Nonomho Te Keli Teke Risoi Mae Mak 7:13 - Buka Blahi Ka Cheke Holo

¹³ Eghume ghotilo farirhiudi naiknore mala leghudi kolho nomi puhi themire, eghuteuna chekegna God na jateula glepo tharu maei eghu kolho ka ghotilo. Kmana nafnata puhi jateula igre eghu te edi koba ghotilo re.”

Nonomho Te Keli Teke Risoi Mae Mak 7:13 Referans Kwoze

Nonomho Te Keli Teke Risoi Mae Mak 7:9

Aonu mae Jisas ne cheke eghu, “Ghotilo laseni fara puhi te mala tuthughu nogna vetula God na, mala leghudi kolho nomi puhi farirhiu themire.

Taetus 1:14

nu mala thosei leghudi u nodi thoutonu poto mae Jiu are, ba u nodi vetula naikno te tirodi leghuni u farirhiu te tutuani na.

Profet Hosia 8:12

Iara neke rioriso kmana vetula maladi mare, nu ka gaoghathodi mare na, vetula igre jateula te maladi keha vikei ra eghu kolho.

Profet Isaia 8:20

Ghotilo fanomho fakeli ka nogna cheke Lord teke farirhiu ghami ghotilo ra. Iheire te theome leghudi farirhiu igre na, mare jateula ihei te au ke lamna gromnora eghu kolho.

Nonomho Te Keli Teke Risoi Mae Mak 7:3

Hatimare mae Farasi nei mae Jiu te gnafa gre eghu mare leghudi mei nodi puhi mae ku'edi tifa re, mare kulu titihi fagae khamere ame tangomana nga te ghamu na eghu.

Matiu 15:6

Ghotilo farirhiuni naikno tuana mala thosei toghodi idogna kmagnare. Eghume, te leghuni ghotilo nomi kastom themi tuana, ghotilo theome ghatho tahuni kolho chekegna God na.

Profet Esikiel 18:14

“Ghathoni mae te diꞌa te au kaisei thugna nalhaꞌu igne, nu neuba mae thugna mana igne ne filo glanidi nakhibogna mae kmagna na, mana theome leghuni kolho puhigna mae kmagna na.

Galesia 5:21

mamagna, koꞌu, ei gaghamu malagna puhi diꞌa nei keha nafnata puhi diꞌa jateula igre eghu. Iara gognaro na cheke faheta ka ghotilo jateula teke eni thegu ka ghotilo tifa ia eghu. Naikno te edi fabrahu puhi igre ginauna theome tangomana te au baludi naikno te funei frunidi God re.

Nonomho Te Keli Teke Risoi Mae Mak 7:5

Hatimare mae Farasi nei mae velepuhigna vetula nogna mae Moses eghu ne ghusna eghu ka mae Jisas, “Nou mae fanomho iagho gre theome leghudi vetula teke tusu mei ka tahati mae ke biꞌoda tifa ra. Nou mae fanomho iagho gre ghamu ghedi ganore ka khamedi te theome gae re. Naugna unha site eni mare ignea?”

Nonomho Te Keli Teke Risoi Mae Mak 7:12

Ka puhi tuana ghotilo theome snakreni mana mala toghodi idogna kmagnare kolho.

Nonomho Te Keli Teke Risoi Mae Mak 7:14

Mae Jisas ne kilo meidi naiknore ka thegna, ne cheke eghu ranghidi, “Kafe fanomho fakeli ka iara ghotilo ia mala laseni unha te chekeni iara gne.

Galesia 1:14

Eghuteuna iara heta fara mala leghu fakelini nodi kastom hatimare mae biꞌomi Jiu tifa ra. Ka puhi igne iara loku heta fara uludi kmana mae kheragu te majaghani ra.