Naba 21:7 - Buka Blahi Ka Cheke Holo

⁷ Aonu mare mei ka mae Moses, ne cheke eghu ka mana, “Ghehati la jafrahi naugna ghehati neke cheke faparini Lord nei iagho eghu. Eghume ghehati tore nigho iagho mala tarai ka Lord mala atha fadelei mana mogo phanaga igre ka ghehati!” Aonu mae Moses ne tarai ranghidi naiknore.

Naba 21:7 Referans Kwoze

Mae Khuru 8:24

Mae Simon ne cheke eghu ka mae Pita ghe mae Jone, “Phia mae, iara magnahaghei ghami ghopa te tarai ghau iara ka Lord. Tarai mala theome thoke ghau iara glepo te diꞌa te chekedi ghopa gre!”

Nodi Khoje Hatimare Mae Jiu 78:34

Leuleghu fata kate lehe na kehare neke tughu nagnafa neke pulo ka mana neke pogho ka mana.

Naba 11:2

Naiknore ne tanhi ka mae Moses mala toghodi, aonu mana ne tarai ka Lord, eghuteuna khaꞌaghi biꞌo na ne lehe soru.

Eksodas 8:8

Mae king ne kilodi mae Moses ghe mae Eron ne cheke eghu ka phiamare, “Jame toreni Lord ghopa me atha fadelei mana groma igre ka iara nei ka nogu naikno iara gre gu meu na, iara ginau na snakredi nomi naikno ghopa gre mala tei fafara ka mana.”

Ululahu Kings 13:6

Aonu King Jeroboam ne cheke eghu ka mae profet igne, “Iara magnahaghei nigho iagho te toreni God, nou Lord, mala togho ghau iara mala ke keli fapulo iara khamegu gne!” Aonu mae profet ne leghuni nogna cheke King na ne tarai ka Lord, eghuteuna khamegna King na neke keli fapulo jateula teke ululahu ia neu.

Eksodas 8:28

Aonu, mae king ne cheke eghu ka mae Moses, “Iara na snakre ghami ghotilo mala tei ghotilo mala fafara ka nomi Lord God na. Nu thosei tei fakhaba ghotilo eghu, nei thosei ghatho iho ghau iara ka nomi tharai na eghu.”

Jemes 5:16

Eghume te cheke thakledi ghotilo nakhibomire fari themi nei fari totoghoi ka nomi tharai na mala ke keli fapulo. Nogna tharai mae ihei te doglo fara ke ulugna God na thono nolaghi fara.

Letas Teke Riso Tei Mae Pol Ka Khiloau Rom 10:1

Kheraguro, iara thofno magnahagheni fara God te mala fakarhidi hui mae Jiu gre. Igne nogu tharai iara ka God na.

Matiu 27:4

Mae Judas ne cheke eghu ka mare, “Iara la jafrahi, naugna iara ne majorani mae te theo kaisei nakhibogna na ka glehe.” Mare ne cheke eghu ka mana, “Tuana nou puhi iagho themu kolho, theome nomi puhi ghehati.”

Profet Hosia 5:15

Uve, iara ginauna nake pulo mei ka nogu namono na mala ghilei filo glani mare najafra teke edi thedire. Kate au ka hoholo na, mare ginauna nake figri mei nake hiro ghau iara.”

Profet Jeremaea 37:3

Kaisei fata, King Sedekaea ne kilodi mae Jehukal, thugna mae Selemaea, ghe mae pris Sefanaea, thugna mae Masea mala tei toreni mae profet Jeremaea. Phei mae igre tei ne cheke eghu ka mana, “King magnahaghei nigho iagho te tarai ka Lord noda God mala togho ghita.”

Profet Jeremaea 15:1

Aonu Lord ne cheke eghu ka iara, “Jeremaea, fanomho sagho. Jame neubane mei namo ka iara mae Moses ghe mae Samuel phei nogu mae gloku iara tifa ra, neuba phia mare ne mei tanhi ka iara mala toghodi naiknodi Juda igre neu, iara ginauna na theome kokhonidi naiknodi Juda igre. Kuru tei delei naikno igre! Iara theome magnahaghei te filodi agne na!

Nodi Khoje Hatimare Mae Jiu 106:23

Aonu te chekeni God na, mana ginauna roꞌedi nogna naiknore. Nu mae Moses, mae ihei teke vavahi thegna Lord na ne theome magnahagheni gaoghathogna God na. Aonu mana ne kegra ke ulugna God ne fanograni te diꞌatagna mana ka naiknodi Israel re.

Thoutonu Eigna Mae Job 42:10

Ke leghugna te taraidi thilo mare te gnafa mae Job igne, Lord toghoni mae Job mala kaisei mae dedei. Mana ne pagu pea baludi gobigna lepo teke kulu au ka mana re.

Thoutonu Eigna Mae Job 42:8

Eghume ghotilo na hata tei fitu buluka nalhaꞌudi nei fitu sipu nalhaꞌudi, eghu tei ka mae Job. Eghuteuna ghotilo falelehe glepo igre mala fafara te thofno krono fara. Eghuteuna mae Job nogu mae gloku iara igne ginauna tarai mei ka iara eimi ghotilo. Eghuteuna iara ginauna nomhidi nogna tharai mana re. Neuba ghotilo ne jafrahi, nu iara ginauna na theome para ghami ghotilo. Ghotilo theome cheke fadoglo eigu iara jateula mae Job eghu.”

Ululahu Samuel 15:30

Aonu mae Sol ne cheke eghu, “Uve, iara la edihi glepo te diꞌa re, nu iagho ghatho tahu ghau iara ka tathajidi goro mae biꞌo te gnafa gre, nei ka tathadi naikno gre eghu. Mei sagho mala pulo tapa pogho soruni nou Lord God iagho na.”

Ululahu Samuel 15:24

Aonu, King Sol ne cheke eghu ka mae Profet Samuel, “Tutuani! Iara la jafrahi la theome faꞌuveni chekegna Lord na! Eghuteuna iara jaola neke theome leghudi nou cheke iagho ra neku. Iara neke mhaghudi nogu mae soldia gre neke leghudi unha te magnahaghedi mare re.

Diutronomi 9:20

Eghuteuna Lord jaola neke diꞌatagna fara ka mae Eron, jateula mana te tarabana teu te mala aknu faleheni ra neu. Nu iara ne taraini mae Eron, aonu mana neke theome faleheni mana.

Eksodas 32:30

Ka fapea narane na, Moses ne cheke eghu ka naiknore, “Tore! Nakhibo te eni ghotilo igne thono diꞌa fara! Gognarogne iara nake pulo ke haghe ka thogele gno mala ke cheke balugna Lord. Glahu tangomana iara te eni kaisei puhi te mala atha koko nakhibomi ghotilo re.”

Eksodas 32:11

Nu Moses ne fariuriu tughu nagnafagna Lord, nogna God na, ne cheke eghu, “Lord, naugna unha sagho te diꞌatamu fara te magnahaghei goigonidi naikno grea? Naikno igre nou iagho, iagho themu teke atha fajifladi Ijep, ka nou nolaghi biꞌo iagho.

Jenesis 20:7

Gognaro na iagho ke hata fapulo gaꞌase igne ka mae thofno khetogna na, naugna mae igne kaisei nogu mae profet iara, eghuteuna mana ginauna na tarai nigho iagho, eghuteuna iagho ginauna na theome tangomana te lehe na eghu. Nu jame te theome hata fapulo iagho gaꞌase igne na, iagho ginauna na lehe baludi nou naiknore.”

Jenesis 20:17

Lord ne theome snakredi khetogna nei nogna gaꞌase gloku eghu mae Abimelek gre te au sua na. Igne ke tughugna puhi teke eni mae Abimelek ka Sera khetogna mae Ebraham na. Aonu mae Ebraham ne toreni God mala ke fakarha fapuloni mae Abimelek, khetogna nei nogna gaꞌase gloku teu mana re neke tangomana teke au sua na.

Fapea Kings 13:4

Aonu King Jehoahas ne tarai ka Lord mala toghodi nogna naiknore, eghuteuna Lord ne nomhini nogna tharai mana na, naugna mana ne filo glanini king gna Siria te thofno goigonidi naiknodi Israel igre, ne cheke tughuni nogna tharai mana na.

Profet Isaia 26:16

Lord! Kate mei te para ghami iagho na nou naikno themu gre, ghehati ke ghatho fapulo ka iagho neke tarai ari ka iagho.

Eksodas 8:4

Groma tuare ginau na gasa haghe thoti ka thinigna mae king na, nei na jaola ka thinidi nogna mae funei nei naikno teu mana re.”

Eksodas 10:17

Iara magnahaghei ghami ghopa teke kaisei fata atha koko nakhibogu iara gre gognaro na. Tarai ka nomi Lord God na, nei toreni mana mala brue teidi delei glepo te diꞌa tela para ghau iara igne.”