Naba 22:22 - Buka Blahi Ka Cheke Holo

²² Nu God ne diꞌatagna fara te tei mana na, eghuteuna nogna engel Lord na mei ne kegra neu farihotei gna nabrou na mala fanograni mana. Mae Balam ne saghe ka dongki na, eghuteuna phei nogna mae gloku re jaola tei balugna mana.

Naba 22:22 Referans Kwoze

Naba 22:32

Aonu engel na ne cheke eghu ka mae Balam, “Ne unha site thilo fata purini iagho nou dongki gnea? Iara ngala teke kegra ka nabrou ia teke fanogra nigho iagho ia, naugna jafra fara unha te eni iagho ka iara ia.

Eksodas 4:24

Kaisei bongi, kate theome posa teu Ijep na, mare au ka kaisei vido mala thuru. Ka vido igne, Lord mei ne magnahaghei faleheni Moses.

Lamentations 2:4

Mana jateula mae naoka te ghao nogna phaloho na mala fada jata na teura eghu, mana tarabana mala goigoni ni Jerusalem. Mana jateula mae naoka te aknu falehedi te gnafa famane naikno ra eghu. Diꞌatagna mana na jateula khaꞌaghi brana te gnhubra namono Jerusalem ra eghu.

Profet Hosia 1:4

Ke leghugna igne, God ne cheke eghu ka mae Hosia, “Iagho na kiloni thumu na, Jesrel. Gaoghathogna Jesrel teu igne, God ginauna joꞌu soru lamna glose. Naugna iara na theome raugha na parani tharaknagna mae Jehu eidi naikno te lehe ka namono Jesrel tifa ra. Eghuteuna iara ginauna fagnafadi mae king igre mala theo kaisei mae ka vikegna mae Jehu nate funei fruni ni kantri Israel.

Fapea Kings 10:20

Mae Jehu ne cheke eghu ka mare, “Ghotilo vahini kaisei narane mala kafe mei tarai tahati ka Baal.” Aonu mare ne vahini kaisei narane.

Naba 22:35

Nu engel na neke cheke eghu ka mae Balam, “Tei sagho baludi mare, nu chekedi kolho iagho unha teke cheke iara ka iagho ra eghu.” Aonu mae Balam ne tei baludi nogna mae funei mae Balak re.

Eksodas 23:20

Lord ne cheke eghu, “Filo si ghotilo, iara ginau na kuruni nogu engel na mala tei ke ulumi ghotilo mala reireghi ghami ghotilo ka nabrou te mala tei ghotilo na. Mana ginau na atha ghami ghotilo tei ka kantri teke kulu tarabana teku iara mala tei au ghotilo tagna teku ia.

Naba 22:23

Kate filoni dongki gne nogna engel Lord te kegra teu fari hoteigna nabrou te louloku naflahi mala magra teuna, dongki na ne theome leghuni nabrou na, nu naꞌa neke tei mhata neu. Mae Balam ne purini nogna dongki na mala ke pulo ka nabrou na.