Nonomho Te Keli Teke Risoi Mae Mak 14:41 - Buka Blahi Ka Cheke Holo

⁴¹ Mae Jisas neke tei tarai fatilo fata. Ke leghugna igne, mana neke pulo mei ka thilo mae fanomhore. Mana ne cheke eghu ka thilomare, “Ghotilo gnafa nomi nei thuru nomi eghu kolho sia? Tuana la nabahi! Narane te mala snakre lao ghau iara ka khamedi mae te diꞌare la thoke meihi.

Nonomho Te Keli Teke Risoi Mae Mak 14:41 Referans Kwoze

Nonomho Te Keli Teke Risoi Mae Mak 14:35

Eghuteuna mana ne tei fadelei katha vido ka thilomare. Aonu mana tuturupuku soru ne tarai. Mana tarai ka God mala tangomana te tei sala'u vido te kakhabruana igne.

Nonomho Te Keli Teke Risoi Mae Mak 9:31

Naugna mana neke farirhiudi nogna mae fanomhore ne cheke eghu ka mare, “Iara mae teke mei funu ka God gne ginauna mare na snakre lao ghau iara ka khamedi naiknore mala falehe ghau iara. Nu ka fatilo narane na iara ginauna nake kegra fapulo kau karha.”

Jone 17:1

Ke leghugna te chekedi mae Jisas glepo igre, mana filo haghe kligna ne tarai, “Mama, narane na la meihi. Fatakle meini nou nolaghi biꞌo na ka iara mae Thumu gne mala fatakle ari langau iara mae Thumu gne nolaghi biꞌo na ka iagho.

Mae Khuru 7:52

Mae ku'emi ghotilo re neke paradi fara mae profet te gnafa tifa re. Mae profet re neke chekeni meigna nogna Mae Gloku God te Doglo Fara na, eghuteuna mae ku'emi ghotilo re ngala teke falehedi mae profet re. Tutuani, gognaro na ghotilo neke majorani nei faleheni eghu nogna Mae Gloku God na.

Jone 12:27

Mae Jisas ne cheke eghu, “Gognaro na iara thono diꞌanagnafagu fara eigna glepo nate mei ginauna. Na cheke faꞌunha eghu iara ka mae Mama? Iara na cheke eghu, ‘Mama, thosei snakre mei ke klignagu iara glepo te biꞌo igne na eghu’? Theo. Naugna igne ngala teke meini iara ka nauthoglu igne na mala ruma ke lamnagna glepo te ninhigrana igne.

Jone 12:23

Mae Jisas ne cheke eghu ka mare, “Narane na la thoke meihi te mala hata nolaghi biꞌo iara mae teke mei funu ka God na. Eghuteuna naiknore ginauna filo meini igne ka iara.

Jone 8:20

Mae Jisas neke chekedi u cheke igre ka teke farirhiudi mana naiknore kau Sugablahi na, rhegna vido mala lilisei sileni ka God naiknore. Eghuteuna, theo kaisei mae te mei lokini mae Jisas na, naugna nogna narane mana teke lilisei God na theome thoke mei ngau.

Jone 7:30

Kate chekeni mae Jisas igne, mae Jiure ne fariuriu lokini mana. Nu theo kaisei mae ka mare tangomana te lokini mana na, naugna nogna narane mana na theome mei au.

Nonomho Te Keli Teke Risoi Mae Mak 14:18

Kate ima teu mare na, mae Jisas ne cheke eghu ka mare, “Tutuani fara, te chekeni iara ka ghotilo na. Kaisei mae ka ghotilo mae te ima teu balugu iara gognaro igre ginauna snakre lao ghau iara ka khamedi nogu mae naoka iara re.”

Nonomho Te Keli Teke Risoi Mae Mak 14:10

Aonu mae Judas Iskariot, kaisei mae ka hatimare nabotho phei mae fanomho igre, ne tei cheke ka mae pris ulure. Mae Judas magnahaghei te snakre laoni mae Jisas ka mare.

Nonomho Te Keli Teke Risoi Mae Mak 7:9

Aonu mae Jisas ne cheke eghu, “Ghotilo laseni fara puhi te mala tuthughu nogna vetula God na, mala leghudi kolho nomi puhi farirhiu themire.

Matiu 26:2

“Ghotilo lasenihi, nauriha na narane Gaghamu Ghasa-Polho. Ka narane tuana mae te majora ghau iara na ginauna snakre lao ghau iara ka khamedi nogu naoka iara re mala tupijuru ghau iara ka gaju fafatha.”

Profet Esikiel 20:39

“ ‘Ghotilo naiknomi Israel ra! Iara Lord God te cheke eghu ka ghotilo igne: Jame te magnahaghei tarai ghotilo ka nomi mumujure, edi si ghotilo. Nu ke leghu na, iara ginauna fofotho khulimi ghotilo are mala theome fanomho nei leghudi eghu nogu cheke iara re. Iara ginauna theome snakre ghami ghotilo mala goigoni ni nanghagu te blahi na ka puhi te tarai ghotilo ka mumuju nei tusu lao fafara ranghidi.

Eklesiasti 11:9

Ghotilo naikno majaghani ra, ghotilo glealeꞌa kani majaghani ngau. Ghotilo leghuni unha te magnahagheni ka nagnafami re. Nu fiofilo ghami eghu, God ginauna fatedi puhimi ghotilo re.

Fapea Kings 3:13

Mae Elisa filoni mae King Joram gna Israel igne ne cheke eghu, “Naugna unha sagho te mei ka iara gnea? Tei sagho filodi nodi profet idomu ghe kmamu ra!” Nu mae king gna Israel igne ne cheke eghu, “Theo. Lord na jame lisa lao ghamihi ghetilo ka khame gna king gna Moab.”

Ululahu Kings 22:15

Aonu mana mei ne kegra ke ulugna King Ehab, eghuteuna Ehab ne ghusna eghu ka mana, “Profet Maekaea. Jame tei te magra ghepa King Jehosafat ka king gna Siria jare Ramot-Gilead na, ghepa ginauna uluni magra igne, ba theo?” Eghuteuna mae Maekaea ne cheke eghu ka mana, “Iagho tei magra ka king gna Siria jare Ramot-Gilead, Lord ginauna togho nigho iagho mala ke hata fapulo iagho namono tuana.”

Ululahu Kings 18:27

Farihotei aublatha, mae Elija ne funu maꞌedi mare ne cheke eghu, “Eha fabiꞌo si ghotilo! Tutuani, mana kaisei god! Jau mana gnafau. Jau mana au ka suga ikoi. Jau mana tei au delei! Jau mana thuru ihou, eghume ghotilo tei mala fadofrani mana!”

Jajis 10:14

Tei si ghotilo tanhi ka keha god te tarai ghotilo tadi are. Toredi mala fakarhi ghami kate thoke mei puhi biꞌo ka ghotilo na!”

Nonomho Te Keli Teke Risoi Mae Mak 14:40

Aonu, kate ke pulo mei mana ka thilo mae fanomhore, mana ne filodi thilomare thuru neu ngala, naugna tathadire ne kukape. Eghuteuna thilomare theome laseni unha nate chekeni ka mae Jisas.

Nonomho Te Keli Teke Risoi Mae Mak 14:42

Kegra haghe, tei noda! Filo si ghotilo, igne tela mei mae ihei nate snakre lao ghau iara ka khamedi mae te diꞌare!”