Naba 22:8 - Buka Blahi Ka Cheke Holo

⁸ Aonu mana ne cheke eghu ka mare, “Uve, ghotilo ginauna au agne bongi na. Nathui ame tangomana cheke ari nga iara ka ghotilo unha te chekedi Lord ka iara re.” Aonu mare ne au balugna mana bongi tuana.

Naba 22:8 Referans Kwoze

Profet Esikiel 33:31

Leuleghu fata na nogu naikno iara re tangomana te khapru mei mala fanomho ka nou cheke iagho re. Nu mare theome edi kolho unha te chekedi iagho ka mare re. Foflodi re fodu ka cheke te diꞌa, eghuteuna mare ghathodi kolho puhi te mala chaghidi naiknore te mala hata sileni na.

Profet Jeremaea 12:2

Iagho liliseidi ka nauthoglu igne jateula mae ihei te joꞌu gano ka nagare na te karha kelidi nei ure teura neu. Neuba mare ne famane cheke eimu iagho koba, nu mare theome ghatho tahu nigho iagho kolho.

Naba 23:12

Mae Balam ne cheke eghu, “Iara chekedi kolho unha te cheke meidi Lord ka iara re.”

Naba 12:6

Aonu Lord ne cheke eghu ka repa, “Ghopa fanomho fakeli ka nogu cheke iara gre! “Ne au nga kaisei mae profet balumi ghotilo nu, iara ginauna mei ka nogna mifi mana re, eghuteuna iara ginauna facheke balugna ka nogna mifi mana tuare.

Naba 22:7

Aonu mae lidadi Moab ghe Midian re tei ne atha sileni mala folini mae Balam. Mare tei ne filoni Balam ne facheke nogna cheke mae Balak re ka mana.

Naba 22:9

Ka bongi tuana, Lord ne mei ka mana ne ghusna eghu ka mana, “Maedi heva site au balumu iagho igrea?”

Naba 22:18

Nu mana neke cheke eghu ka mare, “Neubane tufa mei mae Balak nogna suga te fodu ka silva nei gol teure ka iara, iara theome tangomana te huhughuni chekegna nogu Lord God na.

Naba 22:38

Nu mae Balam ne cheke eghu ka mana, “Uve, iara la meihi gognaro na. Nu iara na theome chekeni kaisei glepo mala togho nigho iagho. Nu iara na chekedi kolho unha teke cheke mei God ka iara re.”

Naba 23:3

Aonu mae Balam ne cheke eghu ka mana, “Kate tei iara kosi na, iagho na au agne rhedi nou fafara igre, jau na Lord ginauna mei mala thafo ghau iara. Unha glepo te chekedi mana re, iara nake mei cheke ka iagho.” Aonu mae Balam ne tei thegna ke holo ka vido te theo gaju nei buburu teu tagna na.

Naba 24:13

Neubane tufa mei mae Balak nogna gol nei silva teure ka iara, iara theome tangomana te huhughuni nogna cheke Lord na. Neubane glepo keli ba glepo diꞌa neu, iara theome tangomana te chekeni kaisei glepo te jifla mei ka gaoghatho guna. Iara mala chekedi kolho unha teke tonu mei Lord ka iara re.

Ululahu Kings 13:8

Nu profet ne cheke eghu ka mana, “Neuba iagho ne fota pea nou gobigna lepore ne tufa ka iara keha phile na, iara ginauna theome ari balumu iagho, ba ghamu nei koꞌu eghu balumu iagho agne Betel.

Ululahu Kings 22:14

Nu mae Maekaea ne cheke eghu, “Ka nanghagna Lord mae ihei te karha te tifa, iara ginauna cheke fadoglo ari kolho ka iagho unha teke chekeni Lord ka iara na.”