Matiu 8:16 - Buka Blahi Ka Cheke Holo

¹⁶ Rafi, ke leghugna te pluluhi naprai na, naiknore hata ne mei ka mana kmana naikno te au naiture. Mae Jisas ne cheke kolho ka bukrei naiture ne kuru fajifladi. Nu naikno teke fogra re ghosei neke kafe keli fapulo.

Matiu 8:16 Referans Kwoze

Eksodas 15:26

Aonu God ne cheke eghu ranghidi naiknore, “Iara nomi Lord God ghotilo, iara neke famafodi khabrumi ghotilo ra. Jame te leghu ghau iara ghotilo te edi glepo te keli ka gaoghathogu iara re, nei leghudi nogu vetula iara re teuna, iara na theome tusu ari ka ghotilo nafnata khabru teke edi iara ranghidi mae Ijep ra teke au papara mare ra.”

Luku 4:40

Kate funu pluluhi naprai na, naiknore hata ne mei ka mae Jisas naikno te au kmana nafnata khabru tadire. Mae Jisas ne habo lao khamegnare ka naikno te fogra re neke keli fapulo.

Matiu 14:14

Kate longa mata na, mae Jisas ne filoni kaisei nakhapru biꞌo. Aonu mana kokhoni nognadi fara ne fakelidi naikno te fogra re.

Mae Khuru 5:15

Kate filodi kofubobhoi teke edi mae khurure, naiknore ne pala ne mei ka sape nei ka khifra ka nabrou mala ogho mei naungogna mae Pita na ke klignadi naikno te fogra re.

Matiu 12:22

Ke leghugna igne keha naiknore hata ne mei kaisei mae ka mae Jisas. Mae igne dofu nei iho cheke eghu, naugna kaisei naitu au ka mana. Aonu mae Jisas fakelini mae igne neke tangomana teke fifilo nei ke facheke teuna.

Nonomho Te Keli Teke Risoi Mae Mak 2:3

hatimare fati mae pala ne mei kaisei mae te blughu.

Matiu 9:2

Keha naiknore pala ne mei ka mana kaisei mae te blughu ka sape na. Kate laseni mae Jisas nodi fatutuani mare na, mana ne cheke eghu ka mae te blughu na, “Ghema kheraguo, thosei nanga nou, iara la hata fadeleihi nakhibomure.”

Nonomho Te Keli Teke Risoi Mae Mak 9:25

Mae Jisas ne filodi naiknore ne kafe thugha mei jare mala filoni unha te eni mae Jisas na. Aonu mae Jisas ne cheke eghu ka naitu na, “Iagho naitu te fameglini nei faꞌiho chekeni teu mae sitei igne, jifla mei ka mana. Eghuteuna, thosei ke ruma ka mana eghu!”

Matiu 8:33

Mae teke ohodi bosure ne kafe rikha ne posa ka namono Gadara, ne toutonuni unha te eni mae Jisas ranghidi phia mae te au naiture.

Matiu 8:15

Mae Jisas lao ne habo ka khamegna naꞌa na, eghuteuna fogra na ghosei neke ghaota. Aonu, naꞌa kegra haghe ne tarabana gano malagna mana.

Luku 4:41

Naitu teke au ka naikno te kmanare jifla mei ne eha fabiꞌo eghu, “Iagho Thugna God!” Nu mae Jisas ne cheke faheta ka naiture mala thosei cheke, naugna hatimare lasenihi mae Jisas gne ngala mae Kraes na.

Luku 13:12

Kate filoni naꞌa na, mae Jisas ne kiloni naꞌa ne cheke eghu ka naꞌa, “Naikno biꞌo, iagho la snaglahi ka fogra teke fadiꞌa nigho na!”