Nonomho Te Keli Teke Risoi Mae Mak 5:29 - Buka Blahi Ka Cheke Holo

²⁹ Kate habo naꞌa ka nogna phoko mae Jisas na dadara na ghosei ne noto. Eghuteuna naꞌa ghosei ne laseni khabru teke au ka naꞌa na kela keli fapulohi.

Nonomho Te Keli Teke Risoi Mae Mak 5:29 Referans Kwoze

Nonomho Te Keli Teke Risoi Mae Mak 5:34

Mae Jisas ne cheke eghu ka naꞌa, “Naikno biꞌo, iagho kela keli fapulo naugna iagho ne fatutuani. Iagho tangomana te tei na, eghuteuna thosei nanga nou naugna iagho ginauna nake theome au papara.”

Nonomho Te Keli Teke Risoi Mae Mak 3:10

Mana neke fakelidi kmana naikno te fogra. Naugna igne naikno te fogra igre ne kafe thugha mei ka mana mala haboni mana.

Nodi Khoje Hatimare Mae Jiu 103:3

Mana hata kokodi nakhibogu iara re, eghuteuna fagaota fapulodi khabrugu iara re.

Nodi Khoje Hatimare Mae Jiu 30:2

Nogu Lord God, iara neke tore nigho iagho neke mei togho ghau kau glehe. Iagho neke theome snakre ghau iara te tei ka namonodi mae tela lehehi ra, nu teke fakarha fapulo ghau iara na.

Nodi Khoje Hatimare Mae Jiu 147:3

Iheire teke au diꞌanagnafa ra kela glealeꞌa fapulo, eghuteuna iheire teke kabru ra kela gaota fapulo.

Nodi Khoje Hatimare Mae Jiu 107:20

God neke cheke ranghidi neke keli fapulo thinidire. Uve, mana neke fakarhidi kau glehe.

Eksodas 15:26

Aonu God ne cheke eghu ranghidi naiknore, “Iara nomi Lord God ghotilo, iara neke famafodi khabrumi ghotilo ra. Jame te leghu ghau iara ghotilo te edi glepo te keli ka gaoghathogu iara re, nei leghudi nogu vetula iara re teuna, iara na theome tusu ari ka ghotilo nafnata khabru teke edi iara ranghidi mae Ijep ra teke au papara mare ra.”

Ululahu Kings 8:37

“Glahu thoke mei narane te theo gano, ba fogra biꞌo, ba muno, ba cheche, ba naoka te mei te goigonidi nomi namono gre.

Levitikas 20:18

“Jame kaisei mae thuru fodu balugna gaꞌase te thokeni khabru gaꞌase na, ghotilo lisa fadeleidi repa ka naiknodi Israel, naugna repa ne fakakhana vido aheva te jifla mei dadara tagna na.

Luku 7:21

Phei mae fanomho igre tei ne filoni mae Jisas te fakelidi kmana naikno te fogra, nei dofu, nei bruedi naitu teure.

Matiu 9:20

Kate tei mare na, kaisei naikno biꞌo te dadara fabrahu nabagna nabotho phei finogha na mei ke leghugna mae Jisas, ne mei habo ka nogna khukru pohe mana na.

Nonomho Te Keli Teke Risoi Mae Mak 5:28

Naugna naꞌa ne cheke eghu ka nagnafagna na, “Jame haboni kolho iara nogna pohe mae Jisas na, iara ginauna tangomana teke keli fapulo.”

Levitikas 14:48

“Nu jame pris tei fifilo ka suga igne, eghuteuna mana filoni thona igne neke theome ke jifla mei ke leghugna narane teke lilisei plasta majaghani na, mana mala chekeni suga tuana klino ka tathagu iara na, naugna thona tuia la gnafahi.