Nonomho Te Keli Teke Risoi Mae Mak 8:17 - Buka Blahi Ka Cheke Holo

¹⁷ Mae Jisas ne laseni unha te ghathoni mare na ne cheke eghu ka mare, “Naugna unha site nanga nomi fara ghotilo gnea, ba te theome hata gano gne? Ba theome filoni nei laseni eghu ngala si ghotilo gnea? Ba theome glolau ngala ka nagnafami ghotilo re signea?

Nonomho Te Keli Teke Risoi Mae Mak 8:17 Referans Kwoze

Nonomho Te Keli Teke Risoi Mae Mak 6:52

Mare theome laseniu ngala gaoghathogna kofubobhoi teke eni mana ka glima bret ra. Naugna nagnafadi mare re romno fara.

Nonomho Te Keli Teke Risoi Mae Mak 2:8

Mae Jisas ghosei ne lasedi unha te ghathoni mare ka nagnafadire ne cheke eghu ka mare, “Naugna unha site au mei nafnata gaoghatho igre ke lamnami ghotilo ia?

Profet Isaia 63:17

Lord, naugna unha sagho te snakre ghami te tei snivi ghehati ka puhimu iagho te keli gnea? Naugna unha sagho te snakre ghami te thufu ghehati te figri fadelei ka iagho gnea? Funu tifa te ghilei mei posa ka narane gognaro igne, ghehati nou naikno iagho, eghuteuna ghehati nou naikno gloku iagho. Iagho ke pulo mei mala togho ghami!

Nonomho Te Keli Teke Risoi Mae Mak 3:5

Mae Jisas ne filo ka naiknore ne diꞌatagna fara, naugna mare ne maku fara pha'udire. Nu neuba ngau, mana ne kokhoni nognadi fara. Mana ne cheke eghu ka mae te lehe khamegna na, “Ngafa haghe khamemu ana.” Mana ngafa haghe khamegna na neke keli fapulo.

Thakle 2:23

Iara ginauna jaola falehedi iheire te leghuni naꞌa re. Aonu khiloau te gnafare ginauna lase ghau iara te tangomana te filo glanidi unha te au ke lamnagna nagnafadi naikno te gnafare. Eghuteuna iara ginauna jaola foli fapulo ghami ghotilo hui leghuni ngala unha teke eni ghotilo na, te keli ba te diꞌa.

Jone 21:17

Fatilo fata na mae Jisas neke cheke eghu la ka mae Pita, “Simon, thugna Jone, iagho namha ghau iara ngau sia?” Mae Pita ne diꞌanagnafa gna fara naugna mae Jisas ne thilo fata cheke eghu ka mana, “Iagho namha ghau iara ngau sia?” teuna. Eghume, mae Pita ne cheke eghu ka mana, “Lord, iagho lasedihi gobigna lepore. Iagho lase ghau iara te thofno namha nigho na.” Mae Jisas ne cheke eghu ka mae Pita, “Reireghidi gnafa nogu naikno iara jateula sipu teu igre.”

Jone 16:30

Gognarona ghehati lase nigho iagho thofno lasedi gobi lepore. Neuba kaisei naikno ne theome ghusna nigho iagho, iagho la kulu lasenihi unha te ghathoni mana na. Ka igne te fatutuani nigho ghehati neke mei iagho funumu ka God teuna.”

Luku 24:25

Ke leghugna igne mae Jisas ne cheke eghu ka phiamare, “Tore, ghopa gne ihou kolho signe. Ghopa gne theome faghose fatutuanidi kolho gobigna lepo teke chekedi hatimare mae profet ra!

Nonomho Te Keli Teke Risoi Mae Mak 16:14

Ke leghu na mae Jisas mei ne thakle ka nabotho kaisei mae fanomhore, ka vido te ima teu mare na. Mana mei ne cheke faheta ka mare, naugna mare ne theome biꞌo nodi fatutuani na. Mare ne maku fara nagnafadire ne theome fatutuanidi iheire teke filoni mana ke leghugna teke karha fapulo mana ka glehe na.

Matiu 15:17

Ba, ghotilo theome laseniu ngala si gaoghathogna nogu cheke iara ignea? Glepo te ruma ka foflogna naikno na, doglo tei ka thi'a na. Eghuteuna ke leghu na glepo tuana nake jifla ka thini mana na.

Matiu 12:15

Kate laseni mae Jisas te magnahaghei faleheni mare na, mana ne jifla kokoni vido tuana. Eghuteuna kmana naikno ne tei balugna mana, nu mana kafe fakelidi ne hui naikno te fogra re.

Matiu 16:7

Mae fanomhore ne cheke eghu farithedi, “Mana jame cheke eghu naugna tahati theome hata baluda keha bret.”

Nonomho Te Keli Teke Risoi Mae Mak 8:16

Hatimare ne nomhini cheke mana igne ne cheke eghu fari thedi, “Mana chekeni igne naugna tahati ne theome hata keha bret.”