi mana ka kuꞌemi ghotilo tifa ra eghu.”

Diutronomi 4:3

“Ghotilo la filo tathamihi gobigna lepo teke edi mana ka ghotilo Baal-Peo ra. Iheire teke pogho soru ka god Baal Peo ra, Lord neke aknu falehe.

Fapea Samuel 21:6

Eghume, ghehati magnahaghei nigho iagho te hata mei fitu mae ka vikegna king Sol. Ghehati ginauna aknu falehe mae igre, eghuteuna fagefe haghe thinidire ke ulugna nogna vido blahi Lord na Gibea. Naugna igne nogna namono mae Sol aheva Lord teke vahini mana te mala king.” Aonu king ne cheke eghu, “Iara ginauna hata mei mae igre ka ghotilo.”

Diutronomi 21:23

Thini igne thosei gefeu ka gaju na jare ghilei rane. Ghotilo giugilui thinigna mana na ka narane tuanala. Naugna ihei te lehe ke kligna gaju na, God ginauna parani mana. Eghume, ghotilo mala giugilui thinigna mae ihei teke eni puhi te diꞌa na mala theome goigoni ghotilo glose teke tusu ari Lord ka ghotilo igne.”

Naba 25:11

“Mae pris Finehas, thugna mae pris Eleasa mae thugna Eron igne, ne fagnafani teke diꞌatagu iara ka ghotilo naiknomi Israel. Mana eni tuana, naugna mana ne ghatho tahu ghau iara nei mana jaola diꞌatagna fara ka nafnata puhi te fadiꞌani mare nanghagu iara na. Tuana site theome goigoni ghami ghotilo iara gnea.

Profet Jona 3:9

Jame te eghu tahati na, glahu kokhoni ghita God, eghuteuna mana ginauna na tughu gaoghathogna na theome diꞌatagna ka tahati, eghuteuna mana ginau na theome falehe ghita.”

Fapea Samuel 21:9

Mae king Devet ne snakre lao fitu mae igre ka naiknodi Gibeon. Mare tei ne falelehe fitu mae igre ne fagefe haghe thinidire ka kaisei thogele rhegna nogna vido blahi Lord. Mare eni igne ka narane te funu ukli bali mare ka nagare na.

Josua 23:2

Aonu kaisei narane Josua ne kilo fodudi mae biꞌodi Israel, nei mae komanda te gnafa, nei mae mala baubatu te gnafa, nei mae funei te gnafa. Mana ne cheke eghu ka mare, “Gognarona, iara la kuekuꞌe farahi.

Josua 22:17

Ba, ghotilo kela ghatho ihodihi narane kani teke au tahati Peo teke para ghita mana eidi nakhiboda tahati ra? Tahati nogna naikno mana, nu mana para ghita ka kaisei fogra te thono diꞌa fara teke kafe thoke ghita tahati gnafa. Eghuteuna tahati theome gnafa te au papara fara eigna glepo igne.

Diutronomi 13:15

ghotilo ginauna hata naflahi mala aknu falehedi naiknogna namono tuana. Eghuteuna ghotilo mala jaola aknu falehe hui nodi buluka, sipu, nanigot nei dongki teure. Eghuteuna ghotilo mala goigoni fahui namono tuana.

Diutronomi 13:13

Glahu nomhidi ghotilo keha mae te diꞌa ka keha namono te au ghotilo tadi are batu fadelei ghami ghotilo cheke eghu, ‘Tahati ari mala tarai ka keha god teke theome laseni ghotilo tifa igne.’

Naba 25:18

naugna mare ne chaghi ghami ghotilo ne maimanihini god Baal, nei jaola chaghi ghami ghotilo ka gaꞌase Kosbi teke falehe mae pris ka narane teke thoke ghami khabru ghotilo jare Peo ia.”

Eksodas 18:25

ne vavahi keha famane mae funei te lalase ka vike te gnafa hatimare mae Israel gre ne lilisei mae te mala batudi tothoghei nabothoi, glima fului, kaisei gobi nei kaisei thogha.

Nodi Khoje Hatimare Mae Jiu 106:29

God ne thono diꞌatagna fara ka unha te edi mare igre, aonu kaisei fogra te thono diꞌa fara ne thokedi mare.

Diutronomi 13:11

Aonu kate eni iagho igne na, naikno te gnafa Israel igre ginauna nomhini igne na mhaghu nodi fara. Eghume ginauna na theo kaisei ka ghotilo na teke eni puhi te diꞌa igne na.

Diutronomi 21:22

Mae Moses ne cheke eghu, “Jame kaisei mae eni kaisei najafra te nabagna te lehe na, eghuteuna ghotilo aknu faleheni mana eghuteuna fagefe hagheni thinigna mana na ka kaisei gaju.