Naba 23:17 - Buka Blahi Ka Cheke Holo

¹⁷ Aonu mae Balam neke pulo ne filoni mae Balak te kegra teu rhedi nogna fafara re baludi tothoghei mae lidadi Moab re. Mae Balak ne ghusna ka mana unha te chekedi Lord re,

Naba 23:17 Referans Kwoze

Profet Jeremaea 37:17

Keha narane ke leghudi igre, King Sedekaea ne fatei cheke ka mare mala atha fapuloni mae Jeremaea ka nogna suga na. Mana ne ghusna eghu ka mae Jeremaea, “Ba, Lord na cheke ranghi nigho iagho keha nonomho, ba theo?” Mae Jeremaea ne cheke eghu ka mana, “Uve! Lord neke cheke mei ka iara. Mare ginauna lisa lao nigho iagho ka khamedi mae Babilonia!”

Ululahu Samuel 3:17

Eghuteuna mae Eli ne cheke eghu ka mana, “Unha te chekeni Lord ka iagho na? Iagho thosei poruni kaisei cheke ka iara. Jame te pophoru iagho keha cheke ka iara na, God ginauna para nigho iagho.”

Naba 23:26

Nu mae Balam ne cheke eghu ka mana, “Iara neke chekehi ka iagho te iara ginauna chekedi kolho unha te cheke mei Lord ka iara re.”

Naba 23:16

Aonu Lord mei ne thafoni mae Balam, ne toutonu ka mana unha te mala tonudi mana re, eghuteuna ke kuru fapuloni mana ka mae Balak mala tonu ka mana nogna thonu re.

Naba 23:18

aonu mae Balam ne cheke eghu ka mana, “Uve, ghema Balak, thugna mae Sipoa, fanomho fakeli iagho ka nogu cheke iara gne: