Nonomho Te Keli Teke Risoi Mae Mak 16:12 - Buka Blahi Ka Cheke Holo

¹² Aonu, ke leghugna igne, mae Jisas ne thakle ka phia nogna mae fanomhore, kate nolo te tei phiamare ka nabrou ke kosi gna namono na. Nu mae Jisas na theome jateula teke tifa ia neu fifilogna na.

Nonomho Te Keli Teke Risoi Mae Mak 16:12 Referans Kwoze

Jone 21:14

Funu ka narane ke leghugna teke kegra fapulo mana kau glehe na, igne fatilo fata mae Jisas te thakle ka nogna mae fanomhore.

Jone 21:1

Kaisei fata ke leghugna igne, mae Jisas neke fatakleni thegna ka nogna mae fanomhore ka grathagna Kholo Galili. Igne neke eghu.

Nonomho Te Keli Teke Risoi Mae Mak 16:14

Ke leghu na mae Jisas mei ne thakle ka nabotho kaisei mae fanomhore, ka vido te ima teu mare na. Mana mei ne cheke faheta ka mare, naugna mare ne theome biꞌo nodi fatutuani na. Mare ne maku fara nagnafadire ne theome fatutuanidi iheire teke filoni mana ke leghugna teke karha fapulo mana ka glehe na.

Luku 9:29

Kate tarai teu mana na, thinigna mae Jisas na ne nhogri eghuteuna nogna pohere ne vegha fara.

Mae Khuru 1:3

Ke leghugna teke lehe nei ke karha fapulo teku na, mae Jisas neke fatakleni thegna ranghidi mare ka kmana fagaglana tutuani leuleghu fata ke lamnadi phiatutu narane igre. Mare neke filo tathadi mae Jisas na, eghuteuna mana neke toutonu ka mare eigna nakarha te funei frunini God na.