Naba 19:11 - Buka Blahi Ka Cheke Holo

¹¹ Lord ne cheke eghu, “Mae iheire te habo ka thinidi naikno te lehe re, mare theome klino ka tathagu iara na nabagna fitu narane.

Naba 19:11 Referans Kwoze

Naba 5:2

“Cheke ka naiknodi Israel mala kuru fajifladi iheire naikno te au khabru ka guli, ba khabru te jifla glotho, ba iheire te habo lao ka thinidi naikno te lehe ka namono igne.

Naba 31:19

“Uve, ghotilo iheire teke falehe naikno, ba iheire te habo ka thinidi naikno te lehe ra, ghotilo ginauna au ka kosigna noda namono gne nabagna fitu narane. Eghuteuna ka fatilo rane nei ka fafitu narane teuna, ghotilo baludi goro gaꞌase teke tathalei te mei ghotilo are ginauna faklino ghami themi ka tathagna Lord na.

Levitikas 21:1

Lord ne cheke eghu ka Moses, “Cheke ka Eron nei hatimare mae pris ka tharakna gna mana. Kate lehe kheragna pris na, pris tuana mala thosei tei namo ka thinigna mae te lehe na, naugna mana ginauna theome klino ka tathagu iara na.

Naba 19:16

“Eghuteuna jame kaisei mae haboni thinigna mae teke lehe ka magra na, ba ka keha glepo are, ba ka nhubradi naikno te lehe, ba tei habo ka bekugna mae te lehe na, mae tuana jaola theome klino nabagna fitu narane ka tathagu iara na.

Naba 9:10

“Ihei te theome gae ka tathagu iara, naugna mana neke habo ka thinigna naikno te lehe, nei ihei te au fagaꞌu eghuteuna magnahaghei eni gaghamhu teuna, mare tangomana ngala te eni na, nu eni mare ka fa nabotho narane gna fapea nhigra na eghu. Mare mala ghamu nafnahi sipu te ikodi are balugna bret te theo isi gna nei khakla gaju te raha eghu.

Naba 9:6

Nu ka vido tuana, keha naiknore theome gae ka tathagna Lord na naugna mare neke habo ka thinidi naikno te lehe re, eghume theome tangomana mare te au ka gaghamhu ka narane tuana. Aonu mare tei ka mae Moses ghe mae Eron, ne cheke eghu ka phiamare,

Hibru 9:14

Nu dadaragna mae Kraes na au nolaghi biꞌo fara uluni igne te mala fagae ghita na. Mana neke atha thinigna thegna na mala eni kaisei fafara te klino tughu ghita ka nogna nolaghi mae Tharunga te Blahi te karha fabrahu. Naugna igne dadaragna mae Kraes na ne fagaedi nagnafadare mala theome eni tahati kaisei glepo te batu ghita kau glehe, nu tahati mala loku ranghini God mae te karha.

Efesus 2:1

Tifa na ghotilo neke au ka glehe, naugna ghotilo neke huhughuni God nei edi unha glepo te diꞌa.

Fapea Korin 6:17

Naugna igne Lord ne cheke eghu, “Lisa laodi naikno tuare, eghuteuna ghotilo mala au fadelei ka mare. Ghotilo mala thosei haboni kaisei glepo te thona ka tathagu iara na. Jame te leghuni ghotilo igne na, iara ginauna gleale'a mala hata ghami ghotilo.”

Letas Teke Riso Tei Mae Pol Ka Khiloau Rom 5:12

Nakhibo na neke thakle mei ka nauthoglu igne leghuni nogna najafra kaisei mae kolho, eghuteuna mana neke lehe eigna nakhibo. Eghuteuna naugna ka nakhibogna mae igne, glehe na neke thakle mei ka tahati te gnafa naikno te thakle mei ke leghugna mana re. Naugna tahati te gnafa na jaola kafe au ka nakhibo.

Profet Hagae 2:13

Mae Hagae neke fapea ghusna eghu ka mare, “Jame kaisei mae habo ka thinigna mae te lehehi na, eghuteuna habo ka kaisei gano, ba gano igne na theome klino ka tathagna God na?” Mae pris igre ne cheke eghu ka mana, “Uve, theome klino!”

Lamentations 4:14

Mae mala baubatu igre tei tafri jateula mae te dofu eghu ke lamna nabrou biꞌo. Mare fathonadi thedi ka dadara, mala theome tangomana kaisei naikno te habo ka nodi pohe mare re.

Levitikas 11:31

Jame ihei te haboni thinigna kaisei glepo te tautagu teke lehe na, mana ginauna na theome klino ka tathagu iara na ghilei rafi.

Mae Khuru 21:26

Ka keha narane na, mae Pol ne leghuni nodi cheke mare na ne hata fati mae igre balugna mala eni puhi te mala gae ke ulugna God na. Ke leghugna igne mae Pol ne tei ka Sugablahi na mala cheke ka mae pris re unha narane ka fitu narane igre nate gnafagna u narane te mala fagagae na, mala tangomana mae pris re te mala eni fafara ranghidi mare te gnafa na.

Mae Khuru 21:27

Kate namo gnafa fitu narane igre, keha mae Jiu di ka Provins Esia ne filoni mae Pol ke lamnagna Sugablahi na. Mare faꞌeiꞌei ne ghilei diꞌa tadi naiknore ne tei lokini mae Pol.

Levitikas 5:2

“Jame kaisei mae tafini thinigna glepo tautagu tela lehehi te theome gae ka tathagu iara na, nu theome laseni teuna, igne te fathonani mana ka tathagu iara na eghuteuna mana nabagna te papara eigna na.

Naba 6:6

“Eghuteuna leghu fata na thosei tei namo ka naikno te lehe re.

Profet Isaia 52:11

Jifla mei ka namono Babilonia! Jifla mei ka namono te diꞌa tuana! Thosei haboni kaisei glepo te thona ka tathagna God. Ghotilo mae te atha te mei glepo te blahi ka sugagna Lord ra, ghotilo mala jifla mei ka namono tuana, eghuteuna ghotilo mala gae ka tathagna God.

Levitikas 22:4

“Jame kaisei ka mae pris igre au fogra diꞌa ka thini, ba mana au fogra te jifla mei glotho ka mamaja gna na, pris igne theome klino ka tathagu iara na. Eghuteuna mana mala thosei ghamu kaisei vido ka gano blahi ghilei thokeni narane teke klino fapulo mana na. Eghuteuna jame kaisei pris haboni kaisei glepo te theome klino naugna mana neke haboni thini gna mae te lehe na, ba kholo gna mae pris igne jifla mei ka thini gna mana na,

Profet Esikiel 39:12

“Naiknodi Israel ginauna hata fitu nhigra te mala giugilui thinidi naiknore mala ke klino glose igne.

Profet Esikiel 44:26

Eghuteuna mana mala leghudi puhi te mala klino fapulo na, ke leghu, mana mala ke ofo nabagna fitu narane.