Naba 16:12 - Buka Blahi Ka Cheke Holo

¹² Aonu mae Moses ne fatei cheke ka mae Datan ghe mae Abiram mala mei filoni thegna, nu phiamare ne cheke eghu, “Ghepa tiromi te ari na!

Naba 16:12 Referans Kwoze

Letas Teke Rioriso Mae Jud 1:8

Ginauna jateula tuana eghu mae velepuhi chaichaghi te tirodi leghuni God igre. Mare chekeni koba ne filodi thedi keha mifi eghu chaghi na. Naugna igne mare fatothonadi thinidi thedire ka nakhibo. Mare filo faparini kolho nogna nolaghi God na nei cheke fadiꞌadi engel re.

Profet Isaia 3:5

Naiknore ginauna fari pholai fari thedi. Naiknore ginauna theome keli ranghidi kheradi fofodure, eghuteuna mae nalhaꞌu majaghani nei gaꞌase majaghani teu igre ginauna theome ghatho tahudi naikno biꞌo nei mae biꞌo teure. Eghuteuna naiknore ginauna maꞌedi kolho nomi mae funei ghotilore.

Proveb 29:9

Jame mae te autagna gaoghatho te keli na athani mae te fameomekro na ka fate, mae te fameomekro igne na theome au kmu, nu mana na cheke faparini nei naghoni eghu kolho mana. Eghuteuna theo kaisei pharikeli jare na.

Naba 16:1

Mae Kora gne, thugna mae Isaha ka vikegna mae Kohat ka vikegna mae Livae. Eghuteuna keha thilo mae eghu te balugna mana na, nanghadire mae Datan, mae Abiram nei mae On. Thilo mae igre jifla mei ka vikegna mae Ruben. Eghuteuna mae Datan ghe mae Abiram gre phei thugna mae Eliab. Eghuteuna mae On na thugna mae Pelet. Mare ne toredi phei gobi glimafulu mae lida mala baludi thedi mala magrini mae Moses.

Naba 16:11

Iagho baludi keha kheramu teu are, ne cheke faparini hila mae pris Eron eghu si ghotilo gaoghathomi na ia. Theo fara! Tutuani, ghotilo cheke faparini kolho Lord!”

Naba 16:13

Filo sagho! Iagho neke atha fajifla ghami ghehati ka famane namono Ijep mala falehe ghami ghehati ka namono nagou igne! Ne unha site magnahaghei funei ghami ghehati iagho gnea?