Matiu 4:20 - Buka Blahi Ka Cheke Holo

²⁰ Aonu, phiamare ghosei ne lisei soru nodi fangnare ne tei balugna mana.

Matiu 4:20 Referans Kwoze

Matiu 19:27

Mae Pita ne cheke eghu ka mana, “Lord, ghehati neke lisei soru nomi gobigna lepore mala leghu nigho iagho. Eghume unha nate hatini ghehati na eghu?”

Nodi Khoje Hatimare Mae Jiu 119:60

Iara theome ofoni ihei nga te mala leghuni chekemu iagho na.

Ululahu Kings 19:21

Ke leghu mae Elisa neke pulo ka nogna nagare na. Mana ne aknu falehe phei nogna buluka ra, eghuteuna mana ne koko lao ka khaꞌaghi thaba mala plao ra, eghuteuna gahu nafnahidi phei buluka igre ka khaꞌaghi. Aonu mana ne tufa nafnahi igre ka naikno gna namono na. Gnafa teuna, mana tei ne leghuni profet Elija mala toghoni mana.

Galesia 1:16

toutonu iara u Nonomho te Keli eigna mae Thugna God ka naikno te theome Jiure. Tutuani fara God ne falalase ka iara mae thofno Thugna na. Kate kilo ghau God na, iara neke theome hata farirhiu ba thotogho ka mae ihei.

Matiu 10:37

“Ihei te namhadi fara kmagna ba idogna ba thugna nalhaꞌu ba thugna gaꞌase ke tulaogu iarai na, mana theome nabagna te nogu mae fanomho iara na.

Matiu 4:19

Mae Jisas ne cheke eghu ka phiamare, “Mei ke leghugu. Iara na falalase ka ghopa te mala salo mei naikno ka iara na.”

Matiu 4:21

Mana tei ne filodi mae Jemes ghe mae Jone, phei thugna mae Sebedi. Phiamare saghe neu ka mola na balugna mae kmadi na, ghau neu nodi fangnare. Mae Jisas jaola ne kilodi phiamare.

Luku 5:11

Aonu mare pala famata phia nodi molare ne lisei soru nodi gobigna lepore ne leghuni mae Jisas.