Nonomho Te Keli Teke Risoi Mae Mak 2:15 - Buka Blahi Ka Cheke Holo

¹⁵ Ke leghu, ka narane tuana mae Jisas ne ghamu ka sugagna mae Livae. Kmana mae te diꞌa mala salo takis nei keha mae te diꞌa langau te leghuni fabrahu mae Jisas, nei keha mae te diꞌa teu igre mei ne ghamu balugna mana, eghuteuna hatimare nogna mae fanomhore.

Nonomho Te Keli Teke Risoi Mae Mak 2:15 Referans Kwoze

Luku 15:1

Kaisei fata, kmana mae te diꞌa mala salo takis, nei keha mae te diꞌa eghu ne khapru mei mala fanomho ka mae Jisas.

Luku 6:17

Mae Jisas neke soru baludi nogna mae khurure funu ka thogele na. Mana soru ne kegra ka sare na baludi mae fanomho te kmanare. Eghuteuna kmana naikno ne mei funudi ka namono te iko tongana Judia, Jerusalem, nei ka namono te au ke tongna rhedi phei namono biꞌo Taea ghe Sidon.

Matiu 5:46

Jame te namhadi kolho ghotilo naikno te namha ghami themire, God ginauna na theome taba ghami ghotilo. Naugna mae te diꞌa te saosalo takis igre mare jaola eni tuana.

Nonomho Te Keli Teke Risoi Mae Mak 2:14

Kate ratha te tei na, mana ne filoni mae Livae thugna mae Alfius gnokro neu ka vido mala foli takis na naugna mana loku jare. Mae Jisas ne cheke eghu ka mana, “Ghema, mei leghu ghau iara, iagho mala nogu mae fanomho iara.” Mae Livae kegra haghe ne leghuni mae Jisas.

Nonomho Te Keli Teke Risoi Mae Mak 2:16

Nu keha mae velepuhigna vetula te mae Farasi igre ne filoni mae Jisas te ghamu baludi naikno te diꞌa igre. Aonu mare ne cheke eghu ka nogna mae fanomho mana re, “Naugna unha si mana te ghamu baludi mae te diꞌa te salo takis nei keha naikno te diꞌa teu igrea?”