Matiu 4:23 - Buka Blahi Ka Cheke Holo

²³ Mae Jisas ne tei tongana ka Provins Galili, ne ruma ka nodi suga tharai mae Jiu ne farirhiu, nei toutonu thakleni Nonomho te Keli eigna narane God nate funei frunidi nogna naiknore, nei fakarhidi naikno te gnafa te fogra nei khabru biꞌo teure.

Matiu 4:23 Referans Kwoze

Matiu 9:35

Mae Jisas ne tei tongana ka namono biꞌo ba namono te ikodi ke lamnagna Provins Galili. Mana ruma ke lamnadi nodi suga tharai mae Jiure, ne farirhiudi naiknore. Eghuteuna mana ne toutonuni Nonomho te Keli eigna narane God te funei frunidi nogna naiknore. Mana ne fakarhidi naikno te au thua nafnata khabru nei fogra teu tadire.

Nonomho Te Keli Teke Risoi Mae Mak 1:39

Aonu, mae Jisas tei tongana Galili ne farirhiu ka nodi suga tharai mae Jiu ne brue fajifladi naitu te au ka naiknore.

Mae Khuru 10:38

Eghuteuna ghotilo lasenihila u thoutonu eigna mae Jisas gna Nasaret. Tutuani, God Mama neke kuruni mae Tharunga te Blahi na mala toghoni mana nei tusu ranghini mana u nolaghi te biꞌo tulao. Ghotilo jaola laseni mae Jisas gne neke tei tongana heva heva neke edi koba glepo te kelire, nei fakelidi naikno te gnafa te au ke parigna nogna nolaghi mae Satan. Mae Jisas tangomana te eni igne naugna God au balugna mana.

Luku 7:22

Mana ne cheke eghu ka phiamare, “Ke figri si ghopa ka mae Jone mala ke toutonu ka mana, unha glepo teke nomhidi nei filodi teku ghotilo ra. Iara gognarona fakelidi naikno te dofu, naikno te blughu, naikno te thubu biꞌo, naikno te megli, fakarha fapulodi naikno teke lehehi, nei toutonuni Nonomho te Keli na ka naikno te kumare.

Matiu 11:5

Iara gognarona fakelidi naikno te dofu, naikno te blughu, naikno te thubu biꞌo, naikno teke megli, fakarha fapulodi naikno teke lehehi, nei toutonuni Nonomho te Keli na ka naikno te kumare.

Matiu 13:54

Mana neke pulo ka thofno nogna namono teke biꞌo haghe na. Mana ne farirhiudi naiknore ka nodi suga tharai mae Jiure. Eghuteuna mare jaglo nodi fara ka mana ne cheke eghu fari thedi, “Icho idomi, neke hata aheva si mana glalase nei nolaghi eghu te edi kofubobhoi igrea?

Nonomho Te Keli Teke Risoi Mae Mak 1:21

Mae Jisas baludi nogna mae fanomhore ne mei posa Kapanam. Aonu, kau narane Sabat na mae Jisas ne tei ruma kau suga tharai na ne funu farirhiudi naiknore.

Nodi Khoje Hatimare Mae Jiu 103:3

Mana hata kokodi nakhibogu iara re, eghuteuna fagaota fapulodi khabrugu iara re.

Letas Teke Riso Tei Mae Pol Ka Khiloau Rom 10:15

Ba, faꞌunha eghu ihei nate toutonuni u Nonomho te Keli na, jame te theo kaisei naikno te kuru teini God te mala toutonu ka mare na? Mana ne kurudi mare mala toutonu jateula te chekeni ka grioriso te blahi na, “Thofno keli fara te mei naiknore te mala toutonuni u Nonomho te Keli na!”

Luku 8:1

Kaisei fata ke leghugna igne, mae Jisas ne tei ka namono biꞌo nei ka namono ikodi eghu ka Provins Galili mala toutonuni Nonomho te Keli eigna nakarha God te funei frunini. Eghuteuna, hatimare nabotho phei nogna mae fanomhore

Nonomho Te Keli Teke Risoi Mae Mak 6:2

Kau narane Sabat na mae Jisas ne funu farirhiudi naiknore ka suga tharai na. Kmana naikno nomhini mana ne jaglo nodi fara. Mare ne cheke eghu, “Tore, neke hata aheva si mana farirhiu igrea? Unha nafnata glalase si God teke tusu lao ka mae ignea? Ne faꞌunha si mana te au nolaghi te mala edi kofubobhoi igrea?

Matiu 24:14

Mare ginauna jifla tei toutonuni Nonomho te Keli eigna nafnata puhi God nate funei frunidi nogna naiknore. Mare ginauna toutonuni igne heva heva ke lamnagna nauthoglu igne ka naikno te gnafare. Aonu, ame thoke mei nga narane leghu lahu na eghu.”

Matiu 12:9

Mae Jisas jifla jare ne tei ruma ka kaisei nodi suga tharai mae Jiu.

Jone 18:20

Mae Jisas ne cheke eghu ka mana, “Iara neke famane cheke ke uludi naiknore. Eghuteuna iara neke farirhiu koba ke lamna suga tharai, nei ke lamna Sugablahi, ka vido aheva te kafe khapru teu mae Jiure. Tutuani, iara neke theome cheke poruni kaisei glepo.

Luku 13:10

Kaisei narane Sabat, mae Jisas farirhiudi neu naiknore ke lamnagna kaisei suga tharai.

Luku 9:11

Nu kate nomhini igne naiknore ne tei ke leghugna mae Jisas. Aonu mana ne theome lhotidi nu mana gleale'a te filodi naiknore ne toutonu ranghidi eigna u nakarha te funei fruni ni God na. Eghuteuna mana ne fakarhidi naikno te magnahaghei teke keli nodi ka fogra.

Luku 5:17

Kaisei narane mae Jisas farirhiudi naiknore ka suga na. Eghuteuna keha mae Farasi, nei jaola keha mae velepuhi eghu au neu jare. Mae igre mei funudi ka namono te gnafa ka Provins Galili, nei funudi ka Provins Judia, nei ka namono Jerusalem. God ne tusu lao nolaghi ka mae Jisas mala fakelidi naikno te fogra re.

Nonomho Te Keli Teke Risoi Mae Mak 6:6

Mae Jisas ne jaglo nogna fara te theome fatutuani naiknore. Ke leghugna igne mae Jisas ne tei ka keha namono te au ka nohi tuana ne farirhiudi naiknore.

Nonomho Te Keli Teke Risoi Mae Mak 3:10

Mana neke fakelidi kmana naikno te fogra. Naugna igne naikno te fogra igre ne kafe thugha mei ka mana mala haboni mana.

Nonomho Te Keli Teke Risoi Mae Mak 1:14

Ke leghugna te lilisei mare mae Jone Apublahi kau suga sosolo na, mae Jisas tei Galili ne toutonuni Nonomho te Keli nogna God.

Nodi Khoje Hatimare Mae Jiu 74:8

Mare magnahaghei fara te goigoni ghami ghehati. Aonu mare ne nako ka khaꞌaghi vido te gnafa te mala tarai ghehati ka kantri igne.

Mae Khuru 20:25

“Iara neke tei heva heva ke lamnami ghotilo neke toutonu eigna nakarha God te funei frunini. Eghuteuna gognaro na iara laseni, theo kaisei ka ghotilo nate filo ghau iara ginauna.

Mae Khuru 18:4

Leuleghu narane Sabat na mae Pol ne tei toutonu ranghidi mae Jiu nei mae Griki ka suga tharai na mala fatutuani ni mae Jisas.

Jone 6:59

Mae Jisas neke chekedi u glepo igre ka teke farirhiudi mana naiknore ke lamnagna u suga tharai na ka namono Kapanam.

Luku 10:9

Fakelidi iheire te fogra ka namono tuana, nei cheke eghu ranghidi, ‘Narane te funei frunidi God naiknore la namo meihi ka ghotilo.’

Luku 6:17

Mae Jisas neke soru baludi nogna mae khurure funu ka thogele na. Mana soru ne kegra ka sare na baludi mae fanomho te kmanare. Eghuteuna kmana naikno ne mei funudi ka namono te iko tongana Judia, Jerusalem, nei ka namono te au ke tongna rhedi phei namono biꞌo Taea ghe Sidon.

Matiu 14:14

Kate longa mata na, mae Jisas ne filoni kaisei nakhapru biꞌo. Aonu mana kokhoni nognadi fara ne fakelidi naikno te fogra re.

Matiu 13:19

Sisi te soru ka nabrou na igre eidi iheire te nomhini cheke eigna God te funei frunidi nogna naiknore, nu theome laseni kolho teu igre. Eghuteuna Satan mei hata koko sisi teke joꞌu ka nagnafagnadi re.

Matiu 3:2

Mana ne cheke eghu ka naikno te fanomho ka mana re, “Ghotilo lilisei puhimi te diꞌare, naugna narane God nate funei frunidi nogna naiknore la namo meihi!”

Jone 7:1

Ke leghugna igne, mae Jisas neke teitei ke lamnagna Provins Galili. Mana ne tirogna teitei ka Provins Judia, naugna mae biꞌodi mae Jiu te au jare re ne ofo mala faleheni mana.

Luku 20:1

Kaisei narane, mae Jisas ne farirhiudi neu naiknore ka Sugablahi na. Kate toutonuni mana Nonomho te Keli na, hatimare mae pris ulu nei hatimare mae velepuhigna vetula nogna mae Moses, nei keha mae biꞌo langau eghu ne mei ka mana.

Luku 4:14

Ke leghugna igne mae Jisas neke pulo Galili, balugna u nogna nolaghi Tharunga te Blahi na. Eghuteuna, u nonomho eigna mae Jisas na ne tei tongana ka nohi te gnafa ke lamnagna provins tuana.

Luku 6:6

Ka keha narane Sabat na, mae Jisas tei ne ruma ka suga tharai na ne farirhiudi naiknore. Eghuteuna, kaisei mae te lehe khame nhetagna na au neu jare.

Luku 7:21

Phei mae fanomho igre tei ne filoni mae Jisas te fakelidi kmana naikno te fogra, nei dofu, nei bruedi naitu teure.

Luku 9:60

Nu mae Jisas ne cheke eghu ka mana, “Iagho lisa laodi naikno te tirodini nakarhagna God na mala giugilui mare thedi. Tei sagho mala toutonuni nakarha te funei frunini God na.”

Luku 16:16

Mae Jisas ne cheke eghu, “Tifa na naiknore neke leghuni nogna vetula mae Moses na nei chekedi hatimare mae profet. Nu funu ka mae Jone Apublahi na, mare neke toutonuni u Nonomho te Keli eigna God te funei frunidi nogna naiknore. Naugna naiknore nomhini igne, mare fariuriu fara mala ruma kau nakarha igne.

Mae Khuru 28:31

Eghuteuna mana ne toutonu ranghidi u Nonomho te Keli eigna u nakarha God te funei frunini, nei farirhiu eigna noda Lord Jisas Kraes. Mana kaisei mae frane fara kate toutonuni u Nonomho te Keli na. Eghuteuna theo kaisei naikno te tangomana fariuriu lhotini mana ka cheke igre.