Naba 24:13 - Buka Blahi Ka Cheke Holo

¹³ Neubane tufa mei mae Balak nogna gol nei silva teure ka iara, iara theome tangomana te huhughuni nogna cheke Lord na. Neubane glepo keli ba glepo diꞌa neu, iara theome tangomana te chekeni kaisei glepo te jifla mei ka gaoghatho guna. Iara mala chekedi kolho unha teke tonu mei Lord ka iara re.

Naba 24:13 Referans Kwoze

Naba 22:20

Ka bongi tuana God ne mei ka mae Balam, ne cheke eghu ka mana, “Eghume te mei mae igre te cheke ka iagho mala tei baludi teuna, iagho tei baludi mare, nu edi kolho iagho unha te chekedi iara ka iagho re eghu.”

Naba 22:18

Nu mana neke cheke eghu ka mare, “Neubane tufa mei mae Balak nogna suga te fodu ka silva nei gol teure ka iara, iara theome tangomana te huhughuni chekegna nogu Lord God na.

Naba 16:28

Mae Moses ne cheke eghu, “Gognaro na, ghotilo ginauna laseni eigna God ngala teke kuru mei ghau iara mala edi gobigna lepo igre. Eghuteuna ghotilo ginau jaola laseni te theome edi iara gobigna lepo igre ka gaoghathogu thegu na.

Ululahu Kings 13:8

Nu profet ne cheke eghu ka mana, “Neuba iagho ne fota pea nou gobigna lepore ne tufa ka iara keha phile na, iara ginauna theome ari balumu iagho, ba ghamu nei koꞌu eghu balumu iagho agne Betel.

Ululahu Kings 22:14

Nu mae Maekaea ne cheke eghu, “Ka nanghagna Lord mae ihei te karha te tifa, iara ginauna cheke fadoglo ari kolho ka iagho unha teke chekeni Lord ka iara na.”

Naba 22:8

Aonu mana ne cheke eghu ka mare, “Uve, ghotilo ginauna au agne bongi na. Nathui ame tangomana cheke ari nga iara ka ghotilo unha te chekedi Lord ka iara re.” Aonu mare ne au balugna mana bongi tuana.