Naba 23:26 - Buka Blahi Ka Cheke Holo

²⁶ Nu mae Balam ne cheke eghu ka mana, “Iara neke chekehi ka iagho te iara ginauna chekedi kolho unha te cheke mei Lord ka iara re.”

Naba 23:26 Referans Kwoze

Mae Khuru 5:29

Nu mae Pita nei keha mae khurure ne cheke eghu ka mare, “Ghehati magnahaghei fara te leghuni chekegna God na, theome mala leghuni chekegna naikno na.

Naba 22:18

Nu mana neke cheke eghu ka mare, “Neubane tufa mei mae Balak nogna suga te fodu ka silva nei gol teure ka iara, iara theome tangomana te huhughuni chekegna nogu Lord God na.

Fapea Kronikols 18:13

Nu mae Maekaea ne cheke eghu ka mae biꞌo tuana, “Ka nanghagna Lord te karha te tifa, iara cheke kate tutuani ka iagho, unha te chekeni Lord ka iara na, tuana ngala nate chekeni iara na.”

Naba 22:38

Nu mae Balam ne cheke eghu ka mana, “Uve, iara la meihi gognaro na. Nu iara na theome chekeni kaisei glepo mala togho nigho iagho. Nu iara na chekedi kolho unha teke cheke mei God ka iara re.”

Ululahu Kings 22:14

Nu mae Maekaea ne cheke eghu, “Ka nanghagna Lord mae ihei te karha te tifa, iara ginauna cheke fadoglo ari kolho ka iagho unha teke chekeni Lord ka iara na.”

Naba 23:25

Aonu mae Balak ne cheke eghu ka mae Balam, “Ghema! Iagho te theome tibridi mare mala thokedi hoholo teuna, iagho jaola thosei ke fablahidi mare!”

Naba 23:27

Aonu mae Balak neke cheke eghu ka mae Balam, “Mei iagho, tapa nake age ka kaisei vido ngau. Glahu ke keli tagna God ke snakre nigho iagho mala togho ghau iara, mala ke tibridi iagho mare mala thoke hoholo.”

Naba 23:3

Aonu mae Balam ne cheke eghu ka mana, “Kate tei iara kosi na, iagho na au agne rhedi nou fafara igre, jau na Lord ginauna mei mala thafo ghau iara. Unha glepo te chekedi mana re, iara nake mei cheke ka iagho.” Aonu mae Balam ne tei thegna ke holo ka vido te theo gaju nei buburu teu tagna na.

Naba 23:17

Aonu mae Balam neke pulo ne filoni mae Balak te kegra teu rhedi nogna fafara re baludi tothoghei mae lidadi Moab re. Mae Balak ne ghusna ka mana unha te chekedi Lord re,