Nonomho Te Keli Teke Risoi Mae Mak 3:9 - Buka Blahi Ka Cheke Holo

⁹ Naugna te kmana fara naikno na, mae Jisas ne chekedi nogna mae fanomhore mala tarabana kaisei mola ka mana, na eghunu kafe thugha mei naiknore me khapru tafruni eghu.

Nonomho Te Keli Teke Risoi Mae Mak 3:9 Referans Kwoze

Jone 6:15

Ka narane tuana mae Jisas ne filo glanidi u gaoghathodi naiknore te magnahaghei huhuruni mana mala mae King. Aonu mana megei nga ne jifla ne tei au thegna kau thogele na.

Nonomho Te Keli Teke Risoi Mae Mak 5:30

Kau vido tuana, mae Jisas ghosei ne haimini nolaghi te jifla mei ka mana. Aonu mana kegra snoto ne figri faleghu ka naiknore ne ghusna eghu, “Ihei site habo ka nogu phoko iara gnea?”

Matiu 15:39

Ke leghugna te ghamu naikno re, mae Jisas chekedi naiknore mala ke pulo ka namonodire. Aonu, mana saghe ka mola na ne tei ka nohi Magadan.

Nonomho Te Keli Teke Risoi Mae Mak 4:1

Keha fata na mae Jisas ne farirhiudi naiknore ka geri Kholo Galili. Kau narane tuana kmana naikno mei ne khapru faligohoni mana. Aonu mana saghe ka mola sobo teu ka kholo na. Eghuteuna naiknore kegra neu mata ka gratha na.

Nonomho Te Keli Teke Risoi Mae Mak 4:36

Aonu, mare ne tei kokodi naiknore ne saghe ka mola teke kulu saghe mae Jisas na ne tei balugna mana. Eghuteuna keha mola langau ne tei baludi mare.

Nonomho Te Keli Teke Risoi Mae Mak 5:2

Kate soru mae Jisas ka mola na kaisei mae ne mei ka mana funu ka gluma aheva te mala giugiluidi naikno te lehere. Mae igne au kaisei naitu tagna.

Nonomho Te Keli Teke Risoi Mae Mak 6:32

Mare saghe ka mola na ne tei ka namono te theo naiknogna na.

Luku 5:1

Kaisei fata, mae Jisas kegra ka gratha Kholo Genesaret. Kmana naikno fara ne kafe khapru mei ka mana mala fanomho ka chekegna God.

Luku 5:3

Mae Jisas ne saghe ka kaisei mola, mola igne nogna mae Simon. Aonu mana ne toreni mae Simon mala tugha fararu mola na katha vido. Mae Jisas ne gnokro ne farirhiudi naikno teke khapru mei ka mana re.