Nonomho Te Keli Teke Risoi Mae Mak 8:33 - Buka Blahi Ka Cheke Holo

³³ Mae Jisas ne figri lao ka nogna mae fanomhore ne cheke eghu ka mae Pita, “Iagho mae Satan, tei nou! Iara kilo nigho iagho mae Satan naugna iagho magnahaghei fanagra ghau iara te mala eni unha te magnahagheni God na. Unha te chekeni iagho igne theome mei funu ka God, nu nogna gaoghatho naikno kolho.”

Nonomho Te Keli Teke Risoi Mae Mak 8:33 Referans Kwoze

Matiu 4:10

Mae Jisas ne cheke eghu ka mana, “Tei delei, ghema Satan! Naugna te chekeni teu kau grioriso te blahi na, ‘Iagho pogho soru ranghini Lord nou God, eghuteuna loku ranghini kolho mana.’ ”

Ululahu Jone 2:15

Thosei namhani puhigna nauthoglu igne ba glepo gna nauthoglu igne. Jame ihei te namhani puhigna nauthoglu na, nogna namha Mama na theome au ka mana.

Filipae 3:19

Kate lehedire, naikno tuare ginauna tei ka vido te mala au papara na. Naugna nafnata naikno tuare ne khogla fakelidi kolho thinidi thedire. Neuba ngau, naikno tuare theome mamajadi nakarhadi te diꞌare, nu gleale'adi ngala puhi diꞌa te edi thedire. Naugna mare ghatho tahuni kolho puhigna u nauthoglu igne.

Thakle 3:19

Naikno te namhadi fara iara gre, iara tangomana te cheke faheta ranghidi mala lilisei nodi puhi te diꞌare, nei jaola tangomana te farirhiudi mala leghuni nabrou te doglo na. Eghume, ghotilo mala hati nhetami na mala koko puhi te diꞌare.

Nodi Khoje Hatimare Mae Jiu 141:5

Keli kolho ka iara jame te mei cheke ghau nei farirhiu ghau teu kaisei mae te keli puhigna na, te mala doglo iara nakarhagu na. Nu iara thono tirogu fara te leghuni kaisei mae te diꞌa puhigna na te mala nogna naikno mana na, naugna leuleghu fata na iara toreni Lord koba mala paradi mana naikno te diꞌa puhidire tuare.

Ululahu Pita 4:1

Kani au teku ka nauthoglu igne, mae Kraes neke au papara ka thinigna thegna. Ghotilo jame jaola au nafnata gaoghatho te au ka mana igne mala kegra heta. Naugna ihei te au papara na, mana ginauna theome tangomana te leghuni puhigna nakhibo na.

Ululahu Timoti 5:20

Nu jame kaisei mae biꞌo ka khiloau tapla jafra ka nakhibo, iagho cheke faheta fara ka mana kate kafe au fodu teu naikno khiloaure mala mhaghu keha naiknore mala thosei ke enila najafra tuana.

Ululahu Korin 5:5

Ka narane te salo fodu tuana, tahati lisa laoni mana ka khamegna mae Satan mala roꞌeni thinigna mana na. Ka puhi igne God ginauna tangomana te fakarhini tharunga gna mana na ka narane gna noda Lord na.

Luku 22:61

Ka vido tuana la mae Jisas ne figri ne filo lao ka mae Pita. Aonu ka vido tuana mae Pita neke ghatho fapuloni unha teke cheke eghu mae Jisas na, “Iagho ginau bongi na na theome tanhi ngau khokorako na, na thilo fata chekeni ne theome lase ghau iara teuna.”

Nonomho Te Keli Teke Risoi Mae Mak 3:34

Aonu mae Jisas ne filo ka naikno te gnokro faligohoni teu mana re ne cheke eghu, “Igre ngala jateula idogu nei mae thabusigu teu iara re!

Nonomho Te Keli Teke Risoi Mae Mak 3:5

Mae Jisas ne filo ka naiknore ne diꞌatagna fara, naugna mare ne maku fara pha'udire. Nu neuba ngau, mana ne kokhoni nognadi fara. Mana ne cheke eghu ka mae te lehe khamegna na, “Ngafa haghe khamemu ana.” Mana ngafa haghe khamegna na neke keli fapulo.

Matiu 15:23

Mae Jisas ne theome cheke ka naꞌa. Nogna mae fanomhore mei ne cheke eghu ka mana, “Ghema, chekeni sagho naikno biꞌo tuana mala tei delei! Naugna naꞌa leghu ghita ne eha fabrahu.”

Fapea Samuel 19:22

Nu mae Devet ne cheke eghu ka phia mae thabusigna igre, mae Abisae ghe mae Joab, “Ghopa theo nomi puhi ka igne. Gognarona ghopa kegra fothini nogu gaoghatho iara na. Iara king gna Israel gognarona. Eghume te chekeni iara ka ghopa na, theo kaisei naikno na teke lehei Israel gognarona.”

Levitikas 19:17

“Ghotilo thosei tiromini fara kherami na, nu kate filoni ghotilo kherami igne te eni mana unha te jafra na, ghotilo tei cheke ka mana najafra igne. Ka puhi igne ghotilo ginauna theome eni nakhibo na ka mae tuana.

Taetus 1:13

Unha glepo te chekeni mae profet igne thono tutuani fara ngala. Eghume iara magnahaghe nigho te cheke faheta ka naiknodi Krit are mala laseni naiknodi Krit re u nodi farirhiu chaichaghi mae velepuhi te chaichaghi te theome doglo igre eghu. Nu famane farirhiudi iagho eghu mala fatutuani ni kolho mare u farirhiu te tutuani na,

Luku 9:55

Nu mae Jisas ne figri ne diꞌatagna ka nodi cheke phiamare na.

Luku 4:8

Mae Jisas ne cheke tughu eghu ka mae Satan, “Te chekeni ka grioriso te blahi ia, ‘Iagho pogho soru ranghini Lord nou God, eghuteuna loku ranghini ngala mana.’ ”

Thoutonu Eigna Mae Job 2:10

Nu Job ne cheke eghu, “Iagho thosei cheke fameomekro jateula tuana eghu! Kate tusu mei God glepo te keli ka tahati na, tahati kelitada kate hata na. Naugna unha site khuru cheke tahati kate tusu mei mana puhi biꞌo ka tahati grea?” Neuba puhi biꞌo te diꞌa fateote'o igre ne thokeni Job, Job theome cheke diꞌa.

Matiu 16:23

Mae Jisas figri ne cheke eghu ka mae Pita, “Iagho mae Satan, tei nou! Iara kilo nigho iagho mae Satan naugna iagho magnahaghei fanagra ghau iara te mala eni unha te magnahagheni God na. Unha te chekeni iagho igne theome mei funu ka God, nu nogna gaoghatho naikno kolho.”