Nonomho Te Keli Teke Risoi Mae Mak 7:15 - Buka Blahi Ka Cheke Holo

¹⁵ Glepo te funu ke kosi te ruma ka foflogna naikno na theome fathonani mana. Nu unha te jifla mei ka foflogna naikno na tuana te tangomana te fathonani mana na.

Nonomho Te Keli Teke Risoi Mae Mak 7:15 Referans Kwoze

Proveb 4:23

Saghe leghu fakelini nagnafamu na, eigna nakarhamu iagho na jifla mei jare.

Taetus 1:15

Mae ihei te famane keli u gaoghathogna na ke ulugna God na mana filo glanidi gobigna lepo te kelire. Nu eigna mae ihei te theome keli ke ulugna God nu theome fatutuani ni mae Jisas Kraes teuna, mana theome tangomana te filo glani kaisei glepo te keli na. U nafnata naikno tuana au u gaoghatho te diꞌa nu u glalase eigna God na theome keli kolho ka mana.

Hibru 13:9

Eghume thosei ke riu ka keha nafnata puhi majaghani te jafra. Eigna ghotilo ginauna na snivi ka nabrou te doglo. Nu snakreni God mala farheta ghami ka nogna khokofakasai na. Nu nafnata vetula eigna gano na, theome tangomana te farheta ghita, nei theome eni kaisei glepo te kelila ranghidi iheire te leghudire.

Hibru 9:10

Naugna glepo te gnafa igre puhi eidi gano nei khoꞌu, ba nafnata puhi mala titihi igre maladi thini kolho. Eghuteuna vetula igre mala leghudi tahati ghilei thoke mei u narane God nate tughu ka nhaꞌa cheke te majaghani.

Matiu 12:34

Ghotilo gne jateula mogo eghu, naugna ghotilo lase chaichaghi fara! Ninhigrana fara ranghi ghami ghotilo te chekeni kaisei glepo te keli na, naugna puhimi ghotilo re theome keli. Unha te fodu ka nagnafagna naikno na, tuana ngala te jifla mei ka chekegna mana re.

Letas Teke Riso Tei Mae Pol Ka Khiloau Rom 14:17

God na theome funei fruni ghita naugna te ima tahati keha nafnata gano ba koꞌu. Theo. Nu God na funei fruni ghita tahati kate eni unha te doglo na ke ulugna mana, nei au ka pharikeli, nei au gleale'a ka Tharunga te Blahi.

Ululahu Korin 10:25

Tutuani, tahati tangomana te ima gano teke foli ka maket na. Thosei ghusnani unha teke eni mare ka nafnata gano igne te mala laseni iagho te jafra mala ima na.

Mae Khuru 10:28

Mae Pita ne cheke eghu, “Uve, kheraguro, ghotilo lasenihi, thono blahi fara ka nomi vetula ghehati mae Jiure te sighoni ba te fofodu ka ihei te theome Jiu na. Nu God neke falalase ghau iara mala thosei chekeni iara ka ihei te thona ke ulugna God ba ihei te theome naba mala fofodu ka God.

Matiu 15:16

Mae Jisas ne cheke eghu ka nogna mae fanomhore, “Tore, kafe romnou ngala jateula mae Farasi gre eghu si ghotilo ia?

Nonomho Te Keli Teke Risoi Mae Mak 7:14

Mae Jisas ne kilo meidi naiknore ka thegna, ne cheke eghu ranghidi, “Kafe fanomho fakeli ka iara ghotilo ia mala laseni unha te chekeni iara gne.

Nonomho Te Keli Teke Risoi Mae Mak 7:16

Uve, ghotilo naikno te fanomho ka iara gre, hiro fakeli gaoghathodi cheke igre.”