Naba 15:4 - Buka Blahi Ka Cheke Holo

^4-5 Eghuteuna ihei te atha kaisei sipu ikoni mala fafara na, mana ginauna atha kaisei kilo flaoa gna wit te famane are eghuteuna ngingo balugna kaisei lita oliv oel, naugna tuana fafara eidi gano ka thobi re, eghuteuna mana jaola mala fafara mei kaisei lita waen mala tofa ka olta.

Naba 15:4 Referans Kwoze

Eksodas 29:40

Hamerane, kate gahu iagho sipu ulu lahu na, iagho atha kaisei kilo flaoa teke eni ka famane wit, eghuteuna ngigno flaoa igne balugna kaisei lita ka famane oliv oel te keli, mala gahu balugna. Eghuteuna iagho tofa lao kaisei lita waen balugna ka fafara igne, mala tusu mei ka iara.

Levitikas 23:13

Eghuteuna balugna sipu igne, pris mala ei fafara ka phei kilo flaoa ka famane wit teke ngigno fodu ghotilo balu oliv oel. Pris mala gahu ke kligna olta mala eni kaisei glepo blahi te siri keli gna mala kelitagu iara Lord. Eghuteuna ghotilo mala tofa kaisei lita waen rhegna olta na mala kaisei fafara balu sipu nei fafara ka flaoa.

Levitikas 6:14

Lord ne cheke eghu ka mae Moses, “Igne vetula eidi flaoa te edi ka famane wit. Mae pris thugna mae Eron igre mala atha fajifla keha famane flaoa ka khamegna na eghuteuna ngigno balu oliv oel nei insens, eghuteuna pala mei ke ulu olta mala tusu mei ka iara. Aonu mana ginauna gnubra ke kligna olta mala laseni mae igne te tusu mei ka iara na, eghuteuna sisirigna glepo blahi igne iara Lord keli taguni fara.

Levitikas 2:1

Lord ne cheke eghu, “Jame kaisei mae ka ghotilo magnahaghei atha mei gano ka nagare mala famei ka iara, mana mala atha mei flaoa teke eni ka famane wit. Eghuteuna mana mala lilisei oliv oel nei insens eghu ka flaoa igne.

Levitikas 14:10

“Ka fahana narane na, mae igne mala atha mei phei sipu nalhaꞌudi ikodi balugna kaisei sipu gaꞌase gna ikoi te kaisei finogha, eghuteuna thilo glepo igre theo kaisei thona ka thinidi re. Eghuteuna mana mala atha mei fafara ka thilo kilo flaoa ka famane wit teke ngigno fodu mare ka oliv oel, eghuteuna mana jaola mala atha mei kaisei kapu oliv oel biꞌo.

Hibru 13:16

Nu thosei ghatho ihoni te mala edi gloku te keli tangomana te mala toghodi keha naiknore, naugna fafara jateula tuana eghu te keli tagnani God na.

Profet Malakai 1:11

Naikno te gnafa ka kantri te gnafa teu ka nauthoglu na igre ginauna atha insens nei gano eghu mei mala fafara ka olta, eigna mare ghatho tahu ghau iara.’

Profet Esikiel 46:14

Leuleghu narane na, ghotilo ginauna hata mei thilo kilo flaoa ka famane wit balugna kaisei lita oliv oel mala ngigno ka flaoa igne, mala hata mei ka iara. Ghotilo mala leghuni vetula igne mala hata mei ka koba iara.

Profet Isaia 66:20

Mae igre ginauna atha mei kherami ghotilo te au ka keha kantri are mala mei ka nogu Thogele Blahi iara Jerusalem, mala snakre mei naikno igre ka iara Lord jateula kaisei fafara eghu. Mare ginauna atha mei naikno igre ka hose, ka dongki, ka kamel nei ka chariot. Mare atha mei kherami ghotilo igre mala nogu iara. Ghotilo mala jateula te thofno naiknomi Israel te atha te mei ka kharaꞌo gano te gae ka tathagu iara na te mala mei tufa ka iara ka Sugablahi ia eghu.

Jajis 9:9

“Nu mana ne cheke eghu, ‘Theo! Jame iara te noda funei tahati na, jame te eghu na, iara ginauna jifla kokoni nogu gloku iara te mala eni oel ka iheire te hata te mala kilo fnaknoni god nei naikno!’

Levitikas 2:15

Eghuteuna ghotilo tofa oliv oel tagna, eghuteuna ghotilo jaola lilisei insens tagna naugna famane flaoa majaghani teke eni ka wit.

Levitikas 3:7

Jame mana atha mei kaisei sipu ke ulugu iara Lord,

Naba 28:4

Keha na fafara fei hamerane, eghuteuna keha na fafara fei grafi,

Naba 28:12

Eghuteuna ghotilo ginauna gahu phei buluka balugna namno kilo flaoa ka wit te famanedi teke ngingo ghotilo balugna oliv oel ia. Thilo kilo flaoa balugna keha buluka na, nei keha thilo kilo flaoa ka keha buluka na. Eghuteuna sipu nalhaꞌu gna igne, ghotilo ginauna gahu baludi phei kilo flaoa ka wit teke ngingo ghotilo balugna oliv oel ia.

Esra 7:17

Iagho thosei koko tafri sileni igne, iagho mala foli buluka nalhaꞌudi nei sipu nalhaꞌudi nei sua sipu nei wit nei waen, mala fafara ke kligna olta ka nogna Sugablahi God na Jerusalem.

Naba 29:6

Neubane edi ghotilo keha fafara re ka narane ululahu gna nhigra tuana, eghuteuna neubane edi ghotilo u fafara te edi koba ghotilo leghu rane leghudi nodi vetula mare re, ghotilo mala edi ngala u fafara te blahi na ka narane tuana, nei sisiri gna fafara tuana te ginau fagleꞌa ghau iara na.”