Nonomho Te Keli Teke Risoi Mae Mak 10:2 - Buka Blahi Ka Cheke Holo

² Aonu, keha mae Farasi ne mei funu saosagroni mana. Mare ne cheke eghu ka mana, “Ba, snakreni ka noda vetula tahati na si mae te mala koko khetogna na ia?”

Nonomho Te Keli Teke Risoi Mae Mak 10:2 Referans Kwoze

Jone 8:6

Mare cheke igre khogla saosagroni kolho mae Jisas, mala cheke jafra mana nu athini mana ka fate eghu kolho. Nu mae Jisas theome cheke ne pogho soru ne rioriso ka thagru glose na, ka geghesu thegna na.

Matiu 23:13

“Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fanagra nabrou te mala tei ka God na. Ghotilo themi na tiromi ruma eghuteuna ghotilo fanagradi naikno te magnahaghe ruma fari hoteidi naikno te funei frunidi God re.

Ululahu Korin 10:9

Eghuteuna tahati mala thosei fariuriuni Lord jateula mare eghu, eigna mogo na neke falehedi mare.

Jone 11:57

Nu mae pris ulu nei mae Farasi teu gre ne kulu lilisei cheke igne ranghidi naiknore eigna mae Jisas. “Ihei te laseni aheva te au teu mae Jisas na chekeni ka ghehati eghu.” Mare ne cheke eghu, naugna mare ne magnahaghei te lokini mae Jisas.

Jone 11:47

Aonu, hatimare mae Farasi baludi mae pris ulure ne kilo fodudi goro mae biꞌo re ne eni kaisei faidu. Mare ne cheke eghu, “Na faꞌunhani si tahati mae ignea? Naugna mana edi kmana nafnata kofubobhoi fara.

Jone 7:48

Theo kaisei mae biꞌo nei kaisei mae Farasi eghu te fatutuani ni mana na.

Jone 7:32

Mae Farasi re nomhidi naiknore te cheke pouporu eidi glepo te edi mae Jisas igre. Aonu mae pris ulu nei mae Farasi eghu igre ne kurudi keha mae greireghi Sugablahi na mala tei lokini mana.

Luku 16:14

Mae Farasi nomhini igne ne maꞌeni mae Jisas, naugna mare magnahaghe sileni fara.

Luku 11:39

Mae Jisas ne cheke eghu ka mana, “Ghotilo mae Farasi gre nanga nomini kolho te mala fagagae ke kosidi kapu nei tapera teu gre. Nu ke lamnadi nagnafamire, ghotilo fodu ka mamagna nei gaoghatho te diꞌa.

Luku 7:30

Nu mae Farasi nei mae velepuhigna vetula nogna mae Moses teu igre, mare ne tirodi leghuni nogna ghaoghatho God te maladi thedi na. Mare theome magnahagheni mae Jone te faꞌapublahidi.

Luku 6:7

Hatimare mae velepuhigna vetula nogna mae Moses nei hatimare mae Farasi eghu ne fiofilo neu ka mae Jisas, glahula fakeli naikno mana kau narane Sabat. Naugna mare magnahaghei te filoni mana te eni unha te jafra ka nogna vetula mae Moses na, mala tangomana mare te fathoethokeni mana na.

Luku 5:30

Nu keha mae Farasi nei keha mae kheradi mae velepuhigna vetula nogna mae Moses eghu ne thono buiburi fara ne cheke eghu ka nogna mae fanomho mae Jisas re, “Naugna unha site ghamu fodu ghotilo ka naikno te diꞌa mala salo takis nei keha naikno te diꞌa teu gnea?”

Nonomho Te Keli Teke Risoi Mae Mak 8:15

Mae Jisas ne kulu cheke faheta eghu ranghidi nogna mae fanomhore, “Fiofilo ghami ghotilo ia ka nodi isi hatimare mae Farasi nei nogna isi mae King Herod ana eghu.”

Nonomho Te Keli Teke Risoi Mae Mak 8:11

Keha mae Farasire mei ka mae Jisas ne toutonu balugna mana, naugna mare magnahaghei te saosagroni mana. Aonu mare toreni mana mala eni kaisei fagaglana mala laseni mana teke mei funugna kligna ka God na.

Matiu 22:35

Aonu kaisei mae ka hatimare mae Farasi, mana laseni fara nogna vetula mae Moses. Mana mei ne saosagroni mae Jisas ne ghusna eghu ka mana, “Velepuhi, vetula aheva gne te biꞌo tulao ka nogna vetula mae Moses igre?”

Matiu 19:3

Keha mae Farasi mei ne fariu saosagroni mae Jisas. Mare ne ghusna eghu ka mana, “Ghema, snakreni ka noda vetula tahati na si mae te koko khetogna na ka keha puhi te magnahaghei mana na ia?”

Matiu 16:1

Kaisei narane, keha mae Farasi nei keha mae Sadiusi, mare mei mala saosagroni mae Jisas. Aonu mare ne cheke eghu ka mana, “Iagho eni kaisei kofubobhoi. Igne fagaglana te mala laseni ghehati nolaghi teke funu ka God na.”

Matiu 15:12

Aonu, nogna mae fanomhore mei rhegna mana ne cheke eghu, “Ghema, mae Farasi gre ne diꞌa tadi ka unha te chekedi iagho ra.”

Matiu 9:34

Nu hatimare mae Farasi gre ne cheke eghu, “Mana tangomana ni kolho te bruedi naiture, naugna mae Satan, mae funeidi naiture, te tusu ranghini mana nolaghi te mala bruedi naiture.”

Profet Malakai 2:16

“Igne nogna cheke Lord noda God tahati maeda Israel. Mana neke cheke eghu, ‘Iara theome magnahagheni nafnata puhi te koko ghotilo khetomi gre. Nafnata puhi te koko ghotilo khetomire igne, iara thofno tiroguni fara. Eghume, te chekeni iara na, reireghi fakelidi nakarhami are, nei thosei huhughuni nomi nhaꞌa cheke teke eni ghotilo ka narane teke tolaghi ia eghu.’ ”

Nonomho Te Keli Teke Risoi Mae Mak 10:1

Ke leghugna igne, mae Jisas jifla jare ne tei ka nohi Judia eghuteuna ke kasa ke maghati Kho'u Jordan. Aonu, kmana naikno fara ne mei ka mana jare. Eghuteuna mana jateula nafnata puhi te edi thegna ra neu ne funu farirhiudi naiknore.

Nonomho Te Keli Teke Risoi Mae Mak 10:3

Mae Jisas neke ghusna eghu fapulo ka mare, “Unha vetula si teke tusu ari mae Moses ka ghotilo tifa na ia?”