Naba 18:15 - Buka Blahi Ka Cheke Holo

¹⁵ Eghuteuna mae sua nalhaꞌu te gnafa teke kulu karha, nei glepo te tautagu te gnafa teke kulu karha teu te mala tufa mei ka iara Lord teure, glepo tuare jaola nomi ghotilo. Nu iagho ginau snakredi mala foli fajifladi mae sua nalhaꞌu teke kulu karha, nei glepo te tautagu teu te theome klino ka tathagu iara re.

Naba 18:15 Referans Kwoze

Eksodas 34:20

Nu nomi sua dongki nalhaꞌudi ghotilo teke kulu karha are, ghotilo ginauna tusu lao kaisei sipu ikoi ka God mala ke foli fajifla mana sua dongki tuana mala ke nomi ghotilo. Jame te tiromi foli fajifla ghotilo sua dongki tuana na, ghotilo ginauna lolhopa grara gna na mala lehe. Nu leuleghu fata na ghotilo mala foli fajifla thumi nalhaꞌu te gnafa ghotilo are. “Leuleghu fata na, ihei te mei ka iara na, mana atha mei glepo mala tusu mei ka iara.

Eksodas 13:2

“Goro masitei teke kulu karha ka ghotilo mae Israel are nei unha teke kulu karha ka nomi buluka ba sipu teu ghotilo are eghu mala nogu iara.”

Naba 3:46

Eghume mae te kulu karha ka keha vike igre ne thokei phei gobi fitusalei thiloi uluni vikegna mae Livae igre, eghume keha vike igre ginauna ke foli mae teke kulu karha ka mare tuare.

Naba 3:13

Tifa na, ka teke falelehe teke gnafa iara mae sua ululahu teke kulu karha ka naiknodi Ijep ra, iara neke kulu vahi fadeleihi mae sua nalhaꞌu teke kulu karha re baludi gobigna lepo teke karha Israel re mala nogu iara. Eghume mae sua nalhaꞌu te gnafa teke kulu karha Israel igre nogu iara. Iara Lord te chekeni igne.”

Eksodas 22:29

“Ghotilo thosei thodo te atha wit nei oliv oel nei waen mala fafara ka iara. Thumi nalhaꞌu teke kulu karha ka ghotilo are, nei

Eksodas 13:15

Ulu lahu na mae king gna Ijep na neke maku fara nagnafagna na neke tirogna snakre tei ghami ghehati. Eghume Lord neke falelehe goro mae sitei nalhaꞌu teke kulu karha ka mae Ijep re neku, nei jaola ngau nodi sua sipu nei nanigot eghu teke kulu karha re neku. Eghume gognaro na ghehati fafara sua nalhaꞌudi sipu nei nanigot teu igre ka Lord. Nu gognaro na ghehati tangomana teke foli fapulo goro mae sua nalhaꞌudi Israel teke kulu karha re.’

Naba 18:16

Kate thokeni kaisei nhigra mae sua nalhaꞌu na, mae kmagna na ginau foli fajiflani mana ka iara. Eghuteuna foligna mana te nanhaꞌa lao iara na glima silva koen teke skel mare ka nodi skel mae pris ra. Tahugna silva koen igne jateula varadaki koen ikodi te kilodi mare ‘gera.’

Diutronomi 15:19

Mae Moses tudu ne cheke eghu, “Kaisei buluka nalhaꞌugna teke kulu karha, ba nanigot, ba nomi sipu ghotilo, ghotilo fablahidi naugna nogna Lord, nomi God ghotilo. Ghotilo ginauna thosei hata kaisei buluka teke kulu karha mala loku, eghuteuna ghotilo thosei kuchi khaklagna kaisei sipu teke kulu karha.

Fapea Kings 12:5

Kate fadoglini ghotilo glokugna Sugablahi gne, ghotilo tangomana te hata sileni ka mae iheire te mala reireghi sileni are. Tuare sileni te mala loku ghotilo te mala fakekheligna unha te diꞌa ka Sugablahi na.”

Nehemaea 10:37

“Eghuteuna ghehati ginauna hata mei ka mae pris leuleghu finogha, flaoa majaghani teke edi ghehati ka soasopai nafnata wit, nei waen majaghani nei oliv oel majaghani, nei ghemi sisi gaju majaghani nate hata te mei ghehati mala bubukrei ke lamna chogho ka nogna Sugablahi God. Eghuteuna ghehati ginauna jaola hata mei katha vido ka fabothodi gano ka nomi nagare ghehati re mala tusu lao ka mae Livaet kate mei salo mare fabothodi gano igre.